Hondakin gutxiago sortzeko tailer praktikoak egingo dira osteguneko azokan

2018ko Ekainak 13
Hondakin gutxiago sortzeko urte hasieran egindako tailerra

Eskualdeko Garapen Agentziak bi tailer eskainiko ditu ostegun goizean Saldise plazan; lehena, 10:30ean eta bigarrena, 11:30ean

Bereiztuta jasotzen diren hondakinen kantitate eta kalitatea hobetzeko helburuarekin abiarazitako informazio eta sentsibilizazio kanpainaren baitan, Eskualdeko Garapen Agentziak, tailer bereziak eskainiko ditu osteguneko azokan, ekainaren 14an, erosketetan hondakin gutxiago nola sortu azaltzeko helburuarekin.

Tailerrak, Karlos Saldise plazan egin ohi den azokan egingo dira eta, horietan, hondakinak murrizteko aholku eta aukerak oinarri hartuta benetako erosketak egingo dira. Horrela, herritarrek merkatuan azaldutako aukerak praktikan jarri ahal izango dituzte.

Erosketak modu jasangarriagoan egiteko 2 erakustaldi:

Kasu honetan, 2 erakustaldi gidatu eskainiko zaizkie herritarrei eguneroko erosketetan hondakin gutxiago nola sortu azaltzeko. Horretarako, zein aukera dituzten azaldu eta hainbat aholku emango zaizkie herritarrei, hala nola, tupper edo potoak erabiltzea, plastikozko poltsa gutxiago erabiltzea edota horiek berrerabiltzea, besteak beste.

Erosketetan sortzen ditugun hondakinak murrizteko erabil daitezkeen aukeren adibideak erakusgai izango dituzte herritarrek. Halaber, eskuorriak ere eskuratu ahal izango dituzte erosketak egiteko urrezko 10 arauekin (erosketak egitean sortzen ditugun hondakinak murrizteko jarraibideekin) eta hondakinak arazo izatetik baliabide izatera igarotzeko, birziklatu aurretik hauek murriztu eta berrerabiltzearen garrantziaz ohartzeko informazioarekin.

Beraz, 2 tailer eskainiko dira: 10:30ean lehena eta 11:30ean bigarrena. 

Bidali iruzkin berria

Eremu honetako edukia pribatua da eta ez da webgunean erakutsiko
Spamaren kontrako filtroa
Galdera hau SPAMa saihesteko baino ez da. Idatzi mesedez kopurua zenbakiak erabiliz.

Lan-Eskaintzak

Ez dago emaitzarik

Faktura Elektronikoa

NireOrdainketa

Administrazioarekiko ordainketak Internet bidez egiteko zerbitzua:
NireOrdainketa logoa

Diru laguntzak

Kontsultatu hemen diru laguntzak

Tramiteak Online

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskaera orria


  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Eskakizunak eta Iradokizunak

Theme by Danetsoft and Danang Probo Sayekti inspired by Maksimer