Lezoko udalekuetan izena emateko epea astelehenean irekiko da

Az, 2023-05-03 13:54

Egin MATRIKULA HEMEN.

 

Udalekuak uztailaren 3tik 28ra ospatuko dira eta 200 plaza eskainiko dira.

Lezoko 2023. urteko udalekuetan izena emateko epea maiatzaren 8tik 19ra bitarte izango da.

Azken urteetan izen-ematea internet bidez egitea gomendatu ondoren eta izan zuen arrakasta ikusita, aurten ere matrikulazioa horrela egitea gomendatzen du udalak.

Bi zerbitzu eskainiko dira aurten ere:

Haurtzaindegi zerbitzua: Lanean ari diren gurasoentzat zuzendutako zerbitzua da, 08:30etik 09:30era, udaleku irekiak hasi baino ordubete lehenago. Prezioa 53 euro / Familia ugaria: 40 euro. Zerbitzua eskaintzeko 8 haurrekin osatutako gutxieneko taldea beharko da.

Udaleku irekia (3-12 urte bitartekoentzat): Herriko haurrek giro euskaldun eta atsegin batean jolasak, dantza, kantak, antzerkia eta beste hainbat ekintza egingo dituzte, Lezoko ohiturak eta ingurunea ezagutzen dituzten bitartean.

- Norentzat: 3 urtetik* 12 urtera (2011etik 2020ra jaioak) Lezon 2023/01/01ean erroldatuak dauden haurrentzat. Bere bizilekua aldatu dutenak salbu edota etorkinen familiak. Kasu hauetan Lezoko ikastetxean matrikulatuak behar dute matrikulazioaren urtean.

* 3 urteak eginak izan behar ditu.

-Non eta noiz: Lezon uztailaren 3tik 28ra (biak barne), astelehenetik ostiralera. Goizez 9:30etik 13:30era.

-Prezioa: 80 euro / Familia ugaria: 60 euro.

IZENA EMATEA:

> Noiz: Maiatzaren 8tik 19ra.

> Non: Euskara eta Kultura sailaren bulegoan (Donibane kalea 2), 08:30etik 13:30era edota interneten (www.lezo.eus). Kasu hauetan izen-emate orria sinatua entregatu behar da udalean eta familia ugariek tituluaren fotokopia ere aurkeztu behar dute.

> Plazak: 200 plaza izango dira. Matrikulazioek, eskainitako plaza kopurua gainditzen badute, plaza horiek zozketaz esleituko dira.

Matrikulatzerakoan ezinbestekoa izango da haurraren argazki bat eramatea edo bidaltzea (hobe euskarri digitalean).

GURASO BILERA: Ekainaren 15ean, 16:45ean Gezalan.

Oharra: 1-Izen-emate orrian gurasoen sinadura ezinbestekoa da.

2-Familia ugariak: %25eko hobaria.

3- Euskal Sistemaren prestazio ekonomikoen onuradunak: %75eko hobaria.

4- Ordainketa ezin da zatikatu.

5-Behin matrikularen zenbatekoa ordainduta, ez da itzuliko, haurrak jarduera uzten badu ere.

 

Egin MATRIKULA HEMEN.

 

Arloa edo saila