“ENPATIKONOMIA” enpresentzako jardunaldia izango da urriaren 18an Errenterian

2018ko Urriak 10
Enpatikonomia

Enpresen erantzukizun soziala osatzen duten faktoreak eta esperientzia zehatzen eta zabaltzen ari diren joeren berri izango dute bertaratzen diren enpresetako ordezkariek.

Urriaren 18an Enpatikonomia izeneko jardunaldia izango da Errenteriako Tknika Lanbide Heziketaren berrikuntza eta ikerkuntza zentroan.

Jardunaldi honetan enpresen erantzukizun soziala osatzen duten faktoreak eta gure eskualdean nahiz eskualdetik kanpora zabaltzen ari diren joerak eta lantzen ari diren planak ere ezagutuko ditugu. Besteak beste, jorratuko diren gaiak honako hauek izango dira:

- Nazio Batuen Batzar Orokorrak zehaztu zuen Agenda 2030 ezagutuko dugu, Garapen Iraunkorrerako 17 helburu dituena eta munduko herri guztiek 2030 urterako betetzeko konpromezua hartu dutena. 

- Hizkuntzen kudeaketa egokiak betetzen duen papera aztertuko dute, adibide eta esperientzia konkretuen berri izango dute bertaratzen diren enpresetako ordezkariek.

- Engaiatu metodologia Errenteriako enpresa txiki eta merkataritza-establezimenduek ingurunea eraldatzeko duten ahalmena neurtzeko eta balioan jartzeko garatu da. Jardunaldian bertan lortutako emaitzak ezagutzera emango dira. 
- …

Joera berritzaile hauek Oarsoaldeko gero eta enpresa gehiagoren agendan txertatzeak berebiziko garrantzia du bertako espazio sozio-ekonomikoa eguneratu eta indartzeko.

Pasa den urtean antolatu zen lehenengo aldiz jardunaldia Nola izan enpresa erakargarri XXI. Mendean? Erantzukizun soziala eta elkarlana izenburupean. 50 lagunek elkarlanean eta mahai-inguruetan gai desberdinak jorratzeko aukera izan zuten.

Jardunaldi hauen helburua, arduraz jokatzen duten enpresen ikusgarritasuna areagotzea eta haien arteko elkarlana sustatzea ere bada.

Jardunaldian parte hartzeko interesa dutenek, Oarsoaldea Garapen Agentziara deituz (943 494 129 Komunikazio Saila) edo emaila bidaliaz (komunikazioa@oarsoaldea.eus) eskuratu dezakete gonbita.

EGITARAUA:

09:45 - 10:00 HASIERA: Ongietorri kafea

10:00 - 10:10 AURKEZPENA: Hizlariak: Julen Mendoza (Errenteriako alkatea) eta Iñaki Mujika Aizpurua  (Tknikako zuzendari exekutiboa)

10:10 - 10:50 HITZALDIA: Los Objetivos de Desarrollo Sostenible en la empresa, claves para avanzar.

Hizlaria: Arantza Acha de la Presa (UNESCO Etxearen zuzendaria)

10:50 - 11:30 HITZALDIA: Enpresa, erantzukizun soziala eta hizkuntzak.

Hizlaria: Karmelo Ayesta Sagarduy (Eratuz, Koop. Elk.)

11:30 - 11:50 SOLASALDIA HIZLARIEKIN

11:50 - 12:15 ATSEDENA.

12:15-12:55 HITZALDIA: Engaiatu metodologia Errenterian.

Hizlaria: Aitziber SalaberriaArregi (Elhuyar Fundazioko teknikaria)

12:55 - 13:35 HITZALDIA: Gipuzkoa, enpresak eta erantzukizun soziala.

Hizlaria: Garikoitz Agote Alberro (Gipuzkoako Foru Aldundiko Industria Sustapeneko zuzendaria)

13:35 - 13:55 SOLASALDIA HIZLARIEKIN

13:55 - 14:00 ITXIERA. Miguel Angel Sanchez, Oarsoaldea Garapen Agentziaren ordezkaria.

Oarsoaldea Garapen Agentziaren Euskara Sailak, Errenteriako Udalak, Lezoko Udalak, Oiartzungo Udalak eta Pasaiako Udalak antolatu dute jardunaldiaren bigarren edizio hau.

Jardunaldia, lan-munduko eragileak sentiberatzeko EUSKARAZ, S.A. ekimenaren barruan kokatua dago eta  Jose Angel Sanchezek, Oarsoaldea Garapen Agentziako lehendakariak, izena ematera animatu nahi ditu gai hauen inguruan interesa izan dezaketen enpresei.

Jardunaldiari buruzko informazio gehiago hemen: https://www.euskarazsa.eus/es/hasiera

Bidali iruzkin berria

Eremu honetako edukia pribatua da eta ez da webgunean erakutsiko
Spamaren kontrako filtroa
Galdera hau SPAMa saihesteko baino ez da. Idatzi mesedez kopurua zenbakiak erabiliz.

Lan-Eskaintzak

Ez dago emaitzarik

Faktura Elektronikoa

NireOrdainketa

Administrazioarekiko ordainketak Internet bidez egiteko zerbitzua:
NireOrdainketa logoa

Diru laguntzak

Kontsultatu hemen diru laguntzak

Udal tramiteak

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskaera orria


  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Eskakizunak eta Iradokizunak

Theme by Danetsoft and Danang Probo Sayekti inspired by Maksimer