Arratsaldeko 18:30ean izango da, Gurutze Santuaren plazan
Gaur, maiatzak 15, emango zaie amaiera Lezoko festei Perutxoren agurrarekin. Ez da eguneko ekitaldi bakarra izango, ordea.
Goizeko 10.30ean haur eta gaztetxoentzat pintxo lehiaketa egingo da Karlos Saldise plazan. 12.00etan, aldiz, Herri Kirolen erakustaldia izango da Gurutze Santuaren plazan: Urtzi Telleria eta Jokin Eizmendi harrian; Ugaitz Mugerza eta Xabier Zaldua aizkora lanetan.
Arratsalderako, Perutxoren agurra bukatu ostean, zezen suzkoa izango da gaueko 21.45etatik aurrera. Bertan Tomas Garbizu Musika Eskolako bandak parte hartuko du.
Ondorengoa da gaur, maiatzak 15erako, prestatu den egitaraua:
Maitzak 15
9.30: Diana Eskualdeko dultzaineroekin.
10.30: Haur eta gaztetxoentzat pintxo lehiaketa Karlos Saldise plazan.
12.00: Herri Kirolen erakustaldia Gurutze Santuaren plazan: Urtzi Telleria eta Jokin Eizmendi harrian. Ugaitz Mugerza eta Xabier Zaldua aizkora lanetan.
12.00: Buruhandi eta Erraldoien kalejira Munttar txistulari taldearekin Karlos Saldise plazatik abiatuta.
17.00: Altxorraren bila. Irteera Polentzarrenetik.
18.30: Perutxoren agurra Gurutze Santuaren plazatik abiatuta.
19.00: Patxi eta konpainia. Dantza eta musika emanaldia.
21.45: Zezen suzkoa “Tomas Garbizu” Lezoko Udalaren Musika Eskolako bandarekin Gurutze Santuaren plazan.