Goizeko 9:00etatik Ganadu Feria ikusteko aukera izango da Gurutze Santuaren Plazan
Amaitzear daude Santakrutzak 2013. Baina oraindik Baserritarren Eguneko ospakizuna geratzen da. Eta programazio oparoa izango da egun guztian zehar. Goizeko 9:00etan hasiko da, hain zuzen, Ganadu Feriarekin. Gurutze Santuaren plazan izango da ikusgai, eta 11:00etan sari-banaketa ekitaldia izango da. 12:00etan, berriz, goizeko idi dema saioa izango da probalekuan.
Arratsalderako bertso saioa nabarmendu behar da. Gurutze Santuaren plazan izango da 19:30ean laukote honekin Andoni Egaña, Sebastian Lizaso, Alaia Martin eta Sustrai Colina –azken honek Amets Arzallus ordezkatuko du–. Gaiak jartzen Amaia Agirre izango da.
Gaurko egitaraua hemen ikus dezakezu.
Arloa edo saila