Dantza

Emakume guztiek daukate euren barruan izaki basati eta libre bat, historian zehar zibilizazio guztiak otzantzen ahalegindu diren izaera instintibo bat. Haren ziklo naturalak moldatu behar izan dira erritmo artifizialetara, besteen nahia egiteko, eta, hala, amatatzen joan dira berezko dituen sormenerako dohain instintibo eta irudikorrak.

“Mulïer” ikuskizuna, kale arteen estreinaldirik onenari Moritz Fira Tàrrega saria 2016an, trikimakoen gaineko dantza, oreka, mugimendua, poesia, indarra eta emozioa da. Omenaldi bat zapalkuntzako mende luzeetan zehar beren ni basatia bizirik iraunarazteko borrokatu diren eta borrokatzen diren emakumeentzat, eta aldarrikatzen dutenak dantzatzeko eta gure gizarteko kale-plazetan libre korrika egiteko euren eskubidea.

Maduixa konpainia Suecan (Valentzia) sortu zen, 2004. urtean, Joan Santacreu-ren gidaritzapean, ikusle guztientzako areto- eta kale-ikuskizunak sortzeko helburuarekin.

Konpainiak sektore profesionalean finkatzea lortu du, ikuskizun berezi eta zorrotzak sortuz eta prozesuak arretaz ikertuz. Horrela, hogei bat sari jaso dituzte. 2.500 emanaldi baino gehiago egin dituzte eta milioi bat ikusle baino gehiago izan dituzte, Europako, Asiako, Ipar Amerikako eta Erdialdeko Amerikako 20 herrialde baino gehiagotan.

• IDEIA, ZUZENDARITZA ARTISTIKOA: Joan Santacreu
• KOREOGRAFIA SORKUNTZA: Mamen García
• DRAMATURGIA: Roser de Castro
• MUSIKA KONPOSAKETA : Damián Sanchez
• ANTZEZLEAK: Laia Sorribes, Lara Llávata, Melisa Usina, Esther Latorre, Ana Lola Cosin

Premios:

• 2018 : Premis Arts Escèniques Valencianes | Kale ikuskizun onena
• 2018 : Premis Arts Escèniques Valencianes | Dantzari onenaren saria: Laia Sorribes
• 2018 : Premis Arts Escèniques Valencianes | Musika sorkuntza onena
• 2018 : Premis Arts Escèniques Valencianes | Koreografia zuzendaritza onenaren saria
• 2017 : Deventer Award | Kale ikuskizunetara egindako ekarpena
• 2017 : Umore Azoka Saria | Ikuskizun onena
• 2017 : Max Saria | Musika sorkuntzarik onena
• 2017 : Max Saria | Kaleko ikuskizun onena
• 2016 : Moritz Saria  | Fira Tàrrega-ko estreinaldirik onena

Lau gaztek topo egin dute edozein izan litekeen plaza batean. Musika entzuten hasi, eta dantzari ekin diote; ohiko kontua da haientzat, adierazteko duten modua. Haiek beraiek dira dantzari esker. Kaleak batzen ditu; euren bizi-esparrua da.

Topa bi konpainiako lau interpretatzaileren batura da; zeinek bere jatorri artistikoari eutsita, kaleko lan bizi eta energiko honetan elkartu dira, Brodas Brosen hip hop musika eta Kukairen euskal dantza tradizionala uztartuta. Espazio eszeniko bihurtuko da hiriko esparrua ikusleen laguntzari esker, Umore Azoka Leioa eta Oloteko Sismògraf jaialdien koprodukzio honetan.

Kukai Dantza 2001. urtean sortu zen, Jon Maya dantzari eta koreografoaren eskutik. Errenterian du egoitza eta orduz geroztik sei dantzari berek osatzen dute. Euskal dantza tradizionala abiapuntu duten ikuskizun garaikideak sortzen ditu, eta horiek dira haren nortasun-bereizgarria mundu osoan.

Beren sorkuntzez gain, Tanttaka Teatroarekin egindako ikuskizunak ere dira azpimarratzekoak, baita koreografo gonbidatuekin egindakoak ere, hala nola Cesc Gelabert, Damián Muñoz eta Virginia Garcia, Ione San Martín, Israel Galván edo Marcos Morau.

Euskadiko Ikuskizun Onenarentzako Umore Azoka Saria irabazi dute zenbaitetan. Gainera, 2016an Sari Berezia eman zieten haien ibilbidea aintzat hartzeko.

Brodas Bros konpainia 2006. urtean sortu zen, eta, hasieratik, Pol eta Lluc Fruitós eta Berta eta Clara Pons anaien eta ahizpen bikote biek osatzen dute proiektu guztiak bultzatzen dituen nukleoa. Moldakortasun itzela dute bereizgarri.

• KOREOGRAFIA: Jon Maya & Lluc Fruitós
• DANTZARIAK: Kukai Dantza (Ibon Huarte, Urko Mitxelena) & Brodas Bros (Lluc Fruitos, Clara Pons)
• MUSIKA: Jean Phillipe Barrios
• JANTZIAK, ESPAZIO ESZENIKOA: Ikerne Jiménez

Lezoko Dantzazale eta eskualdeko dultzaineroekin herrian zehar.

Agustina Otaola rakestistan oinarritutako ikuskizuna. Eliteko kirolariak aurreritzi ugari hautsi zituen, eta Errenteriaren izena munduko txoko guztietara zabaldu zuen.

Pilota, emakumea, bertsolaritza, musika eta dantza. Osagai hauek emakumezko raketisten ibiliak jarriko ditu plazan "Gu Agustina" ikuskizunak. Jokoa bezala bizia eta dinamikoa, dotorea eta fina. Maddalen Arzallus bertsolariak jarriko dio ahotsa Agustina Otaolari eta Ereintza Dantza Taldeko musikari eta dantzariek haren ibilerak eszenaratuko dituzte.

• Bertsolaria: Maddalen Arzallus
• Dantzariak: Ereintza Dantza Taldea
• Musikariak: Mikel Oliveri, Andoitz Antzizar, Itziar Etxegarai eta Iñaki Letamendia
• Koreografiak: Jon Maya