Lore-koroak egiteko tailerra habian!

2019ko Otsailak 08
Oarsoaldea

Oarsoaldea Garapen Agentziak eta Idoia Lizeaga Iturralde bitxigile eta loregintzan adituak, Habian! hazitegi kolaboratiboaren ekitaldien programaren barruan, loregintza tailerra antolatu dute otsailaren 28an arratsaldeko 16:00etan Torrekuan (Errenteria)

Koro-aromatikoak egiteko teknikak ikasiko dituzte bertaratzen direnek, barne–dekoraziorako koroak edo norbere apaingarri gisa erabiltzeko koroak egiteko aukera egongo delarik.

Tailerrak 3 orduko iraupena izango du eta Idoia Lizeaga Iturralde sortzaileak gidatuko du, beste hiru bitxigilerekin batera, Habian! Fabrika Kreaktiboa hazitegi kolaboratiboan lanean ari da egun.

Idoia Lizeaga

Idoia bitxigilea da, natura da bere inspirazio iturri eta loregintza artearekin naturarekin lotura bilatzen du, eta zergatik ez, soinean eraman.

Urtarrila bukaeran mundu osoko 50 diseinatzailek partu zuten Luis Acostak Madrilera ekarritako erakusketa batean, “III Muestra de orfebería y joyería contemporáneas”. Horien artean Idoia Liceaga izan zen, Idoia ez baita geldirik egoten diren horietakoak:

Florista profesional gisa bide luzea egin du, Land Art instalazioetan (Girona temps de flors, besteak beste) parte hartu eta Escola D’Art Floral de Catalunyan irakasle aritu eta gero, Euskal Herrira itzultzearekin batera, ibilbide berria hasi zuen Idoia Lizeagak Zizurkilgo Fraisoro Nekazaritza Eskolan, ekitaldien koordinazioaz arduratuz eta ikastaroak emanez Fraisoron bertan eta  Gipuzkoako Merkataritza Federazioan bazkide diren lore-saltzaileei (Donostiako Bulevard-eko kioskoaren dekorazioa; Lorearen eta Landarearen Merkatuaren baitan Tolosako San Francisco pasealekuan zintzilikako dekorazioa).

Ikastaroakburutzen ditu sektoreko profesional zein afizionatuentzat (Zinemaldia, Lur Kolektiboarekin; “Sagaruzta” eta “Maiatza loretan” Sagardun, Astigarragako Sagardoaren Museoaren eskutik).

http://www.idoializeaga.com/100-natural/

http://www.idoializeaga.com/category/proyectos/

Tailerra norentzat

Tailerra ezaguerarik ez duten helduentzat dira (edota 12 urtetik gorako haurrentzat) etagehienez 12 parte-hartzaile izango dira saio bakoitzeko.Oarsoaldea Garapen Agentziaren laguntzari esker,tailerrak 10 euro balio ditu laguneko, erabiliko den materiala ordaintzeko balio duena. Aukera bikaina da, izan ere, mota honetako tailer batek 40 euro balio ditu berez.

Ez ezazu galdu aukera!

Erreserba eta izen-ematea

Izena emateko epea otsailaren 27an bukatuko da edo tailerraren 12 tokiak betetzen direnean, inskripzio ordena errespetatuz.

Izena emateko lehenengo erreserba egin behar da hauetako edozein bideetatik:

Emailez: habianfabrika@oarsoaldea.eus

Telefonoz: 943 494 129

Izen-emate orria: KORO-AROMATIKOAK

Loreak maite badituzu edo haiekin lan egiteko zenbateko abilezia duzun ikusteko, aukera aparta duzu. Anima zaitez!

Ekonomia eraldatzen sorkuntzan eta elkarlanean oinarrituz

 “Habian! egitasmoaren bidez Errenteria eta Oarsoaldeko ekonomia eraldatu nahi da, sorkuntzan eta elkarlanean oinarritutako eredu batean bihurtzeko. Horretarako bi haztegi jarri ziren martxan: Habian! Fabrika Kreaktiboa eta Habian! Teknologia Kreaktiboa. Teknologia berrietan, artisautzan edo bestelako ofizio sortzaileetan oinarritutako proiektuekin datozen ekintzaileei laguntza zerbitzua eta jarduera bertan garatzeko espazioa eskaintzen zaizkie. Tailer honen bidez, arte diziplina hau herritarrarengana gerturatu nahi da, beraiek sortutako dekorazio elementu bat etxera eramateko aukera emanez.

Tailer+

Lore-koroak egiteko tailerrera joateko aukerarik ez baduzu, ez kezkatu, hurrengo hilabeteetan tailer gehiago eskainiko ditu HABIAN! Hazitegiak, besteak beste:

Martxoa

Agara Agirre-Paperezko bitxiak

Apirila

Inma Gómez-Diadema-turbante Ikastaroa

Ekaina

Sharpa Marketing-Sare sozialak

Iraila

Jone Taberna-Korapiloak

Azaroa

Ainhoa Redondo-Ilustrazioa familian


Harremanetarako:

habianfabrika@oarsoaldea.eus

943.494.129

Bidali iruzkin berria

Eremu honetako edukia pribatua da eta ez da webgunean erakutsiko
Spamaren kontrako filtroa
Galdera hau SPAMa saihesteko baino ez da. Idatzi mesedez kopurua zenbakiak erabiliz.

Lan-Eskaintzak

Ez dago emaitzarik

Faktura Elektronikoa

NireOrdainketa

Administrazioarekiko ordainketak Internet bidez egiteko zerbitzua:
NireOrdainketa logoa

Diru laguntzak

Kontsultatu hemen diru laguntzak

Udal tramiteak

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskaera orria


  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Eskakizunak eta Iradokizunak

Theme by Danetsoft and Danang Probo Sayekti inspired by Maksimer