Lezoko Baratza Parkea

Baratze Parkearen ekimenak norberaren barazkiak era ekologikoan egiteko aukera eskaintzeaz gain, aisialdi aktiborako topagune bihurtzen du parkea, giza talde ezberdinen arteko elkarbizitza eta harremana duten gune berdeak bilakatuz. Bertan belaunaldi ezberdinen arteko trukea emateko aukera dago, txiki zein helduen artean, naturarekiko errespetua sustatuz.

Gipuzkoan, Baratza Parkea Sarea martxan jarri du Kutxa Ekoguneak, elikadura eta ohitura osasuntsuak sustatzeko asmoz. Hainbat herritan baratzak martxan jarri ahala, Gipuzkoako Baratze Parkeko Sarea gauzatzen ari da, eta Lezoko Baratza Parkea izan da horietan lehena. Sarearen bitartez, informazioa eta aholkularitza zerbitzua eskaintzen da, erabiltzaileen zalantzei erantzuteko, informazioa trukatzeko edota ekitaldiak antolatzeko.

Herri-baratzeak Lezon

Lezoko herri-baratzeak Udalak sustatutako proiektua da, Ekogunearen laguntzarekin martxan jarri dena eta Gipuzkoako Baratza Parkeko Sarearen barne dagoena.

Non daude?

San Pedro auzoaren atzealdean dagoen lursailean kokatu dira baratzak, Olatzar errekaren ezkerreko aldean. Baratzeetara sarrera errekaren bestaldean dagoen parketik egokitu da, egurrezko zubi bat zeharkatuz.

Baratza eremuko ezaugarri nagusienak:

- 60 m2 inguruko 64 baratza

- Etxola bat (64m2-koa, lehendik zegoen 25 m2 inguruko etxola zaharra berrituz sortu da). Bertan lanabesentzako gela bat egokitu da eta aldagela misto bat erabiltzaile bakoitzarentzako takilarekin. Etxolaren inguruan oharren taula, zurkaitzentzako biltegia eta barazki zein lanabesak garbitzeko mangerak ditu atonduak.

- Lau uraska

- Hiru konpostatze-gune

Bestetik, baratza eremu bakoitzera iristeko 2m zabaleko hiru bide nagusi abiatzen dira etxola ingurutik eta tarteka 1.6m zabaleko bideak ditu. Eremuko Olatzar errekako berreskurapen lanetatik panpano (platanus x hispanica) zuhaitzak eraistearen ondorioz sorturiko egurra lur sailak mugatzeko zintarriak sortzeko erabili dira.

Nola funtzionatzen du baratza parkeak?

Udalak, dekretu bidez, esleitzen dio baratzezain bakoitzari egokitu zaion partzela. Erabiltzaile bakoitzak urtero kuota bat ordaindu behar du, baita hasieran fidantza jarri ere.

Baratzezain guztiak "Lezoko Baratze Parkeko erabiltzaileen elkartea (LEBAPE)"ren baitan daude antolatuak, eta elkarte horren esku gelditzen da, besteak beste, baratzean lan egiteko beharrezko lanabesen hornikuntza (Udalak hasieran jarritakoak ordezkatu) eta lanabesen etxolaren garbiketa eta antolaketa. Horretaz gain, elkartearen helburua da baratzezain taldea dinamizatzea, eta proiektua bizirik mantentzea.

Baratzaren lanketa era ekologikoan egin behar da. Hori eta proiektuaren funtzionamenduaren beste hainbat gai “Lezoko Baratze Ekologikoen esleipen eta kudeaketarako Araudia”n jasotzen dira. 

Baratza parkearen araudia betetzen dela ziurtatzeko eta baratzezainek dituzten zalantzak argitzeko, Ekoguneak jarraipen eta ikuskaritza lanak egiten ditu, horretarako bisita egutegi bat finkatu delarik. Horretaz gain, Ekoguneak ikastaroak eta ekintzak antolatzen ditu FURGOBARATZA zerbitzuaren bidez (egutegia eta zerbitzuak). 

Nola parte hartu?

Baratza bat erabili ahal izateko interesatuak eskaera aurkeztu behar du Lezoko Udaletxeko erregistroan, horretarako prestatu den eskaera orria betez, eta bertan jasotzen diren balditzak kontuan hartuta.

Auzolana eta herritarren partehartzea

Baratza parkearen proiektuaren helburuetako bat herritarren elkarlana bultzatzea da, eta baratzeen eremua herritar guztien elkargune bilakatzea, baratzezain izan edo ez izan.

Horretarako, auzolan egunak, azokak edota beste hainbat ekitaldi antolatzen dira baratzeen inguruan.

 

Informazio interesagarria:

- Baratzeen araudia

- Furgobaratza

- Partzelen planoa

        - Argazkiak

 

Lan-Eskaintzak

Ez dago emaitzarik

Faktura Elektronikoa

NireOrdainketa

Administrazioarekiko ordainketak Internet bidez egiteko zerbitzua:
NireOrdainketa logoa

Diru laguntzak

Kontsultatu hemen diru laguntzak

Udal tramiteak

  • Udalak herritar guztien eskura jarri du atari hau, kontsulta eta eragiketa pertsonalak udaletxera joan gabe egin ahal izateko.
    Gehiago irakurri

Eskaera orria


  • Eskeraren bat egin nahi izanez gero, etxean bertan bete dezakezu dokumentua eta ondoren udaletxera eraman.
    Eskaera orria deskargatu

Eskakizunak eta Iradokizunak

Theme by Danetsoft and Danang Probo Sayekti inspired by Maksimer