Agenda

Gaur egun berezia da eskolan, Txapas irakaslearen azken laneguna baita. Harekin bizitutako abenturak eta ikasitako gauza polit guztiak ospatzera datoz Pupu, Lore, Porrotx eta Marimotots herriko lagunekin batera. Basoa, jolasak, eskulanak, kantuak, irriak eta bihurrikeriak ez dira faltako. Txapasekin beti da ostirala!

Jantzi sudur gorria eta zatoz gurekin Txapasen kaxa magikoek gordetzen dituzten sekretuak ezagutzera!

Amatasuna, zaintza eta maitasunari buruzko tragikomedia absurdoa.

Amaren gaia zilbor heste luzea da, kilometrikoa, sekula egunerokotasunik galtzen ez duen gaia. Esaerak dio, gainera,  ama bakarra dela munduan, baina nik ama bakoitza mundu bat dela pentsatu nuen paper zuriaren aurrean jarri nintzenean.

Nire zuzendari NIA eta gainontzeko NI GUZTIAK, idazle, aktore, kudeatzaile, emakume, ume, ama, sorgin, animali. Denak aurrez aurre jartzeko aukera eder bat bezala bizi izan dut idazketa sormen prozesu hau.

Emaitza: ZORRETAN / MI DEUDA: 35 urte luzeen ondoren beldurrei aurre eginez, gogoei erabateko askatasuna emanez, eskarmentuaren babes zabalarekin eta bide berriak probatzeko asmoarekin,  sortutako antzerki testua.

• Egile eta zuzendaria: Agurtzane Intxaurraga.
• Zuzendari laguntzailea: Miren Gojenola.
• Interpreteak: Miren Gaztañaga, Mikel Losada, Iñake Irastorza.
• Soinu maparen diseinua: Xabi Erkizia.
• Argien diseinua: Xabi Lozano.
• Diseinu grafikoa: Santos Bregaña.
• Promozio bideoak: Acrónica producciones.
• Ekoizpen exekutiboa: HIKA Teatroa.

Markeliñe antzerki taldearen antzezlan berri honek, zerbait maite eta galtzen dugunean gertatzen zaigunari eta sentitzen dugunari buruz, eta jakina, gainditzeko dugun gaitasunari buruz hitz egiten du. EURIA testurik gabeko, hitzik gabeko proposamena da, eta eszenak forma bisualetan oinarrituz kontatzen dira. Antzerkia eta dantza, lengoaia osagarriak eta elkarren ondoan jarritakoak izango dira, istorioaren esanetara.

Gaiak tristura edo malenkonia eragiten baditu ere, ikuskizuna, umore ukituekin, ezuste bisualekin eta atmosfera poetikoan murgilduta dago.

Euria da...

Bo, protagonista, triste dago M. bikotekidea galdu duelako. Oroitzapenean murgilduta bizi da: Haren euritakoa etxeko esekitokian zintzilik.

Egun batean beste euritako bat aurkituko du kalean, apurtuta eta bertan behera utzita...

Zerbait maite eta galtzen dugunean gertatzen zaigunari eta sentitzen dugunari buruz dihardu Euria lanak.

Giro poetikoan, umore zertzeladez eta ikuste-ezustekoez, protagonistaren eta bi euritakoen elkarbizitza bitxia kontatuko digu istorio honek.

• ZUZENDARITZA: Markeliñe
• ANTZEZLEAK: Fernando Barado, Natalia García, Ioar Fernández
• ESZENOGRAFIA: Jon Kepa Zumalde
• JANTZIAK: Marijo de la Hoz
• PROIEKZIOAK ETA ARGIAK: Paco Trujillo
• IRAUPENA: 60'
• HIZKUNTZA: testurik gabe
• IKUSLEA: 3-10 urte 

Patrick izeneko hegal bakarreko tximeleta ausart eta maitagarri bat atoi batean ezkutatzen da bere bizitzako bidaia egiteko. Bere lagunik onenarekin, Marty izeneko beldarrarekin, eta Jenniferrekin, altuerari beldur dion tximeletarekin, ustekabeko heroi bihurtuko da. Baina, horretarako, bere beldur handienari aurre egin eta bere berezitasuna onartu beharko du zoritxarraren gainetik garaile ateratzeko, klima-ereduen aldaketen, gizakien eta mendeku bila dabiltzan hiru txori gaiztoen aurka borrokatzen den bitartean.

1936ko uztailaren 18an, gerra zibilari bide eman zion Errepublikaren aurkako altxamendu kolpistarekin batera, Lodosara iritsitako Anastasini Zirkuko 50 artistaren taldea desagertu egin zen arrastorik utzi gabe. Diotenez, batzuk fusilatu egin zituzten eta gainerakoak tropak entretenitzera behartu zituzten. Objektuen hizkuntzaren bidez, Olvido Flores narratzaileak edertasun mingots, poesia, zirku eta gerrako istorio bat kontatzen du, oroimenari eta inork lorerik eraman ez zien pertsona ahaztuei omenaldia izan nahi duena.

Fitxa teknikoa

Testuaren egilea: Estefanía de Paz Asín

Musikaren egilea: Gorka Pastor Yerro

Koreografiaren egilea: Estefanía de Paz Asín

Zuzendaritza: Estefanía de Paz Asín

Musika: Grabada

Antzezlea: Estefanía de Paz Asín

Un elogio sobre la vejez ikuskizun ezohikoa da, 72 eta 94 urte bitarteko protagonistekin, zahartzaroari, hauskortasunari eta indarrari gorazarre egitea bilatzen duena. ON DO KOk bidaia sentsorial eta emozional bat proposatzen digu, arteak gaur egun zahartzeak suposatzen duenaren ikuspegi estereotipatuak eta ereduak nola eraiki, iraunarazi eta desafiatu ditzakeen planteatzera garamatzana.

Mafalda Saloio aktore eta sortzaileak zuzenduta, Donostiako Egia auzoko adinekoekin eta Euskal Herriko Gazte Orkestrako (EGO) musikarien parte-hartzearekin batera, gorputzaren, ahotsaren, musikaren eta emozioen bidez adinari buruzko aurrekontzepturik gabeko ikuspegia lantzea du helburu. ON DO KO 2018an jarri zen abian, Egia Kultur Etxearen eta Donostia Lagunkoiaren bultzadari esker; helburua adinekoen eta auzoaren arteko topaketa- eta zaintza-sareak sortzea da, artearen bidez.

Fitxa

• Zuzendari artistikoa: Mafalda Saloio
• Antzezleak: Ascen Jimenez, Angela Garcia, Carmen Holgado, Carmen Medina, Carmen Vals, Conchi González, Conchi San Roman, Consuelo Saenz, Dorita Olcoz, Iñaki Murua, Isabel Fernández, Gloria García, Jesús Torregaray, Maricruz Murua, Marisa Santos, Maria Paz Lorente, Mikeli García, Nubia Ramírez, María  Queijas, Manoli García, Pepa Rincón, Pilar Ortega, Pilar Romea, Pilar Samperio, Rosario Alvarez de Eulate
• Musika: EGO (Irene Bartolomé, biolina; Irene Busosns, biola; Eugenio Madrid, biolontxeloa)
• Argazkia: Iñigo Ibañez
• Lantaldeari laguntza: Laura Martín (Plus 55)

Informazio gehiago: ON DO KO.

Zeren beldur gara beldur garenean? Beldurrak beldurra ematen digu? Zenbat beldur dago gure beldurrean? Galdera hauekin obsesionatuta daude Von Simon irakaslea eta Von Soria irakaslea, gure zientzialariak. Bere laborategian beldurra sortu dezaketen formulak estutu, bihurritu eta maneiatzen dituzte. Baina, noski, beldurra ikertzeak beldur handia ematen du. Gure zientzialari bikainek aurrez aurre aurkituko dituzte beldur horiek eta haien mutazioak, beldurraren benetako formula bilatu eta aurkitu nahian dabiltzan bitartean. Musika eta ikus-entzunezkoa lagungarri izango dira beharrezkoak diren atmosferak sortzeko, geure beldurrak ezagutu, haiei aurre egin, elkarrekin bizi eta geure beldurren golkorako barre egin ahal izateko.

Fitxa

• Testua: Ana Maestrojuán
• Musika: Gorka Pastor
• Zuzendaria: Ana Maestrojuán
• Iraupena: 60 minutu
• Aktoreak: Xabier Artieda, Iker Bengotxea
• Emanaldiaren lekua: aretoko ikuskizuna
• Publikoa: familiarra

Ciare Burns, 42 urteko emakume bat, eta Alex Priest, 72ko gizon bat, Londresko Saint Pancras geltokian ezagutuko dira. Atzetik ikusita, Clarek usteko du Alex bere aita dela (urtebete da hil zela) eta eroaldi “absurdo” batean, musu emango dio garondoan. Topaketa berotzaile hori izango da biei bizitza aldatuko dien jalas zoragarri baten hasiera.

Heisenberg lanarekin, Simon Stephensek erakutsi nahi digu zein ziurgabea eta komikoa izan daitekeen gizakion arteko konexioa.

• Egilea: Simon Stephens.
• Antzezleak: Ramón Agirre, Naiara Arnedo.
• Zuzendaritza eta espazio eszenikoa: Fernando Bernués.
• Zuzendari laguntzailea: Naiara Arnedo.
• Argiztapen diseinua: David Bernués.
• Jantzitegia: Ana Turrillas.

Superbilau misteriotsu batek urarekin kontaktuan eztanda egiten duen apar arrosa toxiko batekin estaltzen du oihana. Orduan, lagunak erreskatera ateratzen dira. Euriteen sasoitik hilabete baino gutxiagora, hasi da lasterketa! Gure heroiak, aliatu berriekin, mundu osoan zehar ibiliko dira antidoto baten bila. Iparraldeko eskualde urrunetatik, Europatik, Asiatik eta Ekialde Ertainetik igaroz, historiako bilaketarik handiena egingo dute. Oraingoan, inoiz baino aurkari adimentsuago eta gaiztoago bati egin behar diote aurre. Mauricentzat eta bere lagunentzat, inoiz ez da hainbeste egon jokoan!