Ostegunean hasiko da laugarren EUSKARALDIA. Lezoko Euskaraldi Batzordeak maiatzaren 15etik 25era herritarrak kalera ateratzeko asmoz prestatu duen egitaraua aurkeztu du.
Herriko eragileek, norbanakoek eta Udalak osatzen dute Euskaraldiko Batzordea eta lanean aritu da azken hilabeteetan egun horiek edukiz betetzeko. Aste honetan zabaldu dute egitaraua; ekitaldiz, jardueraz, aisialdiz eta euskaraz bete ditu egun hauek.
Hizkuntza-ohituretan eragin, euskararen erabilera aktibatu eta Lezo euskaragarriagoa egiteko ariketa moduan aurkeztu zuen Euskaraldiko Batzordeak ariketa erraldoia. Helburu horrekin, Euskaraldiak iraun bitartean, ia egunero hitzordu bat prestatu dute, herritar guztientzako moduko egitarua da, anitza eta denontzat pentsatua.
Edozein modutan, elkartzeko eta euskaraz aritzeko egitaraua da, kaleetan elkartu, mendira joan, txikienekin hitz egin edota kulturaz gozatu, berdin du zertan eta norekin, baina euskaraz aritzeko egunak izango dira.