Kiroldegi albotik Altamirara doan igogailua eraikitzen hasi dira

2018ko Abuztuak 17
igogailua

Pertsonen ongizatea eta bizi kalitatea hobetzea helburu hartuta herriko irisgarritasunaren alde urratsak egiten jarraitu nahi du Udalak. Lanak 590.458,52€ko aurrekontuarekin esleitu dira eta 12 astetan igogailua eraikita egotea aurreikusten da. 

Joan den maiatzean Lezoko Udalak Bekoerrota kiroldegitik Altamirako auzora joango den igogailua eraikitzeko lanen esleipen prozesua abiarazi zuen eta, beharrezko prozedurak jarraitu ondoren, dagoeneko sinatu da igogailua eraikitzeko akordioa Murias enpresarekin. Udal gobernuaren lehentasunetako bat izan da, lehen egunetik, herriko irisgarritasuna hobetzearen alde lan egitea Lezon bizi diren herritarren bizi kalitatearen, mugikortasunaren eta ongizatearen mesedetan.

Gauzak horrela, behin esleipen prozesua amaituta eta enpresarekin akordioa sinatuta, lanak 590.458,52€ (BEZ barne) euroko aurrekontuarekin esleitu dira eta igogailua 12  astetan eraikita egotea espero da.

Abuztuak 20 astelehena hasi ziren lanekin eta beraz, urte amaierarako kiroldegitik Altamira auzora doan igogailua eraikita egotea aurreikusten da. Horrela, Irisgarritasun Plana osatzen duen Irisgarritasun Plan Bertikalean jasota dagoen igogailu honen eraikuntzak, herriko irisgarritasuna hobetzeaz gain, herriko lehen igogailua eraikitzea suposatuko du.

Aipatu Irisgarritasun Plan Bertikalak herriko irisgarritasuna hobetzen jarraitzeko, faseka, hainbat igogailuren eraikuntza aurreikusten eta jasotzen du, baina Udal gobernuak hasiera-hasieratik eman dio lehentasuna kiroldegi albokoa eraikitzeari.


 

Bidali iruzkin berria

Eremu honetako edukia pribatua da eta ez da webgunean erakutsiko
Spamaren kontrako filtroa
Galdera hau SPAMa saihesteko baino ez da. Idatzi mesedez kopurua zenbakiak erabiliz.

Lan-Eskaintzak

Ez dago emaitzarik

Faktura Elektronikoa

NireOrdainketa

Administrazioarekiko ordainketak Internet bidez egiteko zerbitzua:
NireOrdainketa logoa

Diru laguntzak

Kontsultatu hemen diru laguntzak

Udal tramiteak

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskaera orria


  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Eskakizunak eta Iradokizunak

Theme by Danetsoft and Danang Probo Sayekti inspired by Maksimer