Antzerkia

Antzerkia

Ubu Errege

Eguna eta ordua
Hizkuntza
Euskaraz
Prezioa
8 €
Lugar
Gezala Auditórium

Orratx! Antzerki Taldea interpretatutako obra.

UBUren hitz-jarioak basakeria, ankerkeria eta hizkera absurdoa eta zakarra biltzen ditu bere baitan, erakunde eta erregimen guztien parodia batean. Berekoia, kaskarra, mespretxagarria eta zitala da, eta boterearen ur lohitsuetan ugaritzen diren pertsonaien ordezkari leiala. Gerrak, erailketak eta traizioak eragingo ditu, gutxi batzuk aberasteko beste askoren bizitzaren kontura.

Antzerkia

Almazenean

Eguna eta ordua
Hizkuntza
Euskaraz
Prezioa
8 €
Lugar
Gezala Auditoriuma

Erretreta hartzeko dagoen arduraduna eta haren lekuan sartuko den langilea, ezinbestean, bost egunez elkarrekin egongo dira lantokian, itxuraz deus gertatzen ez den almazen huts batean.

Erlojuaren tik-tak okerra, bi ezezagunen arteko isilune deserosoa, esperoan egotearen amorrazioa, bi pertsonaien arteko gatazka eta gezur handi baten zama.

Baldintza horien guztien baitan, bi langileen arteko harremana estutzen joango da, eta komunean daukaten zera horrek lotuko ditu betirako: galtzaileen kontzientzia.

David Desola idazle kataluniarrak atondu duen komedia zorrotz eta garratz honek lan munduan pairatzen den esplotazioaz eta kapitalismoaz hausnarketa egiten du. Antzerki lan honek Hermanos Machado Saria jaso zuen.

Fitxa artistikoa

  • Egilea: DAVID DESOLA
  • Zuzendaria: BEGOÑA BILBAO LEJARZEGI
  • Itzulpena: MARTIN AGIRRE
  • Aktoreak: IKER GALARTZA, ZUHAITZ GURRUTXAGA
  • Eszenografia: ASIER SANCHO SENOSIAIN
  • Eszenografia egilea: ESCÉNICA INTEGRAL
  • Jantzien diseinua: JOKIN AYERREGARAY
  • Argiztapena: JULEN ZABALLA
  • Argazkiak: DAVID VICENTE
  • Kartela: DAVID SUEIRO
  • Ekoizpen exekutiboa: XABIER AGIRRE
  • Ekoizpen arduraduna: MARTIN AGIRRE
  • Ekoizpena: TXALO PRODUKZIOAK
  • Iraupena: 75 minutu
Antzerkia

Apotheósis Buffo

Eguna eta ordua
Hizkuntza
Gazteleraz
Prezioa
8 €
Lugar
Gezala Auditoriuma

Dyonisosek, ardoaren eta antzerkiaren jainko greziarrak, bere bakanalera gonbidatzen gaitu. Baso ilargitik lurpeko iluntasun sakonera; giza tragediaren ahanzturara, estasiara, basatiaren lotsagabekeriara.

Aktore bat 30 pertsonaiarentzat.

Legeen, ordena naturalaren eta mundu moralaren gaineko gogoeta taupadatsua. 

Fitxa artistikoa

  • Zuzendaria: Xabi Lopez "Jabato"
  • Ekoizpena: Xabi Lopez "Jabato"
  • Aktoreak: Xabi Lopez "Jabato"
  • Soinua: Xabi Lopez "Jabato"
  • Argien diseinua: Junki Mayo
  • Jantziak: Jerusalen Jimeno
  • Atrezzoa: Iosu Lucas, Xabi Lopez "Jabato", Unai Zinkunegi, Alain Zinkunegi
  • Maparen diseinua: Edurne Izagirre Elizaran
  • Dosierraren diseinua: Edurne Izagirre Elizaran
Multimedia
Hasta que la muerte nos separe
Antzerkia
mdimalta Ar, 2024-01-02 13:29
Gezala Auditoriuma

Agertokian bi antzezle eta musikari bat. Adin beretsukoak, etengabe sartu eta ateratzen diren bi pertsonaia eraikitzen dituzte: bizikidetza luze baten ondoren banandu berri den bikotea, non bizitza elkarren ondoan amaitzea amestu duten. Alaba bat dute, banaketa hori hain handia ez izatea eragiten duena, eta erritu katolikoaren esaldi ospetsuak bere indar guztia hartzen duena "heriotzak banatzen gaituen arte".

Antzezleek maitasunaz eta ohituraz hitz egingo dute; diruaz, seme-alabez, iraganaz, orainaz eta etorkizunaz; eraiki eta hausten diren ametsez; gauzak gaizki egiteaz ongi egin daitezkeenean; harrotasunak esaten uzten ez dizunaz; porrotaz; ikaskuntzaz; itxaropenaz...

Inconstantes Teatro konpainiaren eskutik, Hasta que la muerte nos separe ikuskizunak, bikotea kontzeptu sozial, kultural, ekonomiko eta erlijioso gisa hausnartzen du. Alaba helburua, bat egitea, aitzakia, justifikazioa, baina, azkenean, beti hirugarren postuan dago. Gizartea eboluzionatzen ari da; mendebaldeko familia kontzeptua ez.

Gazteleraz
8 €
Multimedia
La lluvia amarilla
Antzerkia
mdimalta Ar, 2024-01-02 12:40
Gezala Auditoriuma

La lluvia amarilla Andres de Casa Sosasen bakarrizketan oinarritzen da, Ainielleren azken biztanlea, 1970ean erabat biztanlerik gabe geratu zen Huescako Pirinioetako “benetako” herria. Herriko azken gauean, bere bizitzako azken gauean, bere agonia eta bakardade luzea kontatzen ditu, Ainielleren agonia eta bakardade bera. Julio Llamazaresen izen bereko eleberrian oinarritutako ikuskizuna.

Gazteleraz
8 €
Multimedia
Lagun beltz asko
Antzerkia
mdimalta Al, 2023-10-16 15:29
Gezala Auditoriuma

Hemen ez gara arrazistak. Hemen denok ditugu lagun beltz asko. Eta gauza asko entzuten da, gero eta delikuentzia gehiago dagoela, jende horrek lana kenduko digula entzuten da.

Berandu da. Kalean ez dabil inor. Istorioa ixtear doan taberna arrunt batean gertatzen da. Barnean, tabernako jabea eta bere lagun hoberena azkena hartzen ari dira. Oso lagun onak dirudite baina sekretuak eta traizioak ezkutzatzen dizkiote batak besteari. Bat-batean, galduta dagoen migratzaile bateak atea jotzen du eta mugikorra kargatzen uztea eskatzen die, Londresen dagoen alabarekin hitz egin ahal izateko. Mugikorrik gabe ezin du ez alabarekin hitz egin ezta bere bidaiarekin jarraitu ere.

Gaua luzatzen da eta "bertakoek" hain urrunetik datorrenari lagundu egin nahi diote, nola edo hala. Ezin elkar ulertu ordea. Istorio hau, taberna batera sartu eta, nahigabean, bertako anfitrioien isilpeko sekretuak nahastearen ondorio da.

Gauaren bukaeran, gorpu geldo bat tabernako zoruan. Poliziari kontatuko dioten bertsioa, berriz, klasikoa: ez zuen paperik, indarrean sartu zen, lapurtu egin nahi zien. Beraiek lagundu besterik ez zioten egin nahi baina, arazoa da, ez ziotela ezertxo ere ulertzen. Agian zerbait ezer ulertu izan baliote, han ez zen ezer gertatu izango.

  • Gidoia eta zuzendaritza: Garbi Losada.
  • Gidoia eta produkzioa: Jose Antonio Vitoria.
  • Antzezleak:Ramón Ibarra, Asier Hormaza, Asier Sota.

Ondoren "Txalostean": publikoak konpainiako kideekin hitz egiteko aukera izango du.

Euskaraz
8 €
Multimedia
Muna
Antzerkia
mdimalta Al, 2023-10-16 15:14
Gezala Auditoriuma

Durangon finkatutako GANSO&Cía antzerki konpainiak bere bederatzigarren sorkuntza aurkezten digu 2007an sortu zenetik. Aurrekoak bezala, bere sorkuntza San Agustin Kultur Gunean garatu da, bertan baitauka bere egoitza artistikoa.

Oraingo honetan, lehen haurtzaroko ikusleei zuzenduko zaizkie, 2 urtetik 6 urtera bitartekoei, beti bezala umorea, zehazki clownaren teknika, ikuspegi garaikidetik erabiliz. Proposamen bisual eta emozionala, zati berdinetan.

Sinopsia:

Muna lurpean bizi da, basoko animalia bat bezala libre, naufrago bat bere irlan bezala. Goizero ibiltzen da parkean, ahaztutako altxorren bila. Egunero istorio bera, harik eta egun batean ilargiraino igotzeko modua bilatzea erabakitzen duen arte!

Fitxa artistikoa:

  • Antzezlea: Cecilia Paganini
  • Zuzeneko musika: Txefo Rodríguez
  • Argiztapenaren diseinua: Ion Chávez
  • Musikaren konposizioa: Quico Puges
  • Eszenografiaren eraikuntza: Gorka Ganso, Oscar de Paz
  • Diseinu grafikoa: Sr. Sommer
  • Sortze lana: Gorka Ganso, Cecilia Paganini
  • Zuzendaria: Gorka Ganso
  • Zuzendaritza musikala: Quico Pugès
  • Argazkiak: Asier Bastida
  • Teknikaria: Unai Barrio
  • Banaketa: Rocío Pindado - Portal 71

 

Oinarrizko informazioa

  • Lekua: aretoko ikuskizuna
  • Hizkuntza: hitzik gabekoa
  • Iraupena: 45 minutu
  • Publikoa: bereziki 2 eta 6 urte bitarteko haurrentzako ikuskizuna
3 €
Multimedia
Antzerki testu laburren lehiaketa
Antzerkia
mdimalta Az, 2023-10-04 15:22
Lezo Herri Eskolako patioa

18 antzerki testu jaso dira guztira, eta irailaren 26an, epai mahaiko kideak, LIERNI FRESNEDO (Lezoko aktoresa eta Orratx Antzerki taldeko zuzendaria), KEPA ERRASTI (aktore eta dramaturgoa) eta AGURTZANE INTXAURRAGA (zuzendaria eta dramaturgoa), bildu ondoren, elkarren artean lehiatuko diren 6 antzerki testuak aukeratu dituzte.

Aukeraketa egiterakoan kontuan hartutakoak hauxek izan dira:

Testuen kalitatea (hizkuntzaren erabilera, pertsonaien eta istorioen garapena, erritmoa); egileen arteko parekidetasuna (3 emakumezko, 3 gizonezko), euskararen presentzia (gutxienez 4), eta azkenik, adina (bik 35 urte baino gutxiagokoak izan behar dute).

Emaitza:

Egileak eta antzerki testuen izenburuak:

1.-”ERGA TIBO PUM” -XABI PAYA

2.-”1.13”-GARAZI URKOLA

3.-”UKONDOA”-OIER GUILLAN

4.-”BEHARREZ EGIN DUT”-HEGOA ALVAREZ

5.-”AMAREN ARROPA ZURIA”-IÑAKI CID

6.-”INTXAURRAK”-AINHOA MARIZKURRENA

URRIAREN 7AN IRAKURKETA DRAMATIZATUEN arteko LEHIA- KALE FESTA_

Sei antzerki testu laburrak URRIAREN 7an Lezon ospatuko den arte eszenikoen festan elkarren artean lehiatuko dira. Testu bakoitzaren IRAKURKETA DRAMATIZATUA egingo da Euskal herriko hiru zuzendari handi eta sei aktoreen eskutik.

Festan parte hartuko duten profesionalen zerrenda luzea da. Hau osatzeko kontutan hartu da Euskal Herri osoko profesionalen partaidetza, genero parekidetasuna eta gazte sortzaileen presentzia.

GARRANTITSUA: Testu irabazlea PUBLIKOAren bozkarekin erabakiko da.

Horretarako, irakurketa garaian publikoak ez du jakingo testuak zein egilearenak diren, ezta zein zuzendarik zuzendu dituen. Testu irabazlea aukeratutakoan, orduan bakarrik iragarriko dira denak.

Partaideak:

FESTAren aurkezle eta dinamizatzaileak:

MIREN GAZTAÑAGA XANTI AGIRREZABALA ZUZENDARIAK:

ANDER LIPUS MAIKA ETXEKOPAR OLATZ BEOBIDE

AKTOREAK:

ENERITZ ARTETXE MARYSE URRUTY KOLDO OLABERRI IDOIA TAPIA KIMETZ ETXABE RAQUEL SALINAS MUSIKARIAK

IDOIA HERNANDEZ (Hatxe) eta LA BRAVA DJ-a

Oharra: Publikoari bokatarekin hurbiltzeko eskatuko zaio, familian, koadrilan edo bakarka. Festa ziurtatuta dago!

Doakoa - Ez da sarrerarik behar
Ttipia
Antzerkia
mdimalta Az, 2023-10-04 13:34
Gezala Auditoriuma

Estrespean bizi den gizon batek, hiri zaratatsu eta iskanbilatsua mendian galdurik dagoen baserri baten ordez aldatzea erabakitzen du. Bertan, hainbeste behar duen bakea topatu nahi du baina baserria ez da berak uste bezain lasaia. Bere barnean izaki bitxi batzuk bizi dira eta ez dute haien etxea usteko inolako asmorik.Plast jaunaren kontra ari dira lehia bizian, izan ere, «Plast & Company»-ren jabeak haien etxea plastiko nazkagarriz bete du.

Euskaraz
3 €
Multimedia
Amets pirata
Antzerkia
mdimalta Az, 2023-10-04 12:41
Gezala Auditoriuma

Nork dio neska bat ezin dela pirata izan? Ametsek argi dauka pirata izan nahi duela, eta, horregatik, ez du zalantzarik izango zorionaren giltza aurkitzeko abentura batean murgiltzeko, berak nahi duena lortzeko eta haur guztiek nahi dutena izan eta beraien ametsak lor ditzaten.

50 minutuko iraupena du ikuskizunak eta bost urtetik aurrerako haurrei zuzenduta dago.
Amets Pirata BIHAR taldearen ikuskizuna da. Taldea 1972an hasi zen lanean eta 1979tik txotxongiloen mundu zoragarrian dabil murgilduta.

Euskaraz
3 €