2015eko martxoak 26

Lezoko Udaletxeko Biltzar Areto Nagusian, 2015eko martxoaren 26an, osteguna, arratsaldeko 19.35ean eratu da OSOKO UDALBATZA, OHIKOA egiteko xedez, lehen deialdian, Ainhoa Zabalo Loiarte alkatearen lehendakaritzapean eta ondorengo zinegotzi hauek bertan direla: Mikel Arruti Salaberria, Ainhoa Intxaurrandieta Ezkurra, Garazi Kuesta Unzain, Angel Portugal Formoso, Naroa Tubilla Ziganda, Miren Tarragona Perez (BILDU udal taldea), Kepa Garbizu Azkue, Xubero Ubillos Apaolaza, Enrique Figueroa Laboa (EAJ-PNV udal taldea) eta Mikel Antxon Arrizabalaga Brusín.

Garazi Kuesta Unzain bilera hasi eta gero etorri da, hain zuzen, gai zerrendaren 5.puntua hasita zegoenean.

Ez da bileran egon Luis Garrido Corral (BILDU udal taldea)

Bertan da eta egintzaren fede eman du udal idazkaria den Xabier Loiola Aristik.

1. Egoki irudituz gero, 2015eko urtarrilaren 29ko osoko bilkurako akta onartzea.

Akta onartu eta sinatu egin da.

2. Diktamena: Tomas Garbizu musika eskolako tasen eta hobarien aldaketak onartzeko (2015KO290001).

Alkateak irakurri du. Honela dio diktamenak:

“Hazienda batzordearen lehendakariak, Tomas Garbizu udalaren musika eskolako 2015/2016 ikasturterako tasak eta hobariak onartzeko proposamenaren berri eman du.

Hori ikusirik, Kontu eta Hazienda batzordeak, 2015-03-16an egindako bilkuran, Ainhoa Zabalo, Mikel Arruti eta Angel Portugal zinegotzien botoa alde dela eta Kepa Garbizu zinegotziaren abstentzioarekin

DIKTAMINATZEN DU:

BAT: Tasen eta hobarien aldaketa hastapenez onartzea Tomas Garbizu udalaren musika eskolarako, 2015/2016 ikasturterako.

BI: Aplikatuko diren tarifak hauek dira:

GAIAK / ASIGNATURAS	€
Tresna + Taldea	301,01
Musika eta Mugimendu 1.1 eta 1.2 edo Hezkuntza Musikala 3.1 eta 3.2	150,51
Musika eta Mugimendua 1.3 edo Musika Mintzaira 2.1/ 2.2/ 2.3/ 2.4	161,51
Tresna + Taldea + Hezkuntza Musikala 3.1 eta 3.2	373,00
Tresna + Taldea + Musika Mintzaira 2.1/ 2.2/ 2.3 /2.4	384,00
2 Tresna + Taldea	601,30
Ikastaroak: ordu 1 (2 ikasle )(**)	12,78 €/h
Ikastaroak: ordu 1 (3 ikasle)	8,52 €/h
Ikastaroak: ordu 1 (4 ikasle)	6,39 €/h
Ikastaroak: ordu 1 (4 ikasletik aurrera)	5,12 €/h
Ikastaroak: 2 eta 3 urte bitarteko haurrentzat 45' (<8 ikasle)	5,00 €/h

Oharra:
Tresna + taldea gaiari dagokion tasa, ikasleak taldea egiten ez badu ere, berdina izango da.

HIRU:
A.- HOBARIAK, “TOMAS GARBIZU” LEZOKO UDALAREN MUSIKA ESKOLAKO MATRIKULA TASEN ORDAINKETAN

Eskatzaileek aldez aurretik bete beharreko baldintzak:

A-1.- Udal zerga eta prezio publiko guztiak ordaindurik edukitzea.

B.- MATRIKULA TASEN ORDAINKETAN HOBARIA HONAKO HAUEK IZANGO DUTE:

B-1.- Aplikazio arauetako taulan ezartzen diren diru sarrerak gainditzen ez dituzten ikasleek, hobaria jasotzeko eskubidea izango dute (ikus taula).

B-2.- Famili ugariak. Kide bakoitzaren hobari eskubidea: %25.

D.- APLIKAZIO ARAUAK:

D-1.- Kideen zenbatekoa erabakitzeko Biztanleen Udal Erroldaren azken eguneratzean jasorik dagoen dokumentazioa hartuko da kontuan.

D-2.- Tasen hobari eskabideak Musika Eskolako Bulegoan aurkeztuko dira matrikula egiterakoan eta dokumentazio hau bateratuko zaie:

- Bizikidetzaren Ziurtagiria.
- “Sarrera ekonomikoengatik” eskatuz gero, Errenta Aitorpenaren azken kopia - aurkeztu behar da, edota aitorpena egitera behartuta ez egotearen Foru Aldundiaren ziurtagiria.
- Errenta Aitorpena aurkezten duenari, oinarri bezala, “GUZTIRA OSAGARRI POSITIBOAK” hartuko zaizkio kontuan.
- Obligaziorik ezaren ziurtagiria aurkeztuz gero, Aitorpen hori ez egiteko Foru Aldundiak gehieneko sarreratzat hartutako baremoak edukiko dira kontuan.

Obligazio eza adierazten duen ziurtagiria (ogasuna) eta 10-T (enpresa) edo etekin gordinen ziurtagiria erantsi.
(Errotaburu: Tlf: 902-100040)

Famili ugarien kasuan, famili ugariaren liburua, eguneratuta.

D-3.-Hobari eskubidea duten pertsonei, matrikula ordaintzerakoan aplikatuko zaie hobaria.

D-4.- B-1 eta B-2. paragrafoetan jasotakoak euren artean ez dute izaera metagarririk. Azken kasu honetan, onuradunak gehien interesatzen zaiona aukeratu ahal izango du.

D-5.- Hobaria ematea gertatzean, hori eskatu den ekitaldirako bakarrik izango da.

D-6.- Tasa-hobarietarikoren baten onura jasotzeko proposatzen diren baldintzak ikasle batek betetzen baditu, baina aurreko ikasturtean klaseetara asistentzia %85 baino gutxiagokoa izan badu, beste gabe automatikoki ukatu egingo zaio eskaera.

E.- IKASTAROAK

E-1.- Ikasle ofizialei %10eko beherapena egingo zaie eskainitako ikastaroetan.

E-2.- Talderik osatuko ez balitz eta Musika Eskolari egokia iruditzen bazaio, bereziki ikastaroa antolatzea, hasierako tasari, tasa/denbora ratioa aplikatuko zaio.

HILEKO MENSUAL	URTEKO ANUAL	2015	Familia unitateko kideak / Miembros Unidad Familiar
			1-2	3	4	5	6	7
648,60 €	7.783,20 €	<=	90%	90%	95%	95%	95%	95%
713,46 €	8.561,52 €	>	75%	90%	90%	90%	90%	90%
778,32 €	9.339,84 €	>	50%	75%	90%	90%	90%	90%
843,18 €	10.118,16 €	>	25%	50%	75%	90%	90%	90%
908,04 €	10.896,48 €	>	0%	25%	50%	75%	90%	90%
972,90 €	11.674,80 €	>	0%	0%	25%	50%	75%	90%
1.037,76 €	12.453,12 €	>	0%	0%	0%	25%	50%	75%

LAU: Jendaurrean jartzea GAOn eta udaletxeko iragarki oholeko iragarki bidez, hilabeteko epean espedientea aztertu eta alegazioak aurkeztu ahal izateko.

Epe horretan alegaziorik ez bada jasotzen, araudiak behin betiko onarpena izango luke.

BOST: Erabaki hau tramitezkoa denez ezin da bere aurka errekurtsorik jarri.”

Diktamena onartu da aldeko 7 botoekin (6 BILDU udal taldea, 1 Eusko Sozialistak-Socialistas Vascos) eta 3 abstentzioekin (EAJ-PNV udal taldea)

3. Proposamena: Gaikuntza nazionaleko funtzionarioen merezimendu espezifikoen balorazioa aldatzea (2015PE100002).

Alkateak dio gaiaren berri Ogasun batzordean eman zela, eta batzordearen gai zerrendan ez zegoenez ez zela diktaminatu. Proposamena batzordean diktaminatu gabe dagoenez, udalbatzak aurrez onartu behar du proposamena osoko bilkuran tratatzea. Bozketa egin ondoren gaia tratatzea erabakitzen da aldeko 9 botoekin (6 BILDU udal taldea, 3 EAJ-PNV udal taldea) eta abstentzio batekin (Eusko Sozialistak-Socialistas Vascos)

Alkateak proposamena irakurri du. Honela dio proposamenak:

“Gaikuntza nazionaleko funtzionarioentzako jasotako postuak betetzeko lehiaketaren oinarriak Udal Osoko Bilkurak onartu zituen 1994/01/04an.

Akordio horretan merezimendu espezifikoen banakako balorazioa ezarri zen, beti ere Udalak eman zitzaken 7,5 puntuen arabera.

Toki Administrazioaren arrazionalizazio eta iraunkortasunari buruzko 2013ko abenduaren 27ko 27/2013 Legeak murriztu egin du Udalak banatzen dituen puntuak, 7,5etik 1,5 puntutara pasatuz.

Guzti honengatik Udalak meritu espezifikoen baremazioa egokitu egin behar du aipatu Legeak ezartzen duenaren baitan eta puntuaketa berria ezarri.

Bestalde, kontuan izanik meritu espezifikoak Lan Postuen Zerrendan jasoak daudela, baremazio aldaketa hau 2015. urteko Lan Postuen Zerrendan ere jaso beharra dago.

Horiek horrela, Alkatetza honek Osoko Bilkurari proposatzen dio ondorengo AKORDIO hauek hartzea

ERABAKI PROPOSAMENA

BAT: Gaikuntza Nazionaleko funtzionarioen meritu espezifikoen balorazio berria onartzea. Balorazioa hurrengoa da:

Kontuhartzaile lan posturako.

1) Emandako Zerbitzuak. Kontuhartzailetzan emandako zerbitzuengatik: 0,04 puntu hileko, guztira, gehienez 0.9 puntu.

2) Ikastaro eta diplomak. Ikastaro eta diplomak, HAEEk edo Autonomi Elkarteko beste edozein erakunde ofizialak deituta egin diren 20 ordutik gorako ikastaro bakoitzeko 0,1 puntu. Kontzeptu honengatik, guztira, gehienez ere 0,6 puntu emango dira.

Idazkari lan posturako

1) Emandako zerbitzuak. 2. mailako idazkaritzan emandako zerbitzuengatik: 0,04 puntu hileko, guztira, gehienez 0,9 puntu.

2) Ikastaro eta diplomak. Ikastaro eta diplomak, HAEEk edo Autonomi Elkarteko beste edozein erakunde ofizialak deituta egin diren 20 ordutik gorako ikastaro bakoitzeko 0,1 puntu. Kontzeptu honengatik, guztira, gehienez ere 0,6 puntu emango dira.

BI: 2015eko Lan Postuen Zerrendan Gaikuntza Nazionaleko funtzionarioen meritu espezifikoen balorazio berria jasotzea.

HIRU: Alkateak merezimendu espezifikoen balorazio berria onartuz urgentziaz, 2015/02/11n emandako D15/00165 dekretua berrestea.

LAU: Erabakiaren aurkako errekurtsoak:
a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.
Horretarako, hilabeteko epea dauka, erabaki honen jakinarazpena jaso eta biharamunetik hasita.
Errekurtsoa aurkeztekotan Udal Osoko Bilkurara jo behar da.
b) Bestela, administrazioarekiko auzi-errekurtsoa aurkez dezake zuzen-zuzenean.
Horretarako, bi hilabeteko epea dauka, erabaki honen jakinarazpena jaso eta biharamunetik hasita.
Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.”

Proposamena onartu da aldeko 9 botoekin (6 BILDU udal taldea, 3 EAJ-PNV udal taldea) eta abstentzio batekin (Eusko Sozialistak-Socialistas Vascos). Mikel Antxon Arrizabalagak dio abstenitu egin dela lege aldaketarekin ados ez daudelako.

4. Proposamena: “Giltzagune” proiektua burutzeko lankidetza hitzarmena onartzea (2015UD360001).

Alkateak dio egindako Ogasun Batzordean proposamenaren berri eman zela baina gai zerrendan ez zegoenez ez zela gaia diktaminatu. Proposamena batzordean diktaminatu gabe dagoenez, udalbatzak aurrez onartu behar du proposamena osoko bilkuran tratatzea. Bozketa egin ondoren gaia tratatzea erabakitzen da aldeko 9 botoekin (6 BILDU udal taldea, 3 EAJ-PNV udal taldea) eta abstentzio batekin (Eusko Sozialistak-Socialistas Vascos)

Alkateak irakurri du. Honela dio proposamenak:

“Larrialdietako zerbitzuak (osasunezkoak, suhitzaileak,…) udal honetako trafiko mugatuko kaleetan errazago sar daitezen, giltzen edo aginteen bidez aktibatzen diren pibotak edo bestelako oztopoetarako, Gipuzkoako Foru Aldunditik eta Osakidetzatik lankidetza hitzarmena proposatu dute Giltzagune proiektua gauzatzeko.

Proiektua da trafiko mugatuko kaleetan jarritako pibotak edo bestelako oztopoak aktibatzen dituzten giltzak edo aginteak pibote horietan jarriko diren zehaztuko diren edukiontzietan gordetzea, esku hartze azkarra egin ahal izateko.

Proiektua interesantea irudituz, Alkateak Osoko Bilkurari egiten dio ondorengo

ERABAKI PROPOSAMENA

BAT: Giltzagune proiektua burutzeko Gipuzkoako Foru Aldundiaren, Osakidetzaren eta Lezoko Udalaren arteko lankidetza hitzarmena onartzea.

BI: Alkate-lehendakariari ahalmena ematea aipatu hitzarmena Lezoko Udalaren izenean eta ordezkaritzan sina dezan.

HIRU: Gipuzkoako Foru Aldundiko Foru Administrazio eta Funtzio Publikoko Departamentuari erabaki honen berri ematea, eta halaber, hitzarmenaren hiru ale bidaltzea, alkateak sinatuta.”

Proposamena ahobatez onartu da.

5. Kontu ematea alkateak egindako aurrekontu aldaketenak (2014KO030006, 2014KO090006).

Alkateak egindako aurrekontua aldaketaren berri eman du 2014KO030006 eta 2014KO090006 espedienteetan jasoak.

Udalbatza jakinaren gainean geratu da

Ondoren eta gai zerrendaren 6. puntua tratatzen hasi baino lehen Garazi Cuesta Unzain (BILDU udal taldea) zinegotzia bilerara etorri da.

6. Kontuhartzailearen txostenak.

Udalak egindako bi kreditu aldaketa espedienteetan aurrekontu egonkortasunaren, finantza iraunkortasunaren helburuak eta gastu araua betetzeari buruzko txostena egin du udal kontu hartzaileak eta haren berri eman dio udalaren osoko bilkurari.

Bi espedienteak hauek dira: 2014-KALD-0000-19-00 (2014KO030006)
2014-KALD-0000-20-00 (2014KO090006)

Halaber, 2014. urteari dagokion ordaintzeko bataz besteko epeari (OBE) buruzko txostenen berri eman dio udalbatzari.

Udalbatza jakinaren gainean geratu da.

7. Terra SOSteniblek eta BILDU udal taldeak sinatuta klima aldatzeko geoingenieritza programen aurkako mozioa (2015ALO50004).

Alkateak irakurri du mozioa. Honela dio:

Geoingeniaritza programen baitan gure zeruetan egiten diren aireko isilpeko fumigazioei uko egiteko erakunde adierazpen bat sustatzeko mozioa. Izan ere, fumigazio horien helburua klima manipulatzea da, eta eragin larria dute ingurumenean eta osasun publikoan.

ZIOEN AZALPENA

LEHENENGOA:
Duela hamarkada bat baino gehiagoz geroztik, gure probintzian, aireko isilpeko fumigazioak egiten ari dira radar bidezko kontrol ofizialetik kanpoko hegazkinekin. Fumigazio horiek aldaketa klimatikoa arintzera bideratutako geoingeniaritza programen baitan gauzatzen dira. Berez, klima manipulatzea eta estratosfera eta ionosfera kontrolatuz (1977az geroztik debekatuta dago legez) helburu militarretarako komunikazio globalak egitea dute xedetzat.

BIGARRENA:
Klima manipulatzeak behe-lainoa, hodeiak, euria, ekaitzak, etab. sortzeko ahalmena dakar; baita behe-lainoa eta hodeiak desegiteko eta euria eragotzi eta lehorte luzeak sustatzeko ahalmena ere. Horrek herrialde baten baliabide hidrikoen haustura dakar. Lurralde bateko funtsezko baliabideak, hain zuzen ere, elikadura eta ura, erabat kontrolatzeko arma bat da.

HIRUGARRENA:
Klimaren patroi naturalak deuseztatzeak ondorio larriak ditu planetako bizitzarako, eta itzulerarik gabeko puntu batera garamatza. Atmosferan produktu toxikoak erabiltzeak (aluminio gatza, barioa, titanioa eta torioa, materia organikoa, zuntzak edo nanomaterialak) intoxikatu egiten du gure airea, ura eta elikadura kate osoa, eta horrek osasuna kaltetzen digu. Aluminioa eta barioa neurotoxikoak dira, eta alzheimer eta parkinson gaitzekin lotzen dira. Bestalde, gure uztak murrizten dituzte, eta gure basoak sarraskitzen dituzte. Ezustean, Monsantok hazi transgenikoak eta aluminioarekiko eta estres hidrikoarekiko erresistenteak diren zuhaitzak saltzen ditu jada.

LAUGARRENA:
Klimaren manipulazioa, gerrako arma gisa, AEBren kanpo politikaren parte izan da eta izaten jarraitzen du NATOren eta Nazio Batuen bidez. Mundu mailan erabiltzen ari dira, gainera, duela hamarkada bat baino gehiagoz geroztik, populazio zibila jakinaren gainean jarri gabe eta populazio zibilaren baimenik gabe, arreta printzipio funtsezkoena baztertuta.

BOSGARRENA:
Gertaera hauek ezkutatu egiten zaizkie herritarrei, aurretiaz galduta daukaten eztabaida publikoa galarazita. Aldaketa klimatikoaren testuinguru ofizialduaren baitan legediaren barruan jardun ahal izateko lege esparru bat prestatzen den bitartean, gobernuek ukatu egiten dituzte gertaera hauek. Herritarrak baztertzen dituzte berez haiek babestea eginkizuntzat duten erakundeek (Estatuak eta Armadak, esaterako), eta herritarrak beren kabuz defendatu beharrean daude.

SEIGARRENA:
Horiek horrela, 2013ko apirilaren 8an eta 9an, Europako gizarte zibilak gertaera hauek salatu zituen Europako Parlamentuan, eta eskaera formal bat aurkeztu zen maiatzaren 13an, horri buruzko ikerketa independente bat eskatuz. Ildo horretan, gizartearen eta erakundeen babesa lortu nahi dugu (udalena, bereziki), beren eskumenen esparruan, legez kanpoko jarduera suntsitzaile hauek amaiarazteko.

ZAZPIGARRENA:
Hemen adierazitako gertaeren larritasuna kontuan hartuta, eta herritarren oinarrizko eskubideak (segurtasun eta osasun publikoa, esaterako) urratzen ari direla kontuan hartuta, 2013ko maiatzaren 13an Europako Parlamentuan aurkeztutako eskaera eta gertaerak eta zuzenbideko oinarriak kontuan hartuta, gai ideologiko bat ez dela baizik eta interes orokorreko gai bat dela kontuan hartuta eta Toki Autonomiaren Europako Gutunean aurreikusitako udal autonomia erabiliz, Terra SOStenible taldeak honako erabaki hau hartzeko proposamena egin dio udalbatzari:

ERABAKIA

1. Geoingeniaritza globaleko jarduerei eta udal lurraldearen gainean egiten diren aireko isilpeko fumigazioei uko egitea, udal honek udalerriaren zein bertako herritarren baliabideak babesteko dituen eskumenen esparruan.

2. Terra SOSteniblek, Skyguardsek eta Alternativak 2013ko maiatzaren 13an Europako Parlamentuan aurkeztutako eskaera sinatzea, salatutako gertaeren ikerketa independente bat egin dadin.

3. Eusko Legebiltzarreko Mahaiari eta alderdi politikoei jakinaraztea, ekimen hau ofizialki jaso dadin.

4. Erabaki hauen kopia bidaltzea ekimen hau sustatu duen Terra SOStenible elkarteari eta geoingeniaritzaren aurkako herri plataformari: www.guardacielos.org

Erakundearen erantzuna publiko egingo da herritarrak jakinaren gainean jartzeko.”

Mozioa onartu da aldeko 10 botoekin (7 BILDU udal taldea eta 3 EAJ-PNV udal taldea) eta abstentzio batekin (Eusko Sozialistak-Socialistas Vascos)

8. Euskal Fondoak aurkeztutako mozioa, Mendebaldeko Saharako auziari bidezko eta behin betiko konponbidea bilatzekoaren inguruan (2015ALO50006).

Alkateak irakurri du. Honela dio mozioak:

“Etorkizuneko belaunaldiak gerraren zigorretik babesteko” sortua izanik eta bere helburu nagusien artean “bakea eta nazioarteko segurtasuna mantentzea” duen Nazio Batuen Erakundeak 70 urte beteko dituen urtean.

40 urte pasa dira Espainiak Mendebaldeko Sahara abandonatu zuela eta,
harrezkero deskolonizatzeke dagoen Lurralde Ez Autonomoa da, Marokoren okupaziopean gainera.

Deskolonizazio kontuetan NNBB-ei eta bere Estatu kideei dagokie erantzukizun nagusia eta, Nazio Batuen sortze-Gutunaren arabera, bidezko eta behin betiko konponbideen bilaketan erantzukizunik nagusiena Segurtasun-Kontseiluak du
Indarreko legeriaren babesean, mozio hau izenpetzen duen talde politikoak hurrengo PROPOSAMENA aurkezten du, Osoko Bilkurak egokia baderitzo eztabaida eta onar dezan:
1.- Espainiako Gobernuari: De iure potentzia administratzailea den heinean, Mendebaldeko Sahararako Idazkari Nagusiaren Lagunen Taldeko kide izanik eta 2015/2016 agintaldian zehar Segurtasun-Kontseiluko kide ez iraunkorra denez ere, PREMIAZ eskatzen diogu:
• 1975 ezkero bukatugabe dagoen deskolonizazio prozesuari amaiera emateko bere erantzukizuna BETETZEA, Herri Sahararraren borondatearen adierazpen libre eta benetakoa ziurtatuko duen erreferenduma ospatuz.

• Deskolonizazio eta Lurralde Ez Autonomoen kontuetan Nazio Batuek finkatutako doktrina BABESTEA. Horretarako Nazio Batuen Batzar Orokorraren 2625 Erabakiak zera adierazten du: “Herri baten determinazio askerako eskubidea gauzatzeko bideak Estatu subirano eta independentea, Estatu independente batekin elkartzea edo integratzea, edo herri batek libreki onartutako bestelako izaera politiko bat izango dira”. Hau da hain zuzen ere autodeterminazioaren edukia.

•Bakea eta giza eskubideen babeserako, MINURSOri (Mendebaldeko Saharako Referendumerako Nazio Batuen Misioa), lurraldean dagoen Nazio Batuen presentzia bakarrari, konpetentziak esleitu diezazkioten ARDURATZEA, saharar populazioaren eskubide zibil, politiko, ekonomiko, sozial eta kulturalak babestu eta sustatu ditzan .

2.- Akordio hau ondoko helbidetara bidaliko dugu:

a) ERREGE-ETXE ESPAINIARRA
Zarzuelako Jauregia. Pardo Errepidea s/n. 28071 Madril

b) ESPAINIAKO GOBERNUAREN PRESIDENTZIA
Moncloa. Avda. Puerta de Hierro, s/n. 28071 Madril

c) KANPO-ARAZOETAKO ESPAINIAKO MINISTERIO
Probintziako plaza, 1. 28012 Madril

d) ESPAINIAKO MISIO IRAUNKORRA NAZIO BATUETAN
245st 47th Street, 36th Floor. New York, NY 10017. EEBB”

Mozioa aho-batez onartu da aldeko 11 botoekin (7 BILDU udal taldea, 3 EAJ-PNV udal taldea eta 1 Eusko Sozialistak-Socialistas Vascos).

9. BILDU udal taldeak aurkeztutako mozioa, torturaren aurkako eta giza eskubide guztien aldekoa (2015ALO50005).

Mikel Arruti zinegotziak irakurri du mozioa. Honela dio:

“Otsailaren 13an 34 urte bete ziren Joxe Arregi hil zenetik Polizia Nazionalaren eskutan 9 egun eman ondoren. Harrez geroztik tortura urtetik urtera salatu dugu, kalean eta erakundeetan. Zentzu horretan, Euskal Herrian milaka eta milaka herritarrek salatu dute tratu txarrak jasan izana Estatuko polizia indarren eskutik.

Gainera, aurten jakin dugu Giza Eskubideen Europako Auzitegiak Espainiako Erresumaren aurkako kondena-epai berri bat eman duela euskal herritar batek salatutako torturak ez ikertzeagatik. Epai honekin, Giza Eskubideen Auzitegiak dagoeneko bost kondena-epai eman ditu Espainiako Estatuaren aurka, euskal herritarrek aurkeztutako tortura-salaketak ez ikertzeagatik.

Horregatik guztiagatik, Euskal Herrian oso testuinguru garrantzitsu batean gaudela aintzat hartuta, non oraina eta etorkizuna eraiki nahi dugun giza eskubideen errespetuan oinarrituta, Lezoko Udalak erabaki du, mozio honen bitartez:

1. Komisarietan tratu txarrak ahalbidetzen dituzten egun indarrean dagoen legedia behingoz eta behin betiko indargabetzeko eskatzea, Lege Antiterrorista indargabetu eta atxilotuen inkomunikazioa bertan behera utziaz.

2. Funtsezkoa den eskubide honen urraketa pairatu duten pertsonen sufrimendua aitortu eta erreparatzea.

3. Auzitegi Nazionalari eskatzen dio tortura eta inkomunikazioa pairatu dituzten atxilotuen kontrako prozesu judizial guztiak berrikusi eta bertan behera utz ditzala.

4. Akordio honen berri ematea.”

Mikel Antxon Arrizabalagak (Eusko Sozialistak) dio Giza Eskubideen alde eta Torturaren aurka dagoela, baina ez dagoela ados mozio honekin.

Mozioa onartu da aldeko 10 botoekin (7 BILDU udal taldea eta 3 EAJ-PNV udal taldea) eta abstentzio batekin (Eusko Sozialistak-Socialistas Vascos).

10. Eusko Sozialistak aurkeztutako mozioa, zaborren kudeaketaren ingurukoa (2015ALO50007).

Mikel Antxon Arrizabalagak (Eusko Sozialistak-Socialistas Vascos) azaldu du mozioa. Honela dio erdara hutsean dagoen mozioak:

“GHK decidió demandar al Banco Santander, a La Caixa y a la consultora Price-Waterhouse por los contratos de cobertura de los créditos para ejecutar la planta de Zubieta. Sin embargo, los tribunales han desestimado la demanda interpuesta por el Consorcio por el contrato de cobertura, al entender que los contratos formalizados eran idóneos y se convirtieron en "especulativos" cuando el Gobierno Foral de EH Bildu y GHK, decidieron no construir la planta de tratamiento de residuos.

Una vez más, como viene siendo costumbre en esta legislatura, la temeraria gestión en el seno de GHK, que ignoró las advertencias de los técnicos, sumada al desprecio que por el interés público manifiesta la coalición Bildu obsesionada políticamente en ir contra la planificación aprobada la pasada legislatura en el marco del PIGRUG, tendrá una consecuencia económica directa en las mancomunidades y los municipios de Gipuzkoa.

La diferentes mancomunidades que conforman GHK deberán abonar en torno a más de medio millón de euros mensuales, hasta un total de 68 millones euros, que saldrá de los bolsillos de los guipuzcoanos y guipuzcoanas que deberán pagar por unas infraestructuras que Bildu ha decidido no construir.

En concreto la Mancomunidad de San Marcos, de la que forma parte nuestro Municipio, deberá abonar 19.720.000E, casi 20 millones de euros y ello repercutirá en los bolsillos de toda la ciudadanía.

Además, continuar abonando en torno a 500.000 euros mensuales por una infraestructura que no va a construir, el Consorcio de Residuos ha tenido que pagar por otros conceptos 13,2 millones de euros a las empresas encargadas de la construcción de la incineradora por enterrar este proyecto, ya que a los 8,2 millones en concepto de indemnización hay que sumar otros, cinco millones por los trabajos ya realizados y que Bildu ha pactado con las constructoras. Además se han abonado más de 2,8 millones de euros en concepto de pagos por trabajos realizados.

Las decisiones que están adoptando GHK y la Diputación Foral, gobernados por BILDU, están condenando a GIPUZKOA a un desastre medio ambiental y financiero en el que no hay más alternativa que pagar indemnizaciones y créditos por unas infraestructuras que no se van a construir, mientras los municipios y mancomunidades del territorio siguen sin tener una alternativa al PIGRUG y al Documento de Progreso 2008-2016, una planificación aprobada la pasada legislatura por las Juntas Generales y relegando , sine die, una solución medioambiental y económicamente viable para el tratamiento integral de los residuos en Gipuzkoa. Pasó en su momento con la planta de revalorización energética y ahora con la' cobertura de los créditos.

Es por todo ello que el grupo municipal socialista presenta para su aprobación por el Pleno Municipal, la siguiente

MOCION

El Ayuntamiento Pleno manifiesta su acuerdo con la planificación en torno al tratamiento integral de los residuos contenida en el PIGRUG y en el Documento de Progreso 2008- 2016, aprobados por la mayoría de las Juntas Generales de GIPUZKOA.

El Ayuntamiento Pleno acuerda requerir a la Presidencia de GHK para que reconduzca la situación en torno al tratamiento de los residuos en Gipuzkoa y a que se avenga a respetar las mayorías establecidas en las Juntas Generales y en GHK para evitar que se sume a la crisis ambiental que vive Gipuzkoa, una crisis financiera de graves consecuencias.”

Ainhoa Intxaurrandieta zinegotziak, Gipuzkoako Hondakinen Kontsortzioko lehendakaria ere badenak, dio orain alderdi politiko guztiek onartzen dutela errausgailua gaindimentsionatua zegoela. Horrela onartu dutela bai aurreko Diputatu Nagusia izan zen Markel Olanok eta baita obrak esleitu zituen Administrazio Kontseiluko lehendakari ordea zen Denis Itxasok, 320.000 Tn./urtean tratatzeko aurreikusi zen eta gaur egun biltzen den hondakin errefus kopurua 174.000 Tn/urtekoa da. Obrak lehiatu aurretik IBHren txostenak oharpen hori ere egina zutela. Halere aurrera egin zen lehiaketarekin eta kontratua sinatu zen.

Horretaz gain, Inbertsioetako Banku Europarraren exijentziaz, obra ordaintzeko banku pribatuei eskatu zitzaizkien kredituen kobertura kontratuak sinatu ziren, baina ez erabilitako kredituaren kobertura Banku Europarrak eskatzen zuen bezala, baizik eta kreditu guztiarena balizko kredituaren erabilera egutegiaren arabera. Behar ez ziren baldintzetan kontratatutako kobertura kontratuen ondorioen erantzule kontratuak onartu zituzten EAJ eta PSE egin ditu Ainhoa Intxaurrandietak. Kobertura kontratu hauek ordaintzen segitzeko agindu du mozioan aipatu epaiak. Epaia errekurritzeko erabakia hartu du Gipuzkoako Hondakinen Kotsortzioko batzarrak Bildu, PSE eta PPren aldeko botoekin eta EAJren abstentzioarekin.

Mikel Antxon Arrizabalagak dio dirua gastatu dela eta ez dela azpiegitura bakar bat ere egin. Gipuzkoako Batzar Nagusiak onartutako hondakin plana ez betetzea eta ez aldatzea leporatu dio Bilduri.

Ainhoa Intxaurrandietak dio Bilduren proposamena gauzatzeko ez dela beharrezko Batzar Nagusietan ezer onartzea, indarrean dagoen Arau Foralean aurreikusten delako tratamentu mekaniko biologikoko planta eraikitzea. Dio Bilduren proiektua askoz merkeagoa dela lehen aurreikusitakoa baino. Aurreko proiektuari aurre egiteko gaur eguneko tarifa bikoiztu edo hirukoiztu beharko zela dio Intxaurrandietak.

Mozioa ez da onartu, alde 4 boto izan ditu (3 EAJ-PNV udal taldea eta 1 Eusko Sozialistak-Socialistas Vascos) eta kontrako 7 boto (BILDU udal taldea).

11. EAJ-PNV udal taldeak aurkeztutako erakunde adierazpena, emakumearen nazioarteko egunaren ingurukoa (2015ALO50008).

Kepa Garbizu (EAJ-PNV) zinegotziak irakurri du erakunde adierazpen proposamena. Honela dio:

“1975ean NBEak martxoaren 8a emakumeen nazioarteko egun izendatu zuen, eta egun hori baliatuz aldarrikatzen dugu emakume eta gizonen berdintasuna giza eskubide ez ezik funtsezko beharrezko faktorea dela Euskal Herriaren Biza garapenerako, garapenerako, garapen sozialerako eta ekonomikoarentzako.

Abagune ezin hobea dugu munduko emakume guztiei gorazarre egiteko; batzuetan bizitzak arriskuan jarriz ere haien eskubideak lortu eta defendatzeko borrokan aritu diren eta dabiltzan emakume guztiei. Egokiera ona da, baita ere, berdintasuna zer den aitortzeko: kultura eta filosofia bat, gizateria osoarentzat beharrezkoak diren balioetan oinarritzen dena. Berdintasunak pertsona guztien autonomia garatzen laguntzen du, elkartasunean oinarritutako balioak indartzen ditu, parekoen arteko hartu-emanak sustatzen ditu, eta demokrazia hobetzen laguntzen du.

Berdintasuna giza eskubide bat da, pertsona orori atxikitako eskubidea alegia, ezin bortxatuzko eskubidea eta besterenezina. Gizarte bezala, bizitzaren esparru orotan Permatu behar dugu hura betetzea.

Aurten hamar urte bete dira Eusko Legebiltzarrean Emakumeen eta Gizonen Berdintasunerako Legea onartu zenetik. Lege horretatik abiatuta, berdintasunerantz aurreratu den guztia goraipatzen dugu, eta orain ere aurreratzen ari garena, esaterako ziur asko onartuko den berdintasunerako foru-araua. Baina, aldi berean, egiteko asko geratzen zaigula aitortu behar dugu eta aitortu nahi dugu.

Hausnarketa eta balantzea egiteko abagunea ere bada, emakumeok orain arte lortutako askatasun eta eskubideak galtzen ari garelako. Krisiaren aitzakian, lan-baldintzak okertzen ari dira orokorrean eta are gehiago emakumeentzat. Bestalde, oraindik ere etxeko lanak eta zaintza-lanak emakumeei egokitzen jarraitzen dute hein handi batean.

Gizarte publikoari dei egiteko eguna ere badugu, aldarrikatzeko eguna, zeren eta aurrerabideak lortu baditugu ere, oraindik luzea da emakumeen eta gizonen artean berdintasuna lortzeko bidea, eta horiemakumeen borrokaren eskutik eta borroka feministaren eskutik etorriko da. Berdintasun benetakoa lortzea erronka da oraindik ere. Lan merkatuan emakumeek gizonek baino %36,2 gutxiago kobratzen dute batez besteko lan berdinagatik, eta lanaldi partzialetan dauden langileen %80,9 emakumeak dira.

Horretarako, eraldaketa sozialerako baloreen aldaketa bat behar beharrezkoa da lehenbailehen, emakumeen lan-bazterkeria betirako amaitzeko, lan-bazterkeria horrek dakarren arraila sozial eta ekonomikoa desagertzeko, ekoizpen-lanaren eta ugalketa-lanaren banaketa ezberdinari bukaera emateko, eta emakumeen aurkako indarkeria matxista amaitzeko. Hori da emakumeen eta gizonen ezberdintasunaren ondorio gogor eta ankerrena. Badakigu zeregin zaila dugula. Horregatik eskatzen diogu gizartea osatzen dugun pertsona bakoitzari, eguneroko bizitzan bere erabakiekin eta bere jokabideekin berdintasuna eraikitzeko. Guztion zeregina da hainbeste nahi eta behar dugun berdintasuna eraikitzea.

Baina, horrez gain, batez ere konpromisoa hartzeko eguna da. Horregatik, gure ustea berretsi nahi dugu: irmoki jarraitu behar dugu ekintzak bultzatzen, emakumeen eta gizonen artean berdintasun benetakoa eta eraginkorra lortzeko behar diren beste ekintza bultzatzen, horrela lagunduko baitugu gizarte solidario eta justuago bat eraikitzen, bizitza ekonomiaren erdigunean jarriko duena, eta ez alderantziz.

Guztiontzat eskubide berberak lortzeko bidean aurrera egiteko, beharrezkoa da elkarlana, etenik gabe elkarrekin lan egitea gizarteak, emakumeek eta gizonek, gizarte zibilak, eragile sozialek, sindikatuek, alderdi politikoek eta botere publikoek. Horregatik nahi genuke adierazpen hau planteamendu ideologikoetatik harago joatea, inguruabar sozial eta ekonomikoetatik harago, baita une jakin batetik harago ere, hots, martxotik harago. Izan bedi borroka irmoa' eta iraunkorra, izan bedi gure ekintzen ardatza urteko egun guztietan. Justizia sozialak hala eskatzen duelako, eta nahitaezkoa delako gizarte osoarentzat.

Berdintasunak gizarte bezala aurrera joaten laguntzen digu, pertsonen autonomía eta duintasuna hobetzen laguntzen du, errespetua sustatzen du, eta demokrazian zein justizian sakonarazten digu. Horregatik guztiagatik, 2015eko martxoak 8 dituen honetan, emakumearen nazioarteko eguna izanda, emakume eta gizonen benetako berdintasun eraginkorra lortzeko urrats sendoak ematen jarraitzeko borondatea berresten dugu.

Lezoko Udalak emakumeen elkarteen mugimenduak, emakumeen eskubideen aldeko borroka zein borroka feminista indartzeko eta parekidetasunaren eta berdintasunaren aldeko mugimendu oro indartzeko konpromisoa adierazten du, eta herritarrei dei egiten diete emakumeen nazioarteko egunaren inguruan antolatuta dauden ekitaldietan parte har dezaten.

Alkateak dio erabat ados dagoela proposatutako adierazpenarekin. Gogoratu du Lezoko Udala lanean ari dela berdintasun plana errebisatuz eta lantalde interesgarriak osatzen.

Erakunde adierazpena aho batez onartu da aldeko 11 botoekin (7 BILDU udal taldea, 3 EAJ-PNV udal taldea eta 1 Eusko Sozialistak-Socialistas Vascos

12. Alkatearen, Organo Kolegiatuetako udal-ordezkarien eta Delegatuen txostenak

Alkateak dio energia gastuetan aurrezteko asmoz argiteri publikoaren kontsumoak neurtzen ari direla kanpoko enpresa espezializatu batekin.

Alkateak esan du hilabete bukaeran ez ohiko bilkura deituko dela udal eta foru hauteskundeetan hautes mahaietan arituko diren kideen izendapena zozketa bidez egiteko.

Mikel Arrutik dio otsailean ospatu ziren Inauteriak normaltasun osoz joan zirela.

Lesoinu hasi dela komentatu du. Herriko 9 elkarteekin euskararen erabilera sustatzeko hitzarmenak sinatuko direla.

3. Galde-eskeak.

Kepa Garbizuk (EAJ-PNV) galdetzen du “2013 Santakrutzen” gastuen eta Urzainkirekin egina dagoen Hitzarmenaren kopia bat noizko izango duen.

Xubero Ubillos agurtu egin ditu gainontzeko zinegotziak legealdi honetako azken ohiko pleno honetan.

Aktaren amaiera.

Beste aztergairik geratzen ez denez, alkate-lehendakariak 20:25ean eman dio buru bilkurari. Eta nik, idazkari naizen aldetik, akta 1105730tik 1105743ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.