Lezoko Udaletxeko Biltzar Areto Nagusian, 2003ko urriaren 1ean, 8:30 orduetan, eratu da OSOKO UDALBATZA, OHIKOA egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusin (PSE taldea), Jesus Maria Martiarena Jaka (EAJ taldea), Aroia Goienetxea Egibar (EAJ taldea), Aitor Ocerin Ibañez (EA taldea), Aitor Mimendia Artuzamonoa (EAJ taldea) Enrique Figueroa Laboa (EAJ taldea), Isabel Lopez Aulestia (IU-EB taldea) eta Maria Luz Anglada Gonzalez (PP taldea) .
Ez da bilkurara etorri: Ainhoa Villanua Ayuela (PSE taldea),
Bertan da eta egintzaren fede eman du udal idazkari Pedro Etxarri Ollokiegik.
Patxi Apalategi Mendizabal aritu da itzultzaile lanetan.
1.- Egoki irudituz gero, ondorengo osoko bilkura hauetako aktak onartzea: ekainaren 14koa, uztailaren 8koa, uztailaren 14koa, uztailaren 30ekoa (ezohikoa) eta uztailaren 30ekoa (ezohikoa eta premiazkoa).
Alkateak proposatu du akta guztiak mahai gainean uztea, uztailaren 30eko ezohiko premiazkoa salbu, legezko ordezkaritzarik gabe Udalbatzaren Bilkura Aretoko aulkietan eseri ziren pertsonen izenak jaso ez direlako.
Uztailaren 30eko aktaren (ezohiko eta premiazkoaren) onarpena bozkatu da eta aho batez onartu da ondorengo zuzenketa honekin:
"Aktako 2. Puntuan, Agustina Lizarazu 1 esan ordez Agustina Lizarazu 5 esan behar da" .
2.- Ezker Batua-Izquierda Unidak aurkeztutako mozioa, Irakeko operazio militarretan Espainiako Gobernuaren partehartzea salatzeko.
Isabel López Aulestiak Ezker Batua-Izquierda Unidaren zinegotziak aurkeztu du mozioa. Honela dio mozioak hitzez hitz :
"Zer gertatu da Iraken 2003ko matxoan herrialdea inbaditu zutenetik? Ba al da suntsipen masiborako armen arrastorik? Sadam Hussein atzematea lortu al dute? Zer espainiar enpresak atera dituzte etekinak Irakeko berreraikitze prozesutik? Galdera hauen erantzunek, banan-banan, herrialde burujabe bat okupatuz gerraren hasiera zuritu zuten guztien amarruak utzi ditu agerian. Operazio militar hura egiteko egiazko arrazoiak beste batzuk dira oraindik ere.
Petrolio erreserbetan munduko herrialde aberatsenetakoaren inbasioa hasi eta sei hilabete geroago, suntsipen masiborako armak ez dira oraindik agertu. Ez dago haien arrasto txikienik ere. Auzi eztabaidagarriaren froga bakarra Erresuma Batuan bilatu behar da. Ingeles zientzialari eta ikertzaile David Kellyren suizidioak mahai gainean jarri du eta ageria utzi du Azoreetako taldeak (Bush, Blair eta Aznar) antolatu zuen azpikeria irakiar erregimenaren aurkako erasoa zuritzeko. Kellyk, datuekin, arma haien mehatxua minimizatu zuen eta BBCri bere frogak filtratu ondoren, eraso kanpaina basati bat sufritu behar izan zuen, bere buruaz beste egiteraino. Gaur egun, Tony Blairrek arriskutan du Gobernuaren buruzagitza eta bere aholkulari nagusi Alastiar Campbellek dimisioa aurkeztu du. Espainian, berriz, Jose Maria Aznarrek bere ondorengoaren izendapena aurreratu du eta Raxoi garbi utzi du etorkizunean Moncloara iristeko izan zitzakeen edozein gertakariren oztopoetatik.
Suntsipen masiborako armak zeudela zioen gezur biribilari Sadam Hussein atzemateko ezintasuna gaineratu behar zaio. Sadamen jarraitzaileen aurkako operazio militarrek hamarnaka hildako eta zauritu besterik ez du utzi. Iraken bizi duten kaosa nabaria da, eta estatubatuar eta britainiar soldaduei egiten dizkieten erasoei, herrialde baten funtzionamendurako oinarrizkoak diren azpiegituren aurkako sabotajeak erantsi behar zaizkie. Han gertatzen denari nahasmendu handiagoa gaineratzeko, Mohamed Hakim aiatolah xiitaren hilketa aipatu beharra dago, komunitate xiitaren eta sunitaren arteko gatazka erlijioso-zibilaren jokaleku aurresangarria zabaltzen baitu.
Estatu Batuak, Britainia Handia eta Espainia arriskurik gabeko okupazio bat imajinatzeko gai besterik ez ziren izan, tiranoaz libro ziren herritarrak, pozarren, kalera irtengo zirela europarrek aliatuak askatu zituztenean egin zuten keinua errepikatzeko asmotan. Gerra zuritzeko gezurra esateaz gainera, Bushek, Blairrek eta Aznarrek erakutsi dute ez dutela inondik inora ere ezagutzen Iraken bizi duten errealitatea. Eguneroko bizimodua arras desberdina da, eta berez ezegonkorra eta interes askoren mende dagoen eskualde bat vietnamizatzeko arrisku larria dago.
Gerra zuritu nahi izan zuten Sadamen diktadura abata prestuagoekin bukatzeko. Justizia egin nahi zuten. Helburu goresgarri horrek talka egiten du egungo eta iraganeko errealitatearekin. Estatu Batuek, 70eko hamarkadan Latinoamerikan esku-hartzea erabaki zuten eta, besteak beste, Guatemala, Txile, Argentina, Bolivia, El Salvador eta Boliviako herritarren giza eskubideei muzin egin zieten. Gaur egun, Washingtongo Administrazioa ez dabil Henry Kissingerren garaikideek egin zutenaren oso atzetik: hortxe ditugu Kubako Guantanamo basean dituzten preso talibanek bizi duten egoera eta Nazioarteko Gorte Penalaren epaiak bultzatu eta betetzeari eman dioten ezezko biribila. Aznarren Espainian, adibidea Gobernuan dugu, ez baitu argentinar militarren estradizio eskatu nahi, nahiz eta Baltasar Garzon epaileak haien prozesamendua eta epaiketa eskatu.
Orduan, zergatik jarraitu Iraken aurkako gerra zuritzen giza eskubideen ustezko babesa dela eta?
Arrazoi horiengatik guztiengatik, Ezker Batua-Izquierda Unidako Udal Taldeak Udalbatzarrari ondorengo mozioa aurkezten dio hark onar dezan.
MOZIOA1.- Lezoko udalerriko Udalbatzarrak legez kontrakotzat eta nazioarteko legeriaren aurkakotzat hartzen du Iraken egindako okupazio militarra eta Espainiar Gobernuko Presidenteari zuzentzen zaio gatazka konpontzeko esku-hartze militarra erabaki izanak sortzen dion arbuioa adierazteko, gatazkak, berez, elkarrizketaren bidez eta Nazio Batuetako esparruan negoziatuz konpontzen baitira.
2.- Era berean, Espainiako Estatuko Gobernuko Presidenteari eskatuko dio utz diezaiola modu zuzenean eta zeharkakoan Iraken burutzen diren operazio militarretan parte hartzeari, eta ez dezala baseak edo lurraldea erabiltzeko baimenik eman haiek bultzatzeko, eta aldi berean, eskatuko dio, beharrezko neurriak har ditzala okupazioa behingoz buka dadin.
3.- Azkenik, LEZOko udalerriko Udalbatzarrak Irakeko herritarrei elkartasuna adierazi nahi die eta erabakitzen du datorren udal aurrekontuetatik partida bat bideratuko duela gerraren ondorio lazgarriak arintzen laguntzeko."
Mikel Antton Arrizabalaga Brusinek (PSE) adierazi du, puntuetariko 3.arekin ez datorrela bat.
Puntuetariko 2.ari dagokionez, paragrafo bat gehitzeko eskatu du, bertan esanez "harik eta indarrean dagoen nazioarteko legalitatearen arabera egiten ez diren bitartean".
Lehenengo puntuari dagokionez, ados dela adierazi du.
Maria Luz Anglada Gonzálezek (PP) proposamen alternatiboa irakurri du eta, hitzez hitz, honela dio:
"1.- Nazioarteko legalitatea 1483. Ebazpenetik dator,Nazio Batuetako Segurtasun Kontseiluak 2003ko maiatzaren 22an aho-batez onartu zuen hartatik, haren bidez dei egiten baitzitzaien herrialde kideei, "Irakeko herriari lagun diezaioten beren erakundeak berritzeko lanean, beren herrialdea berreraikitzen eta Iraken egonkortasun eta segurtasun baldintzak izan daitezen beren laguntza emateko".
2.- Egonkortasun eta berreraikuntza lanetan parte hartzen ari diren herrialdeetarik batek berak ere ez dauka potentzia okupatzaileren kondizioa, mozio horretan DEMAGOGIAZ esaten den bezala.
Plus Ultra Brigadari gomendatutako eginkizunak badauka, Nazio Batuen 1483 Ebazpenaren legitimazioa ez ezik, N.B.E.-aren Segurtasun Kontseiluaren onespena ere.
Herrialde horren berreraikuntza material eta politikoa posible izango da, baldin eta Nazioarteko Komunitateak, eta ezin da ahaztu horien artean aurkitzen garela, lortzen badu behar diren segurtasun baldintzak finkatzea, eta ez beste inola.
Ebazpen horrek jasotzen zuen, halaber, Nazio Batuen erabaki finkoa funtsezko papera jokatzeko laguntza humanitarioa ematen, Iraken berreraikuntzan eta herrialdeko eta tokian tokiko erakundeak sortzen eta berrezartzen ordezkapenezko gobernu bat izan dadin?"
Ebazpenak argi eta garbi aurreikusten zuen "beste Estatu batzuen partehartzea Iraken egonkortasun eta berreraikuntza lanetan potentzia okupatzaileren kondizioa eduki gabe eta aipatutako agintearen esparruan jardunez?"
3.- Alderdi Popularrari, Irakeko herritarrekin bere elkartasuna azaltzeari utzi gabe, lehentasunezkoa iruditzen zaio hirugarren munduarentzat xedaturiko partida bat sortzea / hirugarren munduarentzat xedaturiko partida handitzea harik eta hain biziki nahi litzatekeen %0,7 horretara heldu arte.
Atsotitzak dioenez, errazago da auzoaren begian lastoa ikusten, norberarenean habea baino. Izquierda Unida - Ezker Batua humanizatu egiten da Irakeko Herriaren oinaze eta sufrikarioen aurrez aurre, baina gero terroristei babes ematen dietenak sostengatzen eta laguntzen ditu. Orok balio du eta bere aldarrikapenetarako inoren zorigaitzez baliatzen da.
Alderdi Popularraren jarrera betidanik izan da Nazioarteko Ebazpenak zehatz-mehatz betetzea. Alderdi Popularrarentzat gure armadako soldaduak Irakera bidaltzea erabaki koherente eta beharrezkoa da".
P.P.-ren mozio alternatiboa bozkatu da eta atzera bota da zinegotzi guztien kontrako botoekin, Mª Luz Angladaren (P.P.) aldekoa salbu.
Ezker Batuaren mozioa bozkatu da, hartatik, eta zinegotzi aurkezleak berak proposaturik, 3. Puntua kendu ondoren, eta Mikel Arrizabalagak proposaturiko aldaketarekin, behin betiko honela geratuko litzatekeelarik:
1.- LEZOko udalerriko Udalbatzarrak legez kontrakotzat eta nazioarteko legeriaren aurkakotzat hartzen du Iraken egindako okupazio militarra eta Espainiar Gobernuko Presidenteari zuzentzen zaio gatazka konpontzeko esku-hartze militarra erabaki izanak sortzen dion arbuioa adierazteko, gatazkak, berez, elkarrizketaren bidez eta Nazio Batuetako esparruan negoziatuz konpontzen baitira.
2.- Era berean, Espainiako Estatuko Gobernuko Presidenteari eskatuko dio utz diezaiola modu zuzenean eta zeharkakoan Iraken burutzen diren operazio militarretan parte hartzeari, eta ez dezala baseak edo lurraldea erabiltzeko baimenik eman haiek bultzatzeko, eta aldi berean, eskatuko dio, beharrezko neurriak har ditzala okupazioa behingoz buka dadin. "Harik eta indarrean dagoen nazioarteko legalitatearen arabera egiten ez diren bitartean".
Bozketa eginik, mozioa onartu egin da aldeko bederatzi botoz eta kontrako boto batekin, hain zuzen Alderdi Popularraren taldeko zinegotziarena.
3.- Ezker Batua-Izquierda Unidak aurkeztutako mozioa, LOCE delakoak irakaskuntzari ematen dion tratamendua salatzeko.
Isabel López Aulestiak Ezker Batua-Izquierda Unidaren zinegotziak aurkeztu du mozioa. Honela dio mozioak hitzez hitz :
"Konstituzioak, 16 artikuluan, norbanakoen eta komunitateen askatasun ideologikoa, erlijiosoa eta kultu askatasuna aitortzen du, eta aldi berean pribatutasun pertsonala bermatzen du eskubide hau erabiltzeko orduan, ezarri egiten baitu "inor ez dagoela bere ideologiaz, erlijioaz edo sinesteez adierazpena egitera behartuta".
Bestalde, Konstituzioak aitortzen du gainera Estatuaren izaera ez konfesionala zehazten duenean: "ezein konfesiok ez du maila estatala izango". Eta hezkuntzaren arloari dagokionez, hauxe besterik ez du mugatzen: "botere publikoek bermatu egiten dute gurasoek duten eskubidea seme-alabek beren sinesteekin bat egiten duen prestakuntza erlijiosoa eta morala izateko" (27.3 artikulua).
PPren gobernuak, bere Kalitate Legearen eta hura garatzen duten Errege Dekretuen bitartez, agindu konstituzional hori Erlijioa ikasteko betebehar bihurtu dute, Haur Hezkuntzatik hasi eta Batxilergoko azken urteraino (3 urtetatik 18 urte arte), nola bertsio konfesionalean (hau da, katolikoa), hala ustezko bertsio laikoan, nahiz eta hura emateko gure hezkuntza sisteman espezialistarik ez egon.
Hezkuntza komunitateko erakunde garrantzizkoenak (irakasle eta ikasle sindikatuak, guraso elkarteak, berrikuntza pedagogikorako mugimenduak), Parlamentuko alderdi politiko gehiengoekin eta zuzenbide konstituzionaleko aditu ugarirekin batera, beren arbuioa adierazi dute konstituzioaren aurreko garaietara eramaten gaituen neurria ezagutu ondoren. Izan ere, pertsonak bere sinesmen erlijiosoari buruz adierazpena egitera behartzen ditu, erlijioari Estatu konfesional batean duen maila eman baitzaio. Hain zuzen, pertsonek bere sinesmen erlijiosoari buruz adierazpena egitera behartuta dauden bertsio konfesionalaren (katolikoa, de facto) eta bestearen artean aukeratu behar baitute, eta irakasgai gisa inposatzen da gainerakoen maila berarekin, nahiz eta ?hain zuzen ere bertsio konfesionalean? ez bere edukien zehaztapenak, ez irakasleen aukerak ez dituzten gainerako irakasgaiek dituzten baldintzak bete behar. Bata nahiz bestea hezkuntza administraziotik at dauden beste instantzia batzuen mende daude, nahiz eta honek ordaindu behar izan irakaskuntza horretatik eratortzen diren gastu guztiak.
Hezkuntza ministroak eta PPko gobernuak, berriz ere, ez dituzte kontuan hartu Autonomia Erkidegoek, alderdi politikoek, gizarte agenteek eta hezkuntza komunitateak egin dizkieten kritikak, ez eta beste zenbait ordezkarik egin dituztenak ere (katolikoak ez diren konfesio erlijiosoetakoenak barne) eta eragozpenak adierazi dituztenak konfesionala ez den Estatu bateko hezkuntza klerikalizatzeko duten asmoa ikusita. Elizako hierarkia katolikoak eta bere hezkuntza enpresaburuen elkarteak pozarren agertu dira gobernuak hartutako neurriak ikusita, doktrinatzea dohainik eskaintzeaz gainera, beharrezko funtsak ere bermatu baitizkiete Haur Hezkuntzatik hasita hezkuntza itunak ezartzeko. Hori guztia hezkuntza publikoa hobetzeko beharrezko finantzazioaren kaltetan, eta hark izan beharko lukeen izaera laikoaren aurka nabarmen.
Arrazoi horiengatik guztiengatik, Ezker Batua - Izquierda Unidak Gobernuari agindu konstituzionala errespetatu eta bere Kalitate Legetik eta hura garatzen duten Errege Dekretuetatik curriculum komunaren zati diren konfesio erlijiosoen irakaskuntzak ken ditzala galdatu dioten guztiekin bat egin du.
Hezkuntza Ministerioak, eta Gobernuak, oro har, hezkuntza arloan gaur egungo eraso konfesionala bertan behar uzteko asmorik ez dutenez gero, EZKER BATUA-IZQUIERDA UNIDAko udal taldeak ondorengo mozioa proposatzen du:
MOZIOA
1. Eusko Jaurlaritzari eskatzea inkonstituzionalitate helegitea aurkez dezala LOCEn eta bere garapenetan erlijioaren irakaskuntzari eman zaion trataeragatik.
2. Gobernu zentralari galdatzea Vatikanoren eta Espainiako Estatuaren artean irakaskuntzari buruz eta kultur gaiei buruz sinatu duten Hitzarmena lehenbailehen berrikus dezala, izaera aurrekonstituzionala duenez gero. Eta berrikuspen hori gertatzen ez den arte, bai eta beste konfesio erlijiosoekin izenpetutakoena ere, hezkuntza maila guztietako erlijio irakaskuntzak eskola ordutegitik kanpo egin daitezela galdatzen da eta, Konstituzioaren 16 artikuluaren 2 puntuaren babesean, ez dadila ikasleen agiri akademiko ofizialetan halakorik ikasi ote duten edo ez agertu.
3. Udal alorretik, hezkuntza publiko laikoa ezartzen laguntzen duten ekimen guztiak babestea. Gizarte eta zibilizazio guztietako adierazpen kultural eta historikoak ikasteko orduan, arlo edo irakasgai egokietan (Gizarte Zientziak, Historia, Filosofia?), banakoen edo taldeen sinesteek une oro izan dituzten betekizunak aztertuko dituen hezkuntza, neurri handiagoan edo txikiagoan, mito edo sentimendu erlijiosoez inguratuta.
4. Udal honen esku dauden neurri guztiak hartzea, PPren Gobernuak alde bakarretik inposatutako hezkuntza publikoaren klerikalizazioaren ondorio kaltegarriak eragotzi eta arintzeko.
Alkate-Lehendakariak, bere aldetik, mozio alternatibo bat proposatzen du aurrez aurkeztutakoaren ordez, eta hitzez hitz honela dio:
"Lezoko EAJ/PNV y EA Udal Talde Politikoek aurkeztutako mozio alternatiboa, EB taldeak "L.O.C.E." delakoari buruz 2003ko urriaren 1eko osoko bilkurara aurkeztutakoaren aurrez aurre.
Aurrekariak:
"L.O.C.E." delakoa joan zen abenduaren 23an onartu zen eta harrezkero kritika ugari jaso du. Besteak beste, "Gizartea, Kultura eta Erlijioa" asignatura emateko obligazioari dagokionez, gaur eskuartean dugun eztabaida-gaia hori dugularik.
Udalek ez daukagu eskumenik irakaskuntzako currículumen diseinuan, baina ez zaigu zuzena iruditzen irakaskuntza publikoan erlijio asignatura eman beharraren obligazioa.
Gainera, gure iritzirako, irakaskuntza eskaintea ahalik eta zabalena behar da izan zeren, era horretan, familiek hauta baitezakete beren seme-alabak hezterakoan aukera askoren artean.
Hori esanik, Udalbatzari eskatzen diogu ondorengo mozio alternatibo hau onar dezan:
MOZIOA:
- PP-ren Gobernu espainiarrari eskatzen diogu, erlijio asignaturaren beharrezkotasuna erretira dezala lehen mailako irakaskuntzatik, ESO-tik irakaskuntza publikoko batxilerretatik.
- Eusko Jaurlaritzari eskatzen diogu Eusko Legebiltzarrean gaia aurkez dezala, hari baitagozkio irakaskuntza gaietan erabakiak.
- PP-ren gobernuari eskatzen diogu ezen, irakaskuntza gaietako legeak edo araudiak garatzerakoan, Elkarte Autonomoko gobernuarekin eztabaida ditzala.
Izquierda Unida - Ezker Batuak aurkeztutako Mozioa bozkatu da, eta ondorengo hau izan da emaitza:
Zortzi boto kontrakoak (EAJ/PNV eta Eako zazpi eta PP-ko bat), abstentzio bat (PSE) eta aldeko boto bat IU-EB taldekoarena.
EAJ/PNV eta EA taldeen Mozioa bozkatu da eta hau izan da emaitza:
Mozioa onartu egin da aldeko zazpi botoz, alkatearena eta EAJ/PNV eta EA, taldeetako zinegotzienak, eta hiru abstentzio, PSE, IU-EB eta PP taldeetakoenak.
4.- Mancomunidad de Municipios Vascos Insumisos - Euskal Udal Intsumituen Mankomunitatea (EUDIMA) erakundean baja ematea onartzeko proposamena.
Alkateak aurkeztu du proposamena. Honela dio hitzez hitz :
"Lezoko Udalak, 1996ko abenduaren 11n egindako osoko bilkuran, onartu zituen Euskal Udal Intsumituen Mankomunitatearen estatutuak.
Udalbatzak 2001eko maiatzaren 11n egindako osoko bilkuran onartu zuen Euskal Udal Intsumituen Mankomunitatearen (EUDIMA) estatutuen aldaketa.
Aipaturiko Estatutuetako 29. artikuluak finkatzen duenez, "Bertako partaide batek bere borondatez baja eman ahal izateko, baldintza hauek bete beharko dira:
1.-Dagokion Udalbatzak gehiengo osoz ateratzea erabaki ondoren, gutxienez hiru hilabetetako aurrerapenaz egingo du eskaera.
2.-Bere diru ordainketak eginak izan behar dute.
3.-EUDIMAtik ateratzeak sortzen dituen gastuak ordaindu beharko ditu, eta baita EUDIMAk lituzkeen zorretatik legokiokeen partearen kopurua ere.
Azaldutako guztia dela-eta, Udalbatzari proposatzen diot ondorengo akordio hau hartzea:
BAT: Euskal Udal Intsumituen Mankomunitatean (EUDIMA) baja ematea.
BI: Akordio honen jakinarazpena interesatuei igortzea."
Jende artetik esan dute, proposamen honen onarpenak atzera-pausoa suposatzen duela desmilitarizazioaren kontrako borrokan. Eudima desmilitarizazioaren helburuz sortu zela eta ez soldaduskaren kontra egiteko, nahiz eta bata bestearen ondorio izan.
Oraindik badaude konpondu beharreko arazoak, esateko, Jaizkib elen desmilitarizazioa, eta horretarako beharrezkoa da udalen arteko elkarlana eta koordinazioa.
90eko hamarkadan Lezoko Udalak intsumituen mugimenduari sostengua eman ziola eta, orain, Elkartetik irtetea Historiaren kontra joatea litzatekeela eta horretaz hausnartzea proposatzen du, eta eztabaida EUDIMAren barrura eraman dadila. Hori osatzen dutena 34 Udal dira eta horietariko batek berak ere ez du baja eman, eta gogora ekarri du ezen, prozesuaren barruan, inhabilitazioak ere izan direla eta Udal honetako Alkatearen beraren aurkako auzia ere bai.
PSOEko ordezkariak proposatu du, lehen puntuan ondorengo esaldi hau erantsi dadila: "inolako diru-kopururik ordaindu gabe".
PSOEren emendakina bozkatu da, eta emaitza hau izan da:
Kontrako zortzi boto, EAJ/PNV taldeko zazpi eta PP taldeko bat, abstentzio bat (IU-EB) taldekoa eta aldeko boto bat, PSE taldekoa.
Ondoren EAJ/PNV y EA taldeen proposamena bozkatu da eta emaitza hau izan da:
Proposamena onartu egin da aldeko zazpi botoz, alkatea eta EAJ/PNV eta EA taldeetako sei zinegotziak, eta hiru abstentzio PSE, IU-EB eta PP taldeetakoak.
5.- San Markos Mankomunitatean Lezoko Udalaren Ordezkari titularren bi ordezkoak izendatzeko proposamena.
Alkateak proposamena aurkeztu du, honela dio hitzez hitz:
"Lezoko Udalak 2003ko uztailaren 8ko bilkuran erabaki zuen San Markoseko Mankomunitatean Lezoko Udalaren izenean jarduteko bi ordezkari izendatzea.
2003ko uztailaren 14an jaso zen aipatutako Mankomunitatearen idatzi bat, ordezkari horien falta kasurako bi ordezko izendatzeko eskatuz
Hori dela-eta, Udalbatzari proposatzen diot honako akordio hau har dezan:
BAT: Ordezko gisa hauek izendatzea:
Iñake Urreztarazu Azurmendi (Aitor Ocerin Ibañez titularraren ordezko)
Aitor Mimendia Artuzamunoa (Enrike Figeroa Laboa titularraren ordezko)
BI: Akordio honen jakinarazpena San Markos Mankomunitateari igortzea.
PSOEk adierazi du ordezkari guztiak EAJ/PNVkoak direla, eta PSOEri egokitu zaion partehartze eskasaz kexu azaldu da.
Proposamena bozkatu eta onartu egin da aldeko zazpi botoekin, alkatearena eta EAJ/PNV eta EA-ko zinegotzienak, eta hiru abstentzio izan dira, PSE, IU-EB eta PP- ko zinegotzienak.
6.- 2003ko udal aurrekontuko aldaketari buruzko diktamena: transferentziak 30004/2003.
Alkateak udalbatzari aurkeztu dio Ogasun eta Kontu Batzordearen 2003-09-23ko diktamena. Diktamenak honela dio:
"Ogasun eta Kontuetako Batzordeak, 2003ko irailaren 23an egindako bilkuran, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Aitor Ocerin (E.A.), Isabel Lopez (E.B.-I.U.) eta Mª Luz Anglada (P.P.) zinegotzien aldeko boto ponderatuekin, behean heldu den proposamena diktaminatu du osoko bilkurak onar dezan:
BAT: Kreditu Aldaketarako espedientea onartzea, Gastuen aurrekontu partida batzuen artean kreditu-transferentziarengatik identifikazio zk. 30004/2003, data 2003-09-12, eta zenbatekoa 260.631,32 euro".
Diktamena aho batez onartu da.
7.- 2003ko aurrekontua gauzatzeko oinarrien aldaketari buruzko diktamena.
Alkateak udalbatzari proposatu dio Ogasun eta Kontu Batzordearen 2003-09-23ko diktamena onartzea. Diktamenak honela dio:
"Ogasun eta Kontuetako Batzordeak, 2003ko irailaren 23an egindako bilkuran, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Aitor Ocerin (E.A.), Isabel Lopez (E.B.-I.U.) eta Mª Luz Anglada (P.P.) zinegotzien aldeko boto ponderatuekin, behean heldu den proposamena diktaminatu du osoko bilkurak onar dezan:
BAT: 2003ko aurrekontua betetzeko oinarriak aldatzea, 8. C) artikuluan, zinegotzientzako kalte-ordainei dagokienez, EUDEL-ek finkatutakoaren arabera, urriaren 1etik aurrera aplikatzeko.
500 euro hilean alkatearen delegazio bakoitzeko.
321 euro hilean, talde politiko bakoitzeko.
129 euro hilean, zinegotzi bakoitzeko."
PSOEk eskatu du ordezkaritza parte bat izatea beraietako zinegotziren batek Gizarte Segurantza edukitzea, oposizioko talde nagusia direlako.
Diktamena aho batez onartu da.
8.- 2002 ekitaldiko kontu orokorra onartzeko proposamena.
Alkateak proposamena aurkeztu du. Proposamena honela dio hitzez hitz:
Alkateak eman du aditzera Kontuetarako Batzorde Bereziaren diktamenaren berri, 2002ko Kontu Orokorra onartzea proposatuz. Gogorarazi du, espediente hori jendearen ezagutzarako ipinirik egon dela araututako epean, eta inolako erreklamaziorik ez dela aurkeztu.
Proposamena onartu egin da aldeko bederatzi botoz, alkatearena eta EAJ/PNV, EA, PSE eta PPko zinegotzienak eta abstentzio batekin (IU-Ezker Batuarena).
9.- 2004. Ekitaldirako Ordenantza Fiskalen hasierako onarpenerako diktamena.
Alkateak udalbatzari proposatu dio Ogasun eta Kontu Batzordearen 2003-09-23ko diktamena onartzea. Diktamenak honela dio:
"Ogasun eta Kontuetako Batzordeak, 2003ko irailaren 23an egindako bilkuran, Aroia Goienetxea (E.A.J.-P.N.V.), Kepa Garbizu (E.A.J.-P.N.V.), Aitor Ocerin (E.A.) eta Mª Luz Anglada (P.P.) zinegotzien aldeko boto ponderatuekin eta Isabel Lopez (E.B.-I.U.) zinegotziaren abstentzioarekin, behean heldu dena diktaminatu du osoko bilkurak onar dezan."
Diktamena onartu egin da aldeko bederatzi botoz, alkatearena eta EAJ/PNV, EA, PSE eta PPko zinegotzienak eta abstentzio batekin (IU-Ezker Batuarena).
Aipatutako akordioa jendaurrean ipiniko da Gipuzkoako Aldizkari Ofizialean iragarkia argitaratuz eta Udaletxe honetako iragarki taulan erakutsiz, argitaratzen den egunetik hasita kontaturik hilabeteko epean, egoki iritzitako alegazioak aurkeztu ahal izan daitezen. Baldin eta alegaziorik aurkeztuko ez balitz, ordenantzak behin betiko onartutzat emango dira.
10.- UAD. 9 eta 10 ( Zubitxo kalea, 3 y 5) exekuzio unitateetako Zehazpen Azterketa behin betiko onartzeko diktamena.
Alkateak udalbatzari proposatu dio Obra eta Zerbitzuetako Batzordearen 2003-09-23ko diktamena onartzea. Diktamenak honela dio:
"Lezoko Udalak 2003ko maiatzaren 6eko 168 Alkatetza Dekretuaren bidez, UAD.9 eta 10 (Zubitxo Kalea, 3 eta 5) Exekuzio Unitateen Zehaztapen Azterlanari hasierako onarpena ematea erabaki zuen.
Erabaki honen iragarkia Gipuzkoako Aldizkari Ofizialean argitaratu zen 2003ko maiatzaren 19an, 92 zenbakidun alean. Prentsa idatzian ere argitaratu zen.
Zehaztapen Azterlan hau informazio publikoan egon da 15 egunez eta epe horretan ez da alegaziorik aurkeztu.
Arkitektoaren txostena kontuan izanik
Diktamena:
BAT: UAD. 9 eta 10 (Zubitxo Kalea, 3 eta 5) Exekuzio Unitateko Zehaztapen Azterlanari Behin Betiko onarpena ematea arkitektoaren txostenean azaltzen diren baldintzak kontuan izanda".
Diktamena onartu egin da aldeko zortzi botoz, alkatearena eta EAJ/PNV, EA, IU-Ezker Batuako zinegotzienak eta bi abstentzio, PSE eta PP-ko zinegotzienak.
11.- Arau Subsidiarioetako 103 poligono industrialeko zehaztapenen aldaketa jasotzen duen dokumentua behin-behinean onartzeko diktamena.
Alkateak udalbatzari proposatu dio Obra eta Zerbitzuetako Batzordearen 2003-09-23ko diktamena onartzea. Diktamenak honela dio:
"Lezoko Udalak 2003ko maiatzaren 22ko osoko bilkuran, Arau Subsidiarioetako 103 Industri poligonoko zehaztapen aldaketa jasotzen duen dokumentuari hasierako onarpena ematea erabaki zuen.
Erabaki horren iragarkia Gipuzkoako Aldizkari Ofizialean argitaratu zen 2003ko ekainaren 11an, 109 zenbakidun alean. Prentsa idatzian ere argitaratu zen.
Arau Subsidiarioen aldaketa hau informazio publikoan egon da hilabetez eta epe horretan ez da alegaziorik aurkeztu.
Diktamina:
BAT: Arau Subsidiarioetako 103 Industri poligonoko zehaztapen aldaketa jasotzen duen dokumentuari behin behineko onarpena ematea.
BI: Arau aldaketa honen espedientea eta dokumentazioa Gipuzkoako Foru Aldundira igortzea behin betiko onarpena eman diezaion".
Diktamena onartu egin da aldeko zortzi botoz, alkatearena eta EAJ/PNV, EA, PP-ko zinegotzienak eta bi abstentzio, PSE eta IU-Ezker Batua taldeetako bi zinegotzienak.
12.- Organo Kolegiatuetako udal-ordezkarien eta Delegatuen txostenak.
Behemendi: Aitor Mimendiak, erakunde horretan Udalaren ordezkariak, egin duten lehen bilkuraren berri eman du:
.- Bilkuretarako Funtzionamendu Arauak finkatu dira.
.-Helburu gisa markatu dira baserritarrentzat ura merkatzea eta, Sektorearen zahartza-joera konpontzearen aldera, laguntza eta sorospen neurri gehiago hartzea.
.- Baserri-eskualdean 8 kontainer lurperatu jartzea.
Añarbe eta San Markos: Aitor Ocerinek aditzera eman du irailaren 11n egindako lehen bileraren berri, hartan batik bat bi Mankomunitateetako Zuzendaritza Karguak izendatu direlarik.
Oarsoaldea: Alkateak eman du irailaren 17an egindako lehen bilkuraren berri, hartan izendatu delarik presidentea, Joan Karlos Merino, Errenteriako Udalekoa.
Pasaia eta Oiartzun arteko bidegorriaren proiektua idaztea adjudikatu izanaren berri eman da.
Epe luzerako Plan Ekonomikoa 2004/2007: Haziendako Delegatuak, Aroia Goikoetxeak, entregatu dio talde politiko bakoitzari "Epe luzerako Plan Ekonomikoa" (2004/2007).
13.- Lezo eta Pasaia arteko mugaketa egin eta mugarriak sartzea.
Alkateak proposamena aurkeztu du. Proposamena honela dio hitzez hitz:
"Lezo eta Pasaia udalerrien arteko mugak zehaztu eta mugarriak sartzeko espedienteari hasiera emateko helburuz, zeren udalerri horien arteko mugak markatzeko azken eragiketa 1944. Urtean egin baitzen, hain zuzen, Errotetatik Guadalupeko gotorlekura doan errepidea eraiki zenean eta orduko mugarriak, mila arrazoi direla medio, jadanik praktikan desagertu baitira eta, gainera, kontuan izanik ezen, hirurogeiko hamarkadan, "Lezo-0" kai berria eraiki zela Errotetako hondartzan eta han inoiz ez dela egin udalerrien arteko mugaketarik, eta horri buruz egin den txosten teknikoa ikusirik.
Alkateak Udalbatzari proposatzen dio ondorengo akordio hau har dezan:
BAT: Lezo eta Pasaia udalerrien arteko mugaketa egiteko eta mugarriak sartzeko espedienteari hasiera ematea.
BI: Mugaketa horretaz arduratuko den Batzordean partaide izango diren Lezoko Udalaren ordezkariak izendatzea".
Lezoko Udalaren ordezkariak hauek izango lirateke:Alkatea bera, udal idazkaria, udal teknikari bat eta Aitor Mimendia Artuzamonoa (EAJ/PNV) y Mikel Antxon Arrizabalaga Brusin (PSE) zinegotziak.
Proposamena aho-batez onartu da.
14.- Lezo eta Oiartzun arteko mugaketa egin eta mugarriak sartzea.
Alkateak proposamena aurkeztu du. Proposamena honela dio hitzez hitz:
"Lezo eta Oiartzun udalerrien arteko mugak zehaztu eta mugarriak sartzeko espedienteari hasiera emateko helburuz, eta kontuan izanik bi udalerrien arteko aurreko mugaketa 1940. Urtean egin zela, mugarri gehienak desagertu direla eta, gaur egun, bi udalerrien arteko muga inguruetan azpiegitura eta beste zenbait obra handi egiten ari direla, eta horri buruz egin den txosten teknikoa ikusirik
Alkateak Udalbatzari proposatzen dio ondorengo akordio hau har dezan:
BAT: Lezo eta Oiartzun udalerrien arteko mugaketa egiteko eta mugarriak sartzeko espedienteari hasiera ematea.
BI: Mugaketa horretaz arduratuko den Batzordean partaide izango diren Lezoko Udalaren ordezkariak izendatzea".
Lezoko Udalaren ordezkariak hauek izango lirateke: Alkatea bera, udal idazkaria, udal teknikari bat eta Aroia Goienetxea Egibar (EAJ/PNV) eta Isabel López Aulestia (IU-EB) zinegotziak.
Proposamena aho-batez onartu da.
15.- Alkatearen Dekretuak berrestea.
Dekretuen zenbakiak 292 eta 321, haien bidez izendatu baitzen Pedro Etxarri Ollokiegi, Idazkaria ordezkatzeko, haren oporren denborarako eta, gero, gaixo izan denez, baja aldirako.
Dekretu horiek aho-batez berretsi dira.
16.- Galde Eskeak.
Mikel Antxon Arrizabalagak eskatu du, Arautegi Organiko bat egin dadila (zirriborroa).
Era berean eskatu du zinegotzientzat areto bat, materialez eta ordenagailu batez hornitua.
Publikoaren aldetik:
Aitor Sarasolak esan du, Udaleko Sarrera Erregistroan Mozio bat aurkeztu dutela eta hura ez dela osoko bilkura honetan tratatu.
Alkateak erantzun dio, Mozioak Talde Politikoek bakarrik aurkez ditzaketela eta, nolanahi ere, ziur izateko hura tratatuko dela egokitzat ematen denean.
Era berean aipatu dute, "Lezoren Alde" hartu zituen 1061 botoei dagokien ordezkaritzarik gabe aurkitzen dela Udalbatza honetan, eta deialdietan hori kontuan eduki dadila.
Aktaren amaiera.
Beste aztergairik geratzen ez denez, alkate-lehendakariak 9:50 orduetan eman dio buru bilkurari. Eta nik, idazkari naizen aldetik, akta 310.680.etik 310.692.era arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.