Antzerkia

Antzerkia

Basoko sekretuak

Eguna eta ordua
Hizkuntza
Euskaraz
Prezioa
3 €
Lugar
Gezala Auditoriuma

Oihanak urtaro bakoitzean gordeak dauzkan sekretuak aurkituko ditugu. Hainbat animalia ezagutu eta haien istorioetan barneratuko gara, eta gure oihana sentitu eta bizitzeko aukera izanen dugu; gure oihana errespetatzen eta maitatzen ikasiko dugu. Prest al zaudete naturan murgiltzeko?

Antzerkia

Munduari itzulia 80 egunetan

Eguna eta ordua
Hizkuntza
Euskaraz
Prezioa
3 €
Lugar
Gezala Auditoriuma

Glu Gluk familia osoarentzako antzezlan berri bat aurkezten du, elkarbizitzaren alde egiten duen abenturazko istorio bat. Abiapuntua “Munduari itzulia 80 egunetan” liburu ospetsua izango da, Julio Verneren eleberrian oinarritutako bertsio librea. Glu Gluren lanetan ohikoa den bezala, antzezlanaren tonu nagusia komikoa eta musikala izango da.

Liburu ospetsuak Phileas Fogg eta Passepartouten gorabeherak kontatzen ditu, munduari bira laurogei egunetan ematea lortzea dute helburu. Proposatutako egokitzapen honetan, gure herritik irten gabe mundu osoko pertsonekin bizi garela erakutsi nahi dugu, bai eskolan, bai gure kale, auzo eta parkeetan ere.

Julio Vernek eleberrian giro alaia eta une komikoak proposatzen ditu, eta hori ere eszenato kira eramango da. Idazle frantsesaren kontakizunak, estiloaz gain, erritmo bizkorra planteatzen du; azken finean, abenturazko istorio bat da, eta halaxe izango da antzezlanean ere. Eleberriaren gatazka eta helburu nagusia munduari 80 egunetan bira ematea da. Emanaldiaren kasuan ere erronka ederra izango da: 80 minututan herritik irten gabe mundu osoko pertsonekin bizi daitekeela erakustea.

Obra sortzeko, trama nagusia hartuko dugu hari narratibo gisa, baina gure errealitatera egokituta. Liburuko eszena mitiko batzuk emulatuko dira eta pertsonaia berriak sortuko ditugu beharrezkoa izango den garapen dramatikoa eraikitzeko.

Itoitz eta Urdiñe neba-arrebak osaba Passepartout eta izeba Auodaren etxean opor egun batzuk igarotzen ari dira. Passepartout Ilargiaren Zirkuko akrobata da, eta mundu osoan zehar ibili da harekin bere artea erakutsiz jira-biran. Izeba Auoda Planetako Doktoreak elkarteko medikua da, baliabide gutxien dituzten munduko lekuetan osasun-laguntza ematen duen elkartea.

Antzerki-emanaldia izeba-osabek Julio Verneren “Munduari itzulia 80 egunetan” nobela mitikoa ozen irakurtzen amaitzen dutenean hasiko da. Orduan, ilobek esango dute ez dela beharrezkoa munduan zehar bidaiatzea jatorri eta arraza desberdinetako pertsonak ezagutzeko. Haiek eskolan eta herrian mundu osoko pertsonekin egunero bizi dira.

Momentu horretatik aurrera, herritik buelta hori ematera jolasten hasiko dira jatorri desberdineko pertsonak ezagutu eta haiekin bizitzeko. Ezagutuko duten pertsonaia bakoitzak bere sustraiak, ohiturak eta aberastasun kulturalak erakutsiko dizkiete. Kasu honetan, eleberrian bezala, erlojuak berebiziko garrantzia izango du, baina 80 egunen ordez, 80 minutu izango dira, eszenako emanaldiaren ia denbora erreala.

Passepartout eta Auodaren etxeko ganbaratik joko eta fantasia bidelagun, planetako bidaiari handiek mundu, egoera eta pertsonaia ezberdinak birsortuko dituzte; hala nola Txina eta bere herensugeak, Erdialdeko Amerika,
Mosku, Ginea edota Saharako basamortua.

Azken batean, elkarrekin bizi eta ikasten dugun etorkin askoren jatorriek gure egunerokoa eta gizartea osatzen dute. Jokoak, fantasiak, abenturak eta komediak elkarbizitzaren aldeko benetako gizarte plurala irudikatuko dute.

Ohiko elementu eszenikoez gain, pantaila bat izango dugu gure herrian bizi diren haur errealak eta jatorrizko tokietako paisaiak erakusteko. Abesti eta dantzek antzerki-ibilaldi honetarako hariak izango dira, eta Passepartout-en zirku-elementuek leku exotikoak eta garraiobideak irudikatuko dituzte, hala nola, itsasontziak, trenak edota globoa, hori guztia etxeko ganbaratik mugitu gabe.

Ekoizpen berri honetarako inguratzeko soinuari deritzonari esker obran murgiltzeko esperientzia planteatzen dugu. Publikoa ez da lekuko soila, abenturan murgiltzea da xedea. Ikusleak gertaeren lekuetan izango dira, entzundakoari esker eszenatokitik eta besaulkietatik bidaia egingo dute. Asmoa ikusleek dramaturgiaren parte izatea da, zer eta, soinuari esker. Hau da, ikuslegoa abenturaren parte aktibo izatera gonbidatuko dugu.

Horretarako soinua ez da soilik eszenatokiko iturri konbentzionaletik etorriko, baita estrategikoki jarritako iturrietatik ere. Entzumenaz baliatuta ikusleek leku anitzetako giroa biziko dute eta garraiobide bakoitzak igorritako emozioak eta dardarak sentituko dituzte.

Iraupena: 59′.

Adin gomendatua: 5-12 urte eta familia

Egilea: Galder Perez. Zuzendaria: Ugaitz Alegria Ituarte

Elenkoa: Andrea Covadonga, Jon Casamayor, Sara Barroeta, Leire Ormazabal

Ekoizpena:  GLU GLU.

Antzerkia

Arrainak bihotzean

Eguna eta ordua
Hizkuntza
Euskaraz
Prezioa
3 €
Lugar
Gezala Auditoriuma

Martina zain dago eta beldur da. Aita noiz etorriko zain dago. Eta beldur da. Kainabera hartu eta portura hurbilduko da aitaren itsasontzia noiz etorriko. Orduan zerbaitek tenk egingo dio bere kainaberari eta ezin izango dio eutsi ez kainabera ezta beldurrari ere. Horrela bada bidaia bat hasiko du itsas hondoan, aita aurkitu asmoz hasten den bidaia bat, horretarako arrainen eta beldurraren hizkuntza ikasi behar badu ere.

Antzerkia

Pintto Pintto

Eguna eta ordua
Hizkuntza
Euskaraz
Prezioa
3 €
Lugar
Gezala Auditoriuma

Erropa garbitegi batean, txukuna, ordenatua eta umore txarrekoa den langile bat, bere lankidearekin harremandu behar da. Azken hau, despistatua, desordenatua eta oso alaia da, eta batez ere ez ditu arauak gustoko.

Bat-batean galdutako txakurkume bat agertuko da garbitegian, eta agerpen honek munduarekiko duten ikuspegia eraldatuko die.

Umorez eta samurtasunez azalduriko istorio bat da Pintto Pintto; horren bidez, gure ingurukoekin harremantzeko dugun eran hausnartu nahi dugu.

 

FITXA TEKNIKOA

  • Zuzendaria: Javi Renovales, Iván Alonso
  • Jatorrizko ideia: Anima Maravillas Teatro
  • Antzezleak: Miren Larrea, Valentina Raposo
  • Musika: Fran Lasuen
  • Eszenografia: ATX Teatroa
  • Iraupena: 50 minutu
  • Hizkuntza: Testurik gabe
  • Ikuslea: +3 urte
Antzerkia

Sexberdinak

Eguna eta ordua
Hizkuntza
Euskaraz
Prezioa
8 €
Lugar
Gezala Auditoriuma

Anaren bihotza logela huts bat omen da. Nicok berea tatuatu egin nahi du. Igogailu batean daude harrapatuta eta ezezagun izatetik lagun izatera pasako dira. Beno, duela hiru urte gertatu zen hau, baina iraganera bidaiatuz, orainaldian biziko dugu kontatzera datozena; maitasuna, sexua, bakardadea eta jendearen aurreiritziak aztergai. Garun-paralisia duen kazetariak eta kontraesanetan erdi ittota dabilen goxoki saltzaileak, beren bizipen afektibo sexualak azalduko dituzte inolako konplexurik gabe, gutako bakoitzak, norbere paralisiarekin, beldur, amets eta ilusio ezberdinak ditugula erakusteko. Bi lagunen istorioa, umorez eta minez tindatuta.

Fitxa

  • Zuzendaria: Mireia Gabilondo
  • Egileak: Kepa Errasti, Telmo Irureta
  • Aktoreak: Aitziber Garmendia, Telmo Irureta
  • Espazio eszenikoa: Fernando Bernués
  • Argiztapenaren diseinua: Xabier Lozano
  • Jantziak: Ana Turrillas
  • Argazkia eta diseinu grafikoa: Mikel Martínez - Dock Studio
  • Koordinazio teknikoa: Acrónica Producciones
  • Ekoizpen exekutiboa: Ane Antoñanzas
  • Administrazioa: Maite Gorrotxategi
  • Ekoizleak: Paola Eguibar, Nagore Plazaola
  • Banaketa: Portal 71
  • Ekoizpena: Tanttaka Teatroa
Antzerkia

El nadador de aguas abiertas

Eguna eta ordua
Hizkuntza
Gazteleraz
Prezioa
8 €
Lugar
Gezala Auditoriuma

Nilo aktore kaskarra da, eta jadanik ez diote lanik ematen. Emazteak utzi egin du eta bera pentsamendu autosuntsitzaileen espiralean murgildu da. Walrus, familiako trauma bat ezkutatzen duen igerilari adituari esker, berrogeita zortzi urterekin Nilok igeri egiten ikasiko du, eta bide horretan, bere bizitzako ikasgairik garrantzitsuena ere jasoko du.

Testua: Adam Martin Skilton. Moldaketa: María Goiricelaya. Zuzendaritza: Fernando Bernués. Antzezleak: Adolfo Fernández, Markos Marín

Antzerkia

Magallanes y Elcano

Eguna eta ordua
Hizkuntza
Gazteleraz
Prezioa
8 €
Lugar
Gezala Auditoriuma

Magallanes abiatu eta hondartzan hil zen. Elkano iritsi zen. Hau historia da, gainerakoa obra da.

Epopeiako tramankuluek ikerketa historiko, etnografiko eta performatikoaren aitzakia dramaturgiko gisa funtzionatzen dute, gaur egungo errealitateekin paraleloan dagoen berrirakurketa prozesu batean. Halaber, Magallanes y Elcano gizon horien bidaia poetiko eta existentziala da, kultura desberdinen arteko ezagutza eta komunikazioan, abiatzen eta itzultzen diren bidaiariena. Kode eta hizkuntza globaletan identitate-herentzia baten miaketa da. Gorabehera, liskar, ondorengotza saio, ezezaguna ezagutzeko bidaia da, amets eta beldurrena, gizateriarekin topo egitekoa.

Antzerkia

Sagastitarrak

Eguna eta ordua
Hizkuntza
Euskaraz
Prezioa
8 €
Lugar
Gezala Auditoriuma

Sagastitarrenean –goi burgesiako familia alabarekin ez da giro. Ane giza ekintzaile feministak bere lehen abizenaren ordez amarena jartzea erabaki du: "Patriarkatuarekin ez dugu amaituko mundura ekarri gaituen amaren abizena hartzen ez dugun bitartean". Anton Sagasti familia buruarentzat ulertezina da eskualdean tradizio handikoa den Sagasti abizena aldatu nahi izatea. Horregatik, amarru eta martingala guztiak erabiliko ditu Anek abizena aldatzeko asmoa bertan behera utz dezan.

Fitxa

  • Egilea: Ramón Madaula
  • Zuzendaria: Begoña Bilbao Lejarzegi
  • Aktoreak: Koldo Olabarri, Joseba Apaolaza, Ainhoa Etxebarria
  • Itzulpena: Martin Agirre
  • Eszenografia : Asier Sancho Senosiain
  • Jantzien Diseinua: Cristina Martinez
  • Argiztapena: Julen Zaballa
  • Teknikoa: Alfredo Medina
  • Argazkiak : David Vicente
  • Kartela: Asier Sancho
  • Aholkularitza juridikoa: HATOR
  • Asegurogintza: FREMAP
  • Ekoizpen exekutiboa: Martin Agirre
  • Ekoizpen Arduraduna: Xabier Agirre
  • Ekoizpena: TXALO

Bideo Laburra

Antzerkia

Las que limpian

Eguna eta ordua
Hizkuntza
Gazteleraz
Prezioa
8 €
Lugar
Gezala Auditoriuma

Ateko eskutokian kartel bat dago zintzilikatuta: “Mesedez, jaso logela”. Hondartzatik itzulitakoan, oheak eginda daude, eskuoihalak aldatuta eta bainugela garbi-garbi. Garbitzen dutenak dira, langileak prekaritatera bultzatzen duen turismo-sistema bat bizkar gainean daramaten ikusezinak. Komedia garratz honek hoteletako pisu-zerbitzariek lan-eskubide eta eskubide sozial justuak lortzeko egindako borroka antolatuari buruz hitz egiten du. Haien aurrean, hotel-kateen jabeen diru nahia dago.

Ikuskizun berri honetan, A Panadaría konpainia galiziarraren sortzaileek beren buruari galdetzen diote ea posible den lan honek duen balioa handitzea edota generotik aldentzea, turismo iraunkorrik ba ote dagoen edo garbitzailearen etxea nork garbitzen duen.

2019an “Elisa y Marcela” sarituarekin gure artean izan eta gero, A Panadería gurera itzuliko da lan berria aurkeztera. Geletako zerbitzarien borrokari buruzkoa da, lan-ingurunean esplotazioa,osasun-arloan abandonua eta generoagatiko eta gizarte-mailagatiko hainbat indarkeria pairatzen dituzten turismo-sektoreko langile emakumezkoei buruzkoa.

A Panadaría eta Zentro Dramtiko Nazionalaren arteko koprodukzioa.

90 minutu

 Fitxa artistikoa

  • Egilea: Areta Bolado, Noelia Castro y Ailén Kendelman.
  • Zuzendaritza eta antzezleak: Areta Bolado, Noelia Castro, Ailén Kendelman.
  • Eszenografia: Beatriz de Vega.
  • Jantziak: Esther Quintas.
  • Argiak: Del Ruiz.
  • Musika: Ailén Kendelman
  • Hizkuntza: Gaztelania
Antzerkia

Calma

Eguna eta ordua
Hizkuntza
Prezioa
8 €
Lugar
Gezala Auditoriuma

Guillem Albànek, bakarrik eta hitzik gabe, hain gertakari konplexu eta aldi berean hain eguneroko bat kontatzen digu: presa. Bizi garen "denbora guztian korrika" hori.

CALMA! ikuslea esperientzia komiko batez gozatzera eramaten du, une poetikoez. Clown-a banderatzat hartuta, eta txotxongiloen, keinuen, itzalen edo musikaren bidez, gure egunerokotasuna eta bizi-bidaia bera zalantzan jarriko ditugu. Hainbeste korrika egitea merezi duen, benetan betetzen gaituena egiten ari garen eta, azken batean, horrela jarraitu nahi dugun edo aldatu nahi dugun.

CALMA! Guillem Alba hutsa da. Bere clown basatia presente dago, bere poetika ez da falta, eta bere mezu baikor eta bizia, azkenik, katartiko bihurtzen da.

 

  • Zuzendaritza eta interpretazioa: Guillem Albà
  • Sorkuntza: Alícia Serrat, Marc Angelet, Andreu Martínez, Guillem Albà
  • Musika: Pep Pascual
  • Dramaturgia: Alícia Serrat, Marc Angelet
  • Imintzio eta titereak: Andreu Martínez
  • Mugimendua: Ariadna Peya
  • Kanpo begiraleak: Sergio Martínez, Joan Arqué
  • Argiztapen diseinua: Ganecha Gil
  • Zuzendari teknikoa: Oriol Ibáñez
  • Eraikuntza: L’Estaquirot Teatre, Alfred Casas, Xavi Arbonès
  • Jantziak: Irene Nené Fernandez
  • Ekoizpena:  Guillem Albà
  • Gomendatuko adina: 14 urtetik gora
  • Iraupena: 60´

Trailer CALMA! Guillem Albà