2018KO AZAROAK 12

Lezon, 2018ko azaroaren 12an, astelehena, goizeko 8:00ean hasi du Tokiko Gobernu Batzarrak BILKURA OHIKOA udaletxeko Gobernu Batzar aretoan, lehen deialdian, Jesus Maria Martiarena Jaca, Alkatearen, lehendakaritzapean, Maria Noemi Arberas Oses, Irlentz Ortega Ugalde, Miguel Ángel Sánchez Antúnez (EAJ-PNV udal taldea) eta Jose Angel Sanchez Gallardo (Eusko Sozialistak-Socialistas Vascos).

Idazkari gisa Xabier Loiola Aristi aritu da.

AKTA ONARTZEA.

1. Egoki irudituz gero, 2018ko urriaren 29an egindako bilkurako akta onartzea (2018ID210018).

Akta inolako aldaketarik gabe onartu da.

EUSKARA

2. Euskara ikasteagatik egindako beka eskaerak onartzeko proposamena (2018KU070004).

Euskara ikasteagatik bekak (2018ko udako ikastaroak) esleipenerako espedientea azterturik, Alkatetzak proposaturik Tokiko Gobernu Batzar honek ondorengoa ERABAKI DU:

BAT: Euskara ikasteagatik egindako beka eskaerak onartzea (espedientean zehazten den zerrendako eskatzaileei) 2146 partidatik, beken guztirakoa 1.846,00 eurokoa delarik.

BI: Dirulaguntzaren %100 ordainketa bakarrean ematea.

GIZARTE ZERBITZUAK

3. Aiton Borda tabernako arduradunak egindako hainbat eskaeren onarpenerako alkate dekretua berresteko proposamena (2018GZ320013).

2018ko azaroaren 2an eta D18/1082 zenbakiko Alkatetzaren dekretuz, N.N.R.k Aiton Borda tabernari buruz egindako hainbat eskaera onartzea erabaki zen.

Azaroaren 12ra bitarte ez zirenez aurreikusi Gobernu Batzarraren bilkurak, eta arruntak diren tramite administrariak ez atzeratzeko, Alkatetzak delegatua duen eskumena bereganatu zuen eta azaroaren 2an Aiton Borda tabernako esleipendunak egindako hainbat eskaera onartu zituen eta orain Tokiko Gobernu Batzarrera jakinaraztea eta berrestea proposatzen da.

Hori horrela, Alkatetzak proposaturik Tokiko Gobernu Batzar honek ondorengoa ERABAKI DU:

2018/11/2an eta D18/1082. zenbakia duen Alkate Dekretuz alkatetzak hartutako ondorengo erabakiak BERRESTEA:

“BAT: Aiton Borda taberna ostiral eta larunbatetan 21:30etan itxi beharrean, 00:00etan ixteko eskaera onartzea.

BI: Aiton Borda taberna larunbata eta igandetan goizeko 10:00etan irekitzeko eskaera onartzea.

HIRU: 2018ko Abenduaren 25ean eta 2019ko urtarrilaren 1ean Aiton Borda taberna ixteko eskaera onartzea.

LAU: Aiton Borda tabernako jubilatuen prezioen eta jubilatuak ez direnen prezioen aldaketa onartzea.

BOST: Aiton Borda tabernarako A.S.C laguntzaile gisa onartua izatea.

SEI: Esleipendunak erabakien berri elkartean eta tabernan ematea.”

4. Gazteek etxebizitzak alokatzeko 2018ko dirulaguntzaren eskaera onartzeko proposamena (2018GZ050001).

P.G.N.-k aurkeztu duen gazteek etxebizitzak alokatzeko 2018ko diru-laguntzaren eskaera aztertuta eta horri erantzuteko udal aurrekontuetan dagoen diru-izendapena aztertu ondoren, Gizarte Zerbitzuetako zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: P.G.N-i 2018. Urterako 1.750€tako diru-laguntza onartzea etxebizitzaren alokairurako. (A-158/D-651/2018).

BI: Proposamenaren onarpenean eskaera datara arte egiaztatutako alokairu gastuen araberako proportzioan egingo da (1.250€). Gainontzekoa falta diren hilabete horietako alokairu ordainketaren zuriketa egin ondoren jasoko du.

ALKATETZA ETA DELEGATUAK

5. Alkatearen erabakien kontu ematea.

Azken Tokiko Gobernu Batzarra egin zen ezkero, 2018ko urriaren 29az geroztik, hartutako erabakien berri eman du alkateak.

GALDE ESKEAK

6. Galde eskeak

Ez da izan galde eskaerarik.

Aktaren bukaera.

Alkate-lehendakariak, aztertzeko ziren gai guztiak aztertu ondoren, 8:20ean eman dio bukaera bilkurari. Idazkari naizen aldetik, akta 1243995tik 1243996ra zenbakiak dituzten orri ofizialetan jaso eta berrespena ematen diot alkatearen oniritziaz.