Jaiak arratsaldeko 17:45ean hasiko dira Zabarre piratari egingo zaion ongietorriarekin. Aurtengoan, Pitara txikiak Ioritz Intxaurrandieta Oiartzabal eta Aiora Intxaurrandieta Amiano izango dira
Gaur arratsaldeko 17:45ean iritsiko da Zabarre pirata kaira eta herritarrak bertara mozorrotuta gerturatzeko eskatu da Udaletik. Zabarre, kaitik udaletxeko atarira joango da eta, herritarrak Gurutze Santuaren plazara iristean, Pirata txikiek Mendekoste jaiei hasiera emango diete udaletxeko balkoitik pregoiaren irakurketarekin. Aurten, Pirata txikiak Ioritz Intxaurrandieta Oiartzabal eta Aiora Intxaurrandieta Amiano izango dira.
Ondoren, 19:30ean Ordiziako Umore Ona eta Lezoko Aiton Borda abesbatzen emanaldia izango da Gezala Auditoriumean eta, jarraian, preso eta iheslarien aldeko kartelada egingo da. Ilunabarrean, Piraten afari autogestionatua egingo da Gurutze Santuaren plazan eta, afalostean, DJ Ikerren emanaldia eskainiko da. Amaitzeko, Dinbi Danba batukadak herriko kaleak girotuko ditu jaietako lehen gau honetan.
Maiatzak 19, larunbata:
9:30- Diana Eskualdeko dultzaineroekin.
9:30- Motozaleen elkarretaratzea.
10:00- Lezo Herri Eskolako patioko muralaren margoketa.
12:00- Buruhandi eta Erraldoien kalejira Munttar txistulari taldearekin Bekoerrota kiroldegitik abiatuta.
12:00- XX.mende hasierako erromerien dantzak herrian zehar.
12:30- Kantujira Aiton Bordatik abiatuta.
13:00- Musika Eskolako banda eta Lezoko Dantzazaleen emanaldia Gurutze Santuaren plazan.
14:00- Motozaleen bazkaria Saldise plazan. Bitartean motoak ikusgai.
16:00- Truk txapelketa Tiñelu elkartean eta Xake txapelketa Polentzarrene auzoan.
17:00- DJ festa Karlos Saldise plazan.
18:00- XX. Sagardo Eguna Gurutze Santuaren plazan (eguraldi txarrarekin Karlos Saldise plazan). Hasieran, Lezoko Dantzaleen “Mahai gaineko” dantza.
19:00- Buruhaundi eta erraldoien kalejira Munttar txistulari taldearekin Bekoerrota kiroldegitik abiatuta.
20:00- Zezen suzkoa Gurutze Santuaren plazan eta, jarraian, Orkestrina Banda Jazpana taldearen emanaldia.
23:00- Jaig Taldea eta The Graps Lezoko Musika Eskolako taldeen kontzertua, Karlos Saldise plazan. Jarraian, REGGAE GAUA: Dantzall sound, Polas selektah, Sista kata eta Bad sound system.
Maiatzak 20, igandea:
9:30- Diana Eskualdeko dultzaineroekin.
10:30- Pintxo lehiaketa haur eta gaztetxoentzat Karlos Saldise plazan. Jarraian, euskal dantzak.
10:45- Emakume Raketisten arteko partidua, Bekoerrota kiroldegiko frontoian. .
12:00- Herri kirolen erakustaldia Gurutze Santuaren plazan. Joseba Ostolaza harrian eta Manolo Kañamares eta Fausto Mugerza aizkora lanetan.
12:00- Buruhaundi eta Erraldoien kalejira Munttar txistulari taldearekin, Karlos Saldise plazatik abiatuta.
12:00- Triki-kantu poteoa Gurutze Santuaren plazatik abiatuta.
16:30- Altxorraren bila. Irteera Gurutze Santuaren plazatik. Mozorrotuak etorri!!
18:00- Pilota partidak: alebinak eta, amaieran, helduak Goiko Plaza frontoian.
19:30- Kale Antzerkia: Markeline konpainiaren ‘Andante’ lana musika eskolatik abiatuta (Euskadiko kale ikuskizunik onenaren saria. XVI. Leioako umore azoka 2015).
21:45- Zezen suzkoa Tomas Garbizu Lezoko Udalaren Musika Eskolako bandarekin Gurutze Santuaren plazan.