Lezon, 2003ko azaroaren 24an, goizeko 9:05etan hasi du Gobernu Batzordeak BILKURA OHIKOA Gobernu Batzordearen Gelan lehen deialdian Kepa Garbizu Azkue alkatearen lehendakaritzapean eta Iñake Urrestarazu Azurmendi, Jesús Mª Martiarena Jaca, Aroia Goienetxea Egibar eta Aitor Ocerin Ibañez zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA
1.- Egoki irudituz gero, 2003ko azaroaren 6an egindako bilkurako akta onartzea.
2003ko azaroaren 6an egindako bilkurako akta aho batez onartu da.
ALKATETZA ETA ORDEZKARIAK
2.- Alkatearen erabakien kontu ematea
Alkateak, azken Gobernu Batzordea ezkero diktaturiko dekretuen berri eman du.
3.- Kontratazio prozeduren onarpen proposamena.
Udalaren kontratazio administratiboen prozedura hobetzeari beharrezko iritzita, joan den otsailaren 19ko alkate dekretuz Z&B Auditores, Consultores de Entidades Públicas, S.L. enpresari eman zitzaion kontratazio prozeduraren definizio eta hobekuntza proiektua gauzatzeko lana.
Lan hori udaleko idazkari, kontuhartzaile, Hirigintza, Obra eta Zerbitzuetako arduradun eta aparejadore-zerbitzuburuaren laguntza eta adostasunarekin burutu da.
Lanen emaitza bost prozeduraren normalizazioa izan da: 01 kontratu txikien prozedura; 02 prozedura negoziatu bidezko kontratua; 03 lehiaketa irekiko prozedura bidez kontratatzekoa; 04 obren kudeaketan sartzen diren jarduerak definitzea eta 05 zenbateko txikiko erosketak burutzeko behar diren jardueren definizioa.
Landu diren eta lanetan partaide izandako udal teknikarien on iritzia duten prozeduren kopiak banatu eta azaldu ditu udal idazkariak.
Horren guztiaren ondoren alkateak proposatuta Gobernu Batzordeak ondorengo erabaki hau hartu du:
BAT: Onartzea aipatu bost prozedurak.
BI: Udal departamentuetako arduradun tekniko eta politikoei prozedura horiek betetzeko agintzea..
Alkateak esan du, prozedura hauek azaldu asmoz departamentuetako arduradun politiko eta teknikoekin bilera egingo dela.
HIRIGINTZA ETA ZERBITZUAK
4.- Eskola Garraio zerbitzuaren kontratazio espedienteari hasiera emateko proposamena.
Lezoko Udalak Eskola garraio zerbitzua esleitua dauka 2003ko abenduaren 31arte, data horretan amaitzen baita indarrean dagoen kontratua.
Eskola garraioa Udalak eskaini nahi duen zerbitzua denez, 2003ko urtarrilaren 6rako zerbitzua aurrera eramango duen esleipenduna hautatua behar du egon, Udalak berak zuzenean zerbitzu hau eskaintzeko baliabideak ez baititu.
Horrek berak arrazoitzen du espedientea premiazkotzat jotzea, horrela besteak beste argitaratze epeak erdira murrizten baitira, eta esleipendunak Eskola garraio zerbitzuari ekin diezaioke kontratua formalizatu gabe.
Administrazio Publikoen Kontratu Legearen Testu Bateratuko 67. eta hurrengo artikuluetan jasotakoaren arabera, baita 154 eta hurrengoetakoen arabera, Gobernu Batzordeak ondorengo erabaki hau hartu du:
BAT: Eskola garraio zerbitzua kontratatzeko espedientearen hasiera onartzea, esleitze prozedura irekitzea eta premiazkoa deklaratzea.
Bi: Eskola garraio zerbitzua kontratatzeko prozedura irekia eta lehiaketa modua erabiltzea onartzea.
HIRU: Espedientean jasota dagoen baldintza plegua onartzea.
LAU: Gipuzkoako Aldizkari Ofizialean iragarkia argitaratzea interesdun orok, iragarkia argitaratu eta hurrengo egunetik hasita 8 egunetako epean proposamenak aurkez ditzan Lezoko Udaleko informazio bulegoan.
BOST: El Diario Vasco, Berria, Gara eta Hitza egunkarietan iragarkiak argitaratuko dira.
5.- Gaxparrenea etxea birgaitzeko ukatutako obra lizentziari buruzko errekurtsoari erantzuna.
Gobernu Batzordeak, 2003ko irailaren 11ko bilkuran, 16. Puntuan ukatu egin zuen Iñigo Azkue Goyak aurkeztutako obra-lizentziaren eskaera, Gaxparrenea (Gaintza kalea) etxea birgaitzeko.
Interesatuak, 2003ko irailaren 30eko dataz, berraztertze errekurtsoa aurkeztu zuen.
Arkitekto aholkulariak txostena hau eman du:
"Gobernu Batzordeak, 2003ko irailaren 11ko ebazpenez, 16. puntuan ukatu egiten du Iñigo Azkue Goyak aurkeztutako obra-lizentziaren eskaera, Gaxparrenea (Gaintza kalea) etxea birgaitzeko, udal informe teknikoan oin hartuz, Proiektuan ondorengo aldaketa hauek egin behar izanik:
1.- Gaur egungo teilatuaren profila ezin izango da aldatu, eta beraz baztertu egin beharko da aurreikusitako terraza.
2.- Lehen (bigarrena esan behar du) oinaren altura librea gutxienez 2,60 m beharko da izan, eta beraz teilatupearen altura 1º zentimetro murriztuko da.
3.- Teilatupean geratzen den espazioaren erabilera (Zehazpen Azterketaren behin betiko onarpenaren arabera) trastelekutarako izango da, bigarren oinari atxikirik, etxebizitzatarako ezin izango delarik erabili, eta beraz, bainugela eta terraza kendu egin beharko dira..
4.- Donibane kalerako hegalen luzerak egokitu egin beharko zaizkio fitxa urbanistikoan ametitzen den gehienekoari, fatxadaren guztirako luzeraren heren bat..
5.- Aipaturiko xehapenetan memoria aldatu egin beharko da.
Hori ikusita, Proiektua idatzi duten teknikariei iruditzen zaie, zenbait puntutan ez dela izan interpretazio zuzena eta beraz:
1.- Iruditzen zaie ezen, Ordenantzetako 47. Artikuluak ez duela eragozten terraza jartzea, planteatutako teilatua bi uretara delako teilatuaren profilaz kanpo ateratzen ez delako.
2.- Iruditzen zaie posible dela terraza eta bainugela mantentzea zeren, horiekin ahitu egiten baita etxe horretarako aurreikusitako gehieneko aprobetxamendua.
3.- Esekitokiari dagokion hegal-tartea kentzea proposatzen dute.
Gutxieneko altura libreari dagokionez, ez da ezer aipatzen eta, beraz, baldintza hori onartu egin dela ulertzen da.
KONTSIDEROAK
Teilatuak hirigune zaharreko ordenantzetara egokitzeari dagokionez seinala daiteke, horiek bertako 47. Artikuluan hau esaten dutela:
1.- Teilatuaren tipologia
Teilatu-tipologia lehendik dauden eraikinenetara egokitu da, etxebizitzatarako eraikinen kasuan, etxe-sailen erremateak salbu, horietan nahi bada hiru uretako teilatu-tipologia erabili ahal izango baita.
?
3.- Teilatu-profiletik gorako elementuak.
Definitutako profiletik gora, teilatu-leihoak bakarrik ametituko dira, teilatuarekin paraleloan eta 30 zentimetro baino gehiago altxatu gabe, eta tximiniak
Tximiniak gutxienez 3 metro erretiratuko dira fatxada-lerrotik.
Alabaina, gaur egun dauden txapitula-elementuan finkaturik geratuko dira.
Araudi-marko honekin, proiektuan jasotako proposamena ordenantzako 3. Puntuaren kontra ez doala egia izan arren, fatxadako planotik kanpo ateratzen ez delako, halaber egia da, ikuspuntu tipologikotik (1. puntua), teilatua erabakitzeko modu horrek, terrazatarako zulo bat irekitzen duenez, zerikusi handirik ez daukala lehen dagoenarekin edota inguruko besteekin.
Teilatupeko oina, osorik nahiz parte batean, etxebizitzatarako erabiltzeari dagokionez, UAD 5.2 arautzen duen Arau Ordezkatzaileen Aldaketak, bere 3.2 atalean, "Erabilpenak", espreski seinalatzen du teilatupeko espazioa etxebizitzatarako izango dela. Horren ildotik iruditzen zait, udak informea, aipatzen den Zehazpen Azterketari dagokiona, etxearen gainerakoan etxebizitza-erabilpenetarako xedaturiko azalera ahitzen denetik aurrera oin horretan trastelekutarako izan behar dela dioena, Arauaren kontra doala zeren, hartan aurreikusitako erabilpena aldatu egiten baitu, hain zuzen, esan den bezala, etxebizitzatarako izatea behartzen baitu.
Bestalde, iruditzen zait, Arauan egiten den azalera eraikigarriaren mugaketa, 320,37 m2 eraikitara, okerra dela zeren, eraikinaren baldintza geometrikoetatik ateratzen denez, horrek handiagoa izan behar baitu. Horrela, okupatutako gehieneko azalera 106,79 m2 aurreikusten badu BO + 2P + TP eran osaturiko profilarekin, hau da, lau oin eraikiak, ateratzen da ezen, eraikitako gehieneko azalera 106,79 m2/oineko bider 4 oin = 427,16 m2.
Beraz, nire iritzirako, proiektuak errespetatzen ditu eraikinaren profila eta forma geometrikoa eta, horren ondorioz, horretatik ateratzen diren aprobetxamenduak ere;
argi dago teilatupea nahitaez etxebizitza-erabilpenetara xedatu behar dela eta ez beste ezertara; eta Zehazpen Azterketaren txostena Arau Ordezkatzaileetako ebazpen bat aldatzen ari da, baina hori haien Aldaketa baten bidez bakarrik egin daiteke.
Esekitokiari dagokion hegal-tartea kentzeko proposamenari dagokionez, errekurtsoan planteaturiko proposamena onargarritzat jotzen da.
ONDORIOAK
Goian argudiatua ikusita, hau iruditzen zait:
- Aurreikusitako terraza kendu egin beharko da.
- Teilatupeko oina etxebizitzatarako xedatu beharko da.
- Esekitokiari dagokion hegal-tartea kentzea onartzen da.
Obragintza proiektua azken baldintza horietara egokitu beharko da".
Hori dela eta, Hirigintza, Obra eta Zerbitzuetako Zinegotzi Delegatuak proposatuta Gobernu Batzordeak ondorengo erabaki hau hartu du:
BAT: Aurkeztutako errekurtsoa parte batean onartzea, esekitokiari dagokion hegal-tartea kentzea ametituz.
BI: Errekurtsoa ez onartzea terraza eraikitzeari dagokionez.
HIRU: Teilatupeko oina etxebizitza-erabilpenetara xedatu beharko da.
LAU: Obragintza Proiektua azken baldintza horietara egokitu beharko da.
BOST: Erabakia jakinaraztea interesatuari tarteratu ahal duen errekurtsoa aipatuz.
6.- Obra baimena Efectos Navales Pasai, S.A.ri Txatxamendi kaleko 45-47 zenbakietan (Ipintza industrialdea) dagoen pabilioia antolatzeko.
Alvaro Acuña Muñozek eskaturik, Efectos Navales Pasai, S.A. enpresaren ordezkaritzan, tramitatzen ari den jarduera espedientea azterturik, eta udal teknikariaren txostena ikusi ondoren, Hirigintza, Obra eta Zerbitzuetako Zinegotzi Delegatuak proposatuta Gobernu Batzordeak ondorengo erabaki hau hartu du:
BAT: Alvaro Acuña Muñozek Efectos Navales Pasai, S.A.-ren izenean aurkeztutako espedienteari oniritzia ematea, Txatxamendi kaleko 45.-47. zenbakietan (Ipintza Industrialdean) dagoen pabilioia burdindegi industrial gisa antolatzeko, bertan industriarekin lotutako molde orotako hornigaiak bildu eta saltzeko, betiere, baldintza gisa, Eusko Jaurlaritzako Osasun Sailak eta Lurralde Antolamendu, Etxebizitza eta Ingurugiro Sailak ezarritako neurri zuzentzaileak betetzekotan, horiek honekin batera igorri zaizkiolarik.
BI: Lanak bukatu ondoren, jarduerari dagokion lizentzia eskatu behar du eta, horrekin batera, lanek Eusko jaurlaritzako Osasun Sailak eta Lurralde Antolamendu, Etxebizitza eta Ingurumen Sailak ezarritako neurri zuzentzaileak betetzen dituztela adierazten duen ziurtagiri tekniko bisatua aurkeztu beharko da.
Era berean, instalazio elektrikoaren Lotura Buletina aurkeztu behar du.
HIRU: Eraikuntzaren gaineko zerga 68,45 euro da.
KULTURA
7.- Ludoteka zerbitzua kontratatzeko espedientea hastea.
Lezoko Udalak ludoteka zerbitzua esleitua dauka 2003ko abenduaren 31arte, data horretan amaitzen baita indarrean dagoen kontratua.
Ludoteka zerbitzuarekin jarraitu ahal izateko eta gabon opor buelta ostean zerbitzua martxan eduki nahi denez, 2004ko urtarrilaren 6rako zerbitzua aurrera eramango duen esleipenduna hautatua behar du egon, Udalak berak zuzenean zerbitzu hau eskaintzeko baliabideak ez baititu.
Horrek berak arrazoitzen du espedientea premiazkotzat jotzea, horrela besteak beste argitaratze epeak erdira murrizten baitira, eta esleipendunak ludoteka zerbitzuari ekin diezaioke kontratua formalizatu gabe.
Administrazio Publikoen Kontratu Legearen Testu Bateratuko 67. eta hurrengo artikuluetan jasotakoaren arabera, baita 154 eta hurrengoetakoen arabera, alkateak proposaturik Gobernu Batzordeak ondorengo erabaki hau hartu du:
BAT: Ludoteka zerbitzua kontratatzeko espedientearen hasiera onartzea, esleitze prozedura irekitzea eta premiazkoa deklaratzea.
Bi: Ludoteka zerbitzua kontratatzeko prozedura irekia eta lehiaketa modua erabiltzea onartzea.
HIRU: Espedientean jasota dagoen baldintza plegua onartzea.
LAU: Gipuzkoako Aldizkari Ofizialean iragarkia argitaratzea interesdun orok, iragarkia argitaratu eta hurrengo egunetik hasita 8 egunetako epean proposamenak aurkez ditzan Lezoko Udaleko informazio bulegoan.
BOST: El Diario Vasco, Berria, Gara eta Hitza egunkarietan iragarkiak argitaratuko dira.
Galde eskeak
Ez da izan. Argitu da, ordea, datorren ohiko bilera, abenduaren 8an beharko zuena, jai eguna denez abenduaren 9an egingo dela.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 10:30 orduetan eman dio buru bilkurari. Idazkari naizen aldetik, akta 309. .etik 309. .era zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.