Diru-laguntzak

Udaleko Euskara Sailaren diru-laguntzak

Egun martxan dauden edo epea irekitzear duten diru-laguntzen inguruko informazio gehiago eskuratzeko, jo udaleko diru-laguntzen atalera.

Euskara Sailak urtean diru-laguntzen deialdi bat egiten du. Gaur egun hiru lerro ditu:

1) Euskara ikasteko diru-laguntza: helburua Lezon bizi den edonork euskara ikasteko aukera izatea da.

2) UEUn matrikulatzeko diru-laguntza: Udako Euskal Unibertsitatean ikastaroren bat egin nahi duenarentzat irekitzen da aukera bera.

3) Lezoko komertzio- eta ostalaritza-errotuluak euskaratzeko diru-laguntza: errotuluak euskara hutsean jar ditzaten herriko ostalariak eta merkatariak diruz laguntzeko xedea bilatzen du.

 

OLA Plana: Jarduerak antolatzeko diru-laguntzak.

Diru-laguntza hauek eskatu ahal izateko, OLA Planeko partaide izan behar da. Beraz, OLA Planean sartuta dabiltzan enpresak diru-laguntza hauek eska ditzakete, euskararen aldeko ekimenen bat antolatzeko asmorik izanez gero.

 

Nazio Mailako euskalgintzan dabiltzan erakundeentzako diru-laguntzak.

Lezoko Udalak, orain artean, utzi izan du diru aurreikuspen bat euskararen alde nazio mailan dabiltzan erakundeentzako. Jasotako eskaeren artean, garaian garaiko lehentasunen araberako banaketa egiten da.