Lezon, 2001eko ekainaren 7an, goizeko 9:50 orduetan hasi du Gobernu Batzordeak BILKURA OHIKOA Gobernu Batzordearen Gelan, lehen deialdian Aitor Sarasola Salaberria alkatearen lehendakaritzapean, Mikel Mitxelena Iza eta Inmaculada Muñoz Martinez zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA
1.- Egoki irudituz gero, 2001eko maiatzaren 24an egindako bilkurako akta onartzea.
2001eko maiatzaren 24an egindako bilkurako akta aho batez onartu da.
ALKATETZA
2.- Alkatearen erabakien eta adierazpenen berri ematea.
Ez du inolako adierazpenik eman.
HIRIGINTZA ETA ZERBITZUAK
3.- Enrique Alvarez Alvarezi, Layme, S.L., enpresaren ordezkari gisa, obra lizentzia ematea Itturrin kaleko 51.ean dagoen pabilioia egokitzeko.
Enrique Alvarez Alvarezek, Layme S.L. enpresaren ordezkari gisa, eskatuta tramitatzen ari den jarduera espedientea ikusirik, Itturrin kaleko 51.ean (Itturrin Industrialdea) kokatutako pabilioia egokitzeko lizentzia eskatzen baitu, hartan molde askotariko mintzezko teklatuak eta, halaber, aurre-karatulak eta teklatu antibandalikoak fabrikatzeko jarduera jartzeko helburuz, eta udal teknikariak emandako txostena ikusirik, Gobernu Batzordeak ondorengo akordioak hartu ditu:
BAT: Enrique Alvarez Alvarezi, Layme S.L. enpresaren ordezkari gisa, obra lizentzia ematea Itturrin kaleko 51.ean (Itturrin Industrialdea) kokaturiko pabilioia egokitzeko, hartan molde askotariko mintzezko teklatuak eta, halaber, aurre-karatulak eta teklatu antibandalikoak fabrikatzeko jarduera jartzeko xedez, betiere Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak betetzekotan, jakinarazpenarekin batera bidaltzen zaizkiolarik.
BI: Obrak buruturik, jardueraren irekidura lizentzia eskatu beharko du, harekin batera ziurtagiri tekniko bisatua aurkeztuz eta, bertan, Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak obra horietan bete direla seinalatuz.
HIRU: Jarduera Ekonomikoen Gaineko Zergan alta eman izanaren kopia.
4.- José Martínez Lópezi, Aislatec, S.L.ren enpresaren ordezkari gisa, obra lizentzia ematea, Txatxamendi kaleko 14.ean, tarteko oina egiteko eta pabilioia egokitzeko.
José Manuel Martínez Lópezek, Aislatec, S.L.ren ordezkari gisa, eskatuta tramitatzen ari den espedientea azterturik, Txatxamendi kaleko 14.ean (Ipintza Industrialdea), tarteko oina egiteko eta pabilioia egokitzeko lizentzia eskatzen baitu, hartan material isolatzaileren biltegia jartzeko helburuz, eta udal teknikariak emandako txostena ikusirik, Gobernu Batzordeak ondorengo akordioak hartu ditu:
BAT: José Manuel Martínez Lópezi, Aislatec, S.L.ren enpresaren ordezkari gisa, obra lizentzia ematea Txatxamendi kaleko 14.ean (Ipintza Industrialdea) tarteko oina egiteko eta pabilioia egokitzeko, hartan material isolatzaileren biltegia jartzeko xedez, betiere udal teknikariak ezarritako ondorengo neurri zuzentzaile hauek betetzekotan:
-Otsailaren 27ko 3/1998 Legean, Euskal Herriko ingurugiroa babesteko Lege orokorrean, aurreikusitako jarduera lizentzia eskuratu behar izatetik salbuetsita dauden jardueren zerrenda jasotzen duen martxoaren 9ko 165/1999 Dekretuan ezartzen diren neurri zuzentzaileak.
-Proiektuan azaltzen diren neurri zuzentzaileak bete behar ditu.
BI: Obrak buruturik, jardueraren irekidura lizentzia eskatu behar du, harekin batera ziurtagiri tekniko bisatua aurkeztuz eta, bertan, proiektuan azaltzen diren neurri zuzentzaileak obra horietan bete direla seinalatuz.
HIRU: Jarduera Ekonomikoen Gaineko Zergan alta eman izanaren kopia.
LAU: Lizentzia ematearen gaineko eskubideak 62.850,- pta dira eta irekitzeko lizentziaren gaineko tasa 212.236.- pta.. Guztira, beraz, 275.236.- pta ordaindu behar ditu.
5.- Javier Arin Usarralderi lizentzia ematea Txatxamendi kaleko 14-16.ean dagoen pabilioia lehenengoz okupatzeko.
Javier Arin Usarraldek, Txatxamendi kaleko 14-16.ean (Ipintza Industrialdea) dagoen pabilioi industriala lehenengoz okupatzeko lizentzia eskatu du. Horri buruz udal teknikariak egin duen txostena ikusirik, Gobernu Batzordeak zera erabaki du:
BAT: Javier Arin Usarralderi lizentzia ematea Txatxamendi kaleko 14-16.ean (Ipintza Industrialdea) dagoen pabilioi industriala lehenengoz okupatzeko, ondoren zehazten dena betetzekotan:
-Irabazteko aprobetxamendua kontzeptuan 1.230.000 pta ordaintzeke dituela gogoraraztea. Diru kopuru hori ordaindutakoan itzuliko dio Udalak gordailuan utzitako abala, hori guztia 1998ko apirilaren 29an emandako obra lizentziaren arabera (jakinarazpenarekin batera doa).
-Pabilioiaren atzeko aldean, bi ate jarri behar ditu, ubidera sarbidea izateko.
BI: Obra berriaren eskrituraren arabera, obraren aurrekontu osoa hasierakoa baino altuagoa denez, eraikuntzen gaineko zerga 708.983.- pta da eta lehenengoz okupatzeko lizentziaren gaineko tasa 106.551 pta. Hortaz, guztira, 815.534.- pta. ordaindu behar ditu.
HIRU: Dokumentazioaren kopia bat Gipuzkoako Foru Aldundiko Ogasun eta Finantza Departamentura bidaltzea.
6.- Txatxamendi kaleko 41.ean dagoen pabilioia egokitzeko, Rosa Mª Seijó Moreyk, Plastnor 2001 SL.ren ordezkari gisa, aurkeztutako jarduera espedientearen aldeko txostena ematea.
Rosa Mª Seijó Moreyek, Plastnor 2001, S.L.ren ordezkari gisa, eskatuta tramitatzen ari den jarduera espedientea azterturik, Txatxamendi kaleko 41.ean (Ipintza Industrialdea) dagoen pabilioia egokitzeko lizentzia eskatzen baitu, hartan poliesterezko arotzia jarduera jartzeko helburuz eta udal teknikariak emandako txostena ikusirik, Gobernu Batzordeak ondorengo akordioak hartu ditu:
BAT: Rosa Mª Seijó Moreyek, Plastnor 2001, S.L.ren ordezkari gisa, aurkeztu duen jarduera espedientearen aldeko txostena ematea, Txatxamendi kaleko 41.ean (Ipintza Industrialdea) dagoen pabilioia egokitzeko lizentzia eskatzen baitu, hartan poliesterezko arotzia jardueran lan egiteko xedez.
BI: Espediente osoa Eusko Jaurlaritzako Lurralde Antolamendu, Etxebizitza eta Ingurugiro Sailera bidaltzea, behar diren neurri zuzentzaileak ezar ditzaten.
GIZARTE ONGIZATEA
7.- Etxez etxeko laguntza eskaerak.
7.1.- Josefa Etxegarai Ezkurraren etxez etxeko zerbitzu eskaera ikusirik, Gobernu Batzordeak zerbitzu hori onartzea erabaki du eta itxoin zerrendan sartzea, udal langileekin eman ahal izan arte.
7.2.- Adelaida Agirre Eubaren etxez etxeko zerbitzu eskaera ikusirik, Gobernu Batzordeak zerbitzu hori onartzea erabaki du eta itxoin zerrendan sartzea, udal langileekin eman ahal izan arte.
7.3.- Ikusi dugu etxez -etxeko laguntza eskatzeko Edurne Abaitua Basterretxeak egin duen eskabidea. Era berean, aztertu dugu gizarte langileak egindako txostena. Hortaz, Gizarte Ongizateko eskuordedunak egindako proposamena ikusirik, Gobernu Batzordeak hemen heldu diren erabakiak hartu ditu:
BAT: Etxez etxeko zerbitzua ematea Edurne Abaitua Basterretxeari ondorengo baldintzetan:
1.- Zerbitzua arreta pertsonala egiteko izango da astean bost orduz, nahiz eta gehitu daitekeen zerbitzu beharren arabera.
2.- Onuradunak egin beharreko diru-ekarpena hilean, 5.398,- pta. da.
BI: Zerbitzu hori Pepi Lasarte laguntzaileak egingo du.
FAKTURAK
8.- Zenbait faktura onartzea.
Aztertu ondoren, Gobernu Batzordeak onartu du Altamirako Altzate igerilekuetan estalki teleskopikoaren instalazioaz Macovur-ek aurkeztutako 1. ziurtapena: 6.037.196.- pta. B.E.Z. barne (Erref. O-99-667).
Era berean onartu du, Altamirako Altzate igerilekuak girotzeko instalazioaz Hemen Klima SL.ek aurkeztu duen 1. ziurtapena: 10.738.569.- pta B.E.Z. barne (Erref. O-99-668).
GALDE ESKEAK.
Ez da galde eskerik izan.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 10:25 orduetan eman dio buru bilkurari. Idazkari naizen aldetik, akta 309.456tik 309.459.era zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.