Auzokonposta guneetako urteko azken bisita 19an, astelehenean

Hilero bezala, auzokonposta guneetan jarraipen-bisita egingo du Elkarrekin 21 aholkularitza-taldeak. Abenduko bisita astelehenean, abenduaren 19an izango da 9:30-12:30ak bitartean.

Hilero bezala, auzokonposta guneetan jarraipen-bisita egingo du Elkarrekin 21 aholkularitza-taldeak. Oraingoan, ordea, ikuskaritza datorren astelehenean, abenduak 19an, izango da asteartean izan beharrean. Alderdiren bat hobetu behar dutenek eta hasi berriek kalitatezko konposta lortzeko urratsak zeintzuk diren ikasteko aukera izango dute berriz ere. Horretaz gain, interesa duten herritarrak ere hurbildu daitezke konposta egiteko urratsak zeintzuk diren ezagutzera.

Aholkularitza-taldea 09:30 – 12:30ak bitartean arituko da Lezoko sei guneetako konpostagailuen ikuskaritza egiten, ondorengo ibilbidea jarraituz: Andreone, Aralar, Arretxene-Txulotxo, San Pedro-Pisbe, Lopene eta Altamira. Norbaitek zalantzak argitu edo tutoretza egunetan ikuskaritza-taldearekin hitzordua jarri nahiko balu honako telefono zenbakietara deitu dezake: 943 521 538 (Josu) / 605 757 687 (Leire).

Datorren astelehenekoa, urtea amaitu aurretik geratzen den azkeneko bisita izango da. Horregatik, Eguberrietako oporren aurretik, bai Udalak, bai aholkularitza taldeak eskerrak eman nahi dizkie biohondakinak konpostatzen parte hartzen duten lezoar guztiei eta, oraindik ari ez direnei, izena ematera gonbidatzen ditu, 2017an ere, Lezo iraunkortasunerako bidean aurrerantz egiten jarrai dezan.

Etxeko konpostan ere aholkularitza eskaintzen du Udalak

Lantaldeko teknikariek etxeko konposta egiten duten herritarrei ere aholkularitza eta laguntza zuzena eskaintzen ari zaizkie. Erabiltzaileek zalantzak izanez gero, aholkularitza teknikoarekin harremanetan jar daitezke honako posta elektronikora idatziz: lezokonposta@gmail.com.

Arloa edo saila

Ingurumena