- AKTAREN ONARPENA
- Egoki irudituz gero, 2002ko irailaren 26an egindako bilkurako akta onartzea.
- ALKATETZA
- Alkatearen erabakien eta adierazpenen berri ematea.
- EUSKARA-KULTURA
- Aiton Bordako tabernaren ustiapena egiteko luzapena onartzea, Meltxor Vilari.
- Alkatearen proposamena: ?Lezo Bihar? hausnarketa eta plangintza estrategikorako aholkularitza teknikoa.
- GALDE ESKEAK
- Aktaren bukaera.
Lezon, 2002ko urriaren 17an, goizeko 10:30 orduetan hasi du Gobernu Batzordeak BILKURA OHIKOA Gobernu Batzordearen Gelan lehen deialdian Aitor Sarasola Salaberria alkatearen lehendakaritzapean eta Mikel Mitxelena Iza eta Inmaculada Muñoz Martinez zinegotziak bertan direlarik.
Idazkari gisa Xabier Loiola Aristi aritu da.
1.- Egoki irudituz gero, 2002ko irailaren 26an egindako bilkurako akta onartzea.
2002ko irailaren 26an egindako bilkurako akta aho batez onartu da.
2.- Alkatearen erabakien eta adierazpenen berri ematea.
Ez da ezeren berri eman.
3.- Hainbat dirulaguntza ematea:
Hezkuntza, Euskara eta Kultura batzordeko lehendakariak egindako proposamenak aztertu ondoren, Gobernu Batzordeak honako dirulaguntza hauek ematea erabaki du:
BAT: UEUri 601 euro zuzentzea (AD-873) 2002 urteko dirulaguntza gisa.
BI: Euskararen Gizarte Erakundeen Kontseiluari 2002 urteko subentzioaren 2. zatia zuzentzea, guztira 300,51 euro(AD-874).
HIRU: Ixkulin Elkarteari 2.358,07euro zuzentzea (AD-788) aurtengo jaietako Marmitako txapelketa eta herri bazkaria antolatzeagatik.
LAU: Ixkulin Elkarteari 463,94 euro zuzentzea (AD-872) aurtengo jaietan ganadu feriaren 25. urteurrena ospatzen zela eta banatutako oroigarri plakengatik.
Aurrez urgentziazkotzat jo ondoren, aho batez onartu da honako gai hauek lantzea:
URGENTZIAZ4.- Aiton Bordako tabernaren ustiapena egiteko luzapena onartzea, Meltxor Vilari.
Aiton Bordako taberna ustiatzeko Meltxor Vilak egindako luzapen eskaera ikusi ondoren, eta orain arte indarrean zegoen kontratua 2002ko irailaren 8an amaitu zitzaiola ikusirik, Gizarte Ongizateko delegatuak hala proposatuta, Gobernu Batzordeak ondorengo erabakia hartu du:
BAT: Beste urtebeterako esleitzea Aiton Bordako taberna Meltxor Vila Martiarenari; 2002ko irailaren 9tik 2003ko irailaren 8ra arte, oraingo kontratuaren baldintzekin.
BI: Tabernako garbiketa egiteko hilero ordaintzen zaion kopuruari 2001eko KPI aplikatzea, pasa den irailak 9tik aurrera, hilean 601,53 euro, (AD-242).
5.- Alkatearen proposamena: ?Lezo Bihar? hausnarketa eta plangintza estrategikorako aholkularitza teknikoa.
Alkateak 206. Dekretuaren berri eman du. Haren bidez Ikertalde Grupo Consultor, S.A.ri esleitu dio ?Lezo Bihar? hausnarketa eta plangintza estrategikorako aholkularitza teknikoa, irailaren 26an onartutako baldintza administratibo eta teknikoen arabera eta aurkeztutako eskaintzaren arabera. Lanaren prezioa 29.997,60 eurotakoa da, B.E.Z. barne, (AD-885) eta lanak burutzeko epea 7 hilabetekoa.
Idazkariak ohartarazi du eskaintzak ez duela baldintza orrian eskatutakoa betetzen.
Batzordekideek berrestu egin dute dekretua.
Ez dira izan.
Alkate-lehendakariak, aztertzeko ziren gai guztiak aztertu ondoren, 10:40 orduetan eman dio buru bilkurari. Idazkari naizen aldetik, akta 309.742etik 309.743ra zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.