Bost ekitaldi izango dira asteburu honetan herrian, Lesoinuren programazioaren baitan.
- BALEZALEAK - OSTOMILA TXOTXONGILO TALDEA
Ostirala, apirilak 4. Gezala auditorium. 17:15
Txotxongiloak, musika eta ahozkotasuna nahasten dituen proiektua da. Ostomila Txotxongilo Taldearen ardatzak, taldearen bi herriek (Euskal Herria eta Nikaragua) batzen dituzten nortasuna eta kultura dira. Txotxongilo tradizionalen teknika eta zuzeneko musika uztartzen dute. 'Baleazaleak' emanaldian, Selma Huxleyren sekretuari jarraituz, euskal baleazaleen garaira bidaia bat hasiko du Elaiak. Itsasoko abenturetan eta Mik'maq mitologian murgiltzeko prest?
- MUSIKOSOPHIA - AINHOA PINTO
Ostirala, apirilak 4. Tomas Garbizu Musika Eskolan. 17:00 eta 18:30
MUSICOSOPHIA musika klasikoa entzuteko metodo bat da. Izugarri berritzailea da eta bere jardueraren bidez musika benetan distira egiten duen lekura eramaten gaitu: gizakiaren muinera. Metodologiak entzutea, aztertzea eta sentitzea eskatzen du. Musikazale guztiei irekita dago. Ez da beharrezkoa aldez aurretik musika ezagutzarik izatea.
- ABESBATZEN KONTZERTUA
Larunbata, apirilak 5. Gezala Auditorium. 19:00
Usansolo Orfeoia eta Sutargi abesbatzak errepertorio ederra prestatu dute: musika herrikoia, klasikoa, modernoa, espirituala edota aldarrikatzailea topatuko ditugu. Zuzenekoan tresnajole paregabeak izango dituzte laguntzaile, bai eta dantzariak ere.
- TXISTULARIEN DIANA
Igandea, apirilak 6. Kalejira herrian zehar. 11:00
- HALLOS SAXOFOI LAUKOTEAREN KONTZERTUA
Igandea, apirilak 6. Gurutze Santuaren Plazan. 13:00
Halos laukotea Musikenen jaio zen, Thomas Barthélemyren eskutik. Diego Mateo, Elena Trenado, María Sanz eta Juan Pérezek osatzen dute. Taldean musika egiteak eta sormena sustatzeak bultzatuta, laukote hau osatzen dute, eta XVIII. mendeko musikatik hasi eta gaur egunera arte askotariko errepertorioa interpretatzen dute.
Emanaldi guztiak doakoak izango dira, herritar guztiei zuzenduta. Animatu eta gozatu musikaz!