Kontzertua

ETS edo En Tol Sarmiento taldeak (Iekora, Araba, 2005) urrats erraldoia eman du aurrera. ETS taldearen bosgarren diskoaren izenburua bera printzipioen adierazpena da: Aukera berriak. Taldeak garden azalduko digu letretan bizitzan agertzen diren ate zahar eta gazteetan edo norabide askotarikobidegurutzeen aurrean aukera berriak sorraraziko zaizkigula eta ditugula, hemen eta oraingo abagunea baliatu eta profitatu hamaika koloreek dakartzaten sentipen multzoekin gozatzeko, bizitzarekin bat egiteko muturreraino.

Ez da gonbidapen inpertsonala, gu indartsu baten bizipozarekin gertaerei musu eman eta jatortasunetik besarkatu aldameneko pozgarritasunak. Aukera berriei zin egitean datza bizitza, eta etenik gabe. Pop, rock, ska, reggae, runba zertzeladak, rock-folk ukituak eta balada doinuek alaitasunera bideratuko gaituzte zirrikitu guztietatik.

Interpreteak: E.T.S. (En Tol Sarmiento):

• Iñigo Etxezarreta: ahotsak, gitarrak
• Ruben Campinun: baxua
• Floren Diaz: bateria
• Ruben Terreros: tronpeta
• Javier Lucas: tronboia

Hizkuntza: euskara eta gaztelania

Irudia 1.jpgIrudia 2.jpgIrudia 3.jpgIzaera modernoa duten musikak (Folk, Rock, Comboak,...) lantzeko sortutako espezialitatea garatu du musika eskolak. Bertan musika mota hau landu nahi duten ikasleei zuzendutako formazio osagarria eskaintzen da.

Egitarau didaktiko hau osatzeko, hainbat entzunaldi antolatuko dira. Helburua, taldeek egindako lanaren bilakaera erakustea eta zuzenekoetara ohitzea da.

Horrela, gaur aurkezten dizkizuegun talde hauek hainbat leku eta ekitalditan parte hartu dute: Mendekoste Jaiak, Euskal Eskola Publikoaren Jaia, Kilometro Lezo 2020, beste musika eskola batzuekin egindako elkartrukeak, Lesoinu, …
 

Hauek dira taldeak eta kideak:

• GOTZEN TALDEA: Aitana, Ane, Aiora, Endika, Aratz eta Unai.
• ORDU TXARRA TALDEA: Idoia, Emilio, Mª Carmen.
• JAIG TALDEA: Gorka, Jesus., Iker, Aitzol.

Irakaslea: Angel Ramos.

Duela urte bat, “Zugzwang” gure seigarren estudioko lana kaleratzen genuen, eskenatokietan aurkezteko gogo handiarekin... Bi kontzertu Euskal Herrian eta munduko itzuli baten ondotik, 2020ko udaberrian ixildu ginen, bortxaz...Geldialdiaren denboran, Willis Drummond formatuz aldatu da eta Vincent Bestaven "Botibol" gure untzira igo da, bere ahotsa, kitarra eta teklatuekin. Willis Drummonden kantuak beste ikuspuntu batekin landu ditugu 4ak batera eta orain zuen aurrean jotzeko momentua etorri da, azkenean!

2000. urtean jaio nintzen, denok bezala, bihotz taupaden bitartez musika barnean nuelarik. Barnean ez ezik, musika hau kanpoan ere entzun nahi nuen, eta musikaren hizkuntza ikastea erabaki nuen 7 urte nituelarik, baita euskal dantza eta antzerkia ere, arte eszenikoetan nire barneko mundua kanporatu nezakeelako.

Pasioarekin hazi nintzen. Abestien bertsioen bitartez, nire zati bat munduari erakutsi niezaiokeela ikusi nuen, eta 2019. urtean, bizi dugun garai elektronikoa kontuan hartuta, bertsio hauek sare sozialetan igotzeari ekin nion. Gauza batek bestera eraman ninduen, eta bakarkako kontzertuak eskaintzen ere hasi nintzen. Bidea jarraituz, udaberrian irtengo den zortzi abestiko disko bat grabatu nuen, indie, pop eta pop rock estiloen artean dantzatuz, eta aldi berean, etiketetatik ihes egin nahian.

Ameba taldearen lehen diskoa da Elikatuz. Garate estudioetan (Andoain, Gipuzkoa) grabatu dute, eta zazpi kanta biltzen ditu.

Taldekideak

Malen Azpiazu: ahotsa
Aritz Zabaleta: gitarra
Jon Mikel Azpiazu: baxua
Enara Eizagirre: bateria

Abestiak

1. Gabon (4:42) -bideoklipa-
2. Harrotu (2:53)
3. Neurri gabeko (5:22)
4. Ez dena dirudi (4:47)
5. Asmatzea (4:49)
6. Ameba (5:05)
7. Jolasak orbain (5:22)

Demode Quartet 2009an sortu zen a capela kantua eta umorea nahasten dituen konpainia artistiko gisa. Joli Pascualenak (ahotsa, konpositorea eta musika zuzendaria), Iker Huicik (ahotsa, konpositorea eta zuzendari teknikoa), Santi Romanok (ahotsa eta konpositorea), Mikel Espinalek (ahotsa) eta Patxi Barcok (zuzendaria, letragilea eta gidoilaria).

Ahots laukote gisa jaio bada ere, konpainiak ez du zalantzarik egiten eremu soilagoetan sartzeko, oinarriak sortzeko edo instrumentuak jotzeko, ikuskizunari edo ekitaldiari komeni zaiela uste dutenean.

300 emanaldi baino gehiago, orain arte ekoitzitako bost ikuskizunekin.

Nabarmentzekoak dira: 2018an Madrilgo El Gran Teatro Bankia Príncipe Pio  Broadway Spain sarietarako izendatuak izan zirelarik; Iruñeko Gayarre Antzokia eta Baluarte, Madrilgo Lara Antzokia, Riojaforum edo Logroñoko Campo Viejo antzokia, eta Habanako Fábrica de Arte Cubano –n jotzeko putzua ere gainditu dugu.

Horrez gain, filmetarako abestiak bikoiztu dituzte eta TVEn edo EITBn parte hartu dute, besteak beste, "El Gran Reto Musical", "Gure kasa", "Con la calle a cuestas"... "

Hizkuntza: euskara eta gaztelania.

Anne Etchegoyenen Emazte diskoak euskal gizartean emakumeak hartzen duen eta beti hartu izan duen leku nabarmena aldarrikatzen du. Beti entzun izan dugu "etxekoandre", etxea kudeatzen duena, ama eta emaztea izateaz gain. Aitzitik, irudi hori zertxobait murrizgarria da, emakume euskaldunaren patua beti hartu izan baita ikaragarritzat: abenturazaleak, grinatsuak, gogorrak, artistak, amorante maitekorrak, amak.

Annek, emakumea ohoratzekotan, ikuspegi freskoa eman dio lau abeslari profesionalez (20 eta 35 urte bitartekoak) osaturiko euskal abesbatza gazteak inguraturik. Berak sortutako abestiak ez ezik, orain arte gizonezkoek abesturiko euskal kanta tradizionalak ere interpretatzen ditu, aldaketa berriekin.

Koldo Soret-ek (Surfin Kaos) eta Ursula Strong-ek (Zuloak, Las Culebras) osatzen dute Niña Coyote eta Chico Tornado. 2012ko otsailean hasi ziren proiektu berri honekin, Donostian. Gitarrarekin, ahotsarekin eta bateríarekin eraikitzen dituzte beren kantak. Erritmo gogor eta pisutsuak eta riff sakon eta potenteak jorratzen dituzte, soinu desertikoak...

Lan berri hau Casamurada estudioan grabatu dute, Jordi Mora soinu teknikariarekin. Jordi Morak berak egin ditu nahasketak, eta Victor Garcia (Ultramarinos Mastering) arduratu da masterizazioaz. Xavi Forné-k (Error! Design) egin du az

HATXE Idoia Hernández pianista eta sortzailearen proiektu pertsonala da. “Panpin hautsien dantza” musika ikuskizuna proposamen intimoa da. Post-klasiko bezela definitu daiteke. Eszenatokian pianoa, ahotsa, bibolina eta bateriak beste dimentsio bat hartzen dute, argi zein eszenografia lanketa baitago. Azpimarratzekoa da 4tik 3 musikari emakumeak direla eszenatokian. 

Angel Unzu gitarrista eta konpositoreak laukote formatuko bere lehen diskoa aurkeztuko du, ORAIN izenekoa.

Abenduan grabatu zuten eta hiru jazzlari ezagun eta errespetatu hauen parte-hartze bereziarekin: Gonzalo Tejada (Baxu elektrikoa/Kontrabaxua), Juan Manuel Urriza (Bateria) eta Andrzej Olejniczak saxofoi jotzaile poloniarra (Saxo Tenor/Soprano/klarinete baxua). Angel Unzu gitarraz eta konposizioez arduratzen da. Formazio honekin, bere soinu eta estetika akustikotik erabat urruntzen da.

ORAIN autoreak, interprete eta konpositore bezala bizi duen une sortzaileari erreferentzia egiten dio. Pieza batzuk aurretik sortuak izan ziren eta beste batzuk laukote honentzat ex profeso idatziak. "Gaur, orain, horrela jotzen eta konposatzen dut, nire iraganagatik hona iritsi naiz, bihar ikusiko da".

Ángel Unzu BIO

Zazpi CD argitaratu ditu lider gisa, non konpositore eta interprete eklektiko gisa agertzen den, batzuetan musika tradizionaletik, mundu garaikidetik edo jazzetik gertu dagoen hizkuntza batekin.
Gitarra Sola, Piano, Orquesta, Big Band, Teatro eta Corosentzat musika idatzi du.

1994az geroztik, bere diskografiaren edukia erakusten du bere kontzertuetan, batez ere solo gitarra formatuan.

Nafarra jaiotzez, Euskal Herrian garatzen du bere musika-jarduera. Gitarra klasikoa eta jazza ikasi zituen Madrilgo Ateneo de la Musican, eta hobekuntza-ikastaroetan parte hartu zuen, Leo Brouwer, Ralph Towner, Pat Metheny, Egberto Gismonti, Sergio Assad eta abarrekin.

Euskal artista askoren grabazioetan eta zuzenekoetan kolaboratu du: Benito Lertxundi, Gontzal Mendibil, Iñaki Salvador, Jabier Muguruza, Alex Ubago, Diego Vasallo, Mikel Laboa, Amaia Zubiria, Anje Duhalde, Mikel Markez, Erramun Martikorena, Oreka tx, Iker Goenaga, Alaitz eta Maider, Olatz Zugasti, Kepa Junkera, Philippe de Ezcurra eta abar.

Euskal Herrian, Argentinan, Uruguain, Frantzian, Suitzan, Portugalen, Alemanian, Holandan, Polonian eta Japonian egin ditu kontzertuak. Erroko musika, world music, funk, bossa eta jazz taldeekin lan egin du zuzenean.