Kilometro Lezo 2024

“Kolapsoa” izango da enpresa handi batek duen aitzakia bere eskaintza paregabea martxan jartzeko: goi mailako bunkerrak eskaintzea.

Hau promozionatzeko, probaleku mugikor batean, zuzenean,  lehiaketa  bat antolatuko du herri  bakoitzean.

Lehiakideak froga desberdinak egin beharko ditu hau lortzeko. Ikuslegoak, “Idi-proba” batean bezalaxe ariketa bakoitzean apostuak egingo dituelarik.

Lehiaketa umiliagarrietaz, kataklismoetaz, ansiolitikoetaz eta abarretaz hitzegiten dugu…..

OHARRA: Eguraldi txarra eginez gero, Lezo Herri Eskolako patioan egingo da. 

Orratx! Antzerki Taldeak interpretatutako obra.

UBUren hitz-jarioak basakeria, ankerkeria eta hizkera absurdoa eta zakarra biltzen ditu bere baitan, erakunde eta erregimen guztien parodia batean. Berekoia, kaskarra, mespretxagarria eta zitala da, eta boterearen ur lohitsuetan ugaritzen diren pertsonaien ordezkari leiala. Gerrak, erailketak eta traizioak eragingo ditu, gutxi batzuk aberasteko beste askoren bizitzaren kontura.

Petite eta Susane zirku zahar batera iristen dira, eta zirkoaren magia berriz sentitzeko pista desiragarria aurkitzen dute. Presaka eta ezer berezirik egiten jakin gabe, funtzioa hastea eta artista bihurtzea erabaki dute. Espektatibek gora egiten dute zirku zaharraren esentziei berriro helduz: krispeta-usaina, "oraindik zailena", trapezista pinpirin bat, Augusto eta Carablanca, pista huts bat eta dena egiteko.

Circo Alas-eko artistek beren bizitzako funtziorik onena egin nahi dute, baina etengabe egiten dituzten estropezuek erakutsiko diete ameslari bat ere ez dela txikia, eta amets bat ere ez dela handiegia. Hainbat zirku-diziplina konbinatzen dituen ikuskizun bat, hala nola clown, oihal, malabar, oreka eta akrobazia.

FITXA ARTISTIKOA:

Antzezleak: Txus Buffa, Juan Manuel Sánchez Villegas.

Zuzendaritza: Tomas Sznaiderman.

Eszenografia: Nino Gamboa.

Jantziak: Mª Jesús Buffa.

Publiko mota: haurrak eta familia

Adin gomendatua: + 6 urte

Iraupena: 60 minutu

2023ko Umore Azokako Epaimahaiak Aipamen Berezia ematen dio Harrobi Dantza Bertikala konpainia gazteari, “Geure(R)a” ikuskizunagatik, “zuzeneko musikaren, irudiaren eta dantzaren arteko fusio koordinatuagatik” eta “historian zehar emakumeen oroimena zalantzan jarri eta lekualdatzen duen hari poetikoagatik. Bere dramaturgiak emakumeen inguruko memoria zalantzan jartzen du, eta gaur egun plantea daitekeen galdera batekin amaitzen da: Nortzuk diren gaur egun sorginak? Eta nortzuk dira zapaltzen dituztenak”.

Geure(R)a naturaren, poesiaren, dantzaren eta bideo mapping-aren arteko elkarrizketa planteatzen duena. Juantxo Zeberioren musikak, Toti Martínez de Lezearen bertsoek eta Paco Gramajeren proiekzio animatuek aberastu egiten dute hiru dantzarik egindako koreografia esekia.

Antzina-antzinatik, emakumeak elkartu egiten ziren, ez bakarrik eguneroko lanak egiteko, baita beren arteko konpainiaz gozatzeko, ondo pasatzeko eta, aldi berean, beren ezagutzak eta esperientziak trukatzeko ere.

Errealitate hori baina, ez dute pertsona orok ondo ikusi, askatasun eta ezagutza hori mehatxutzat hartzen baitzuten beren status quorako. Horregatik, XVI. mendean, gure historiako gehiegikeria eta hilketa gordinenetako batzuk gertatu ziren, batez ere emakumeen kontra.

Zalantzarik gabe, gaur egun Europako eta munduko herrialde askotan gertatzen dena pentsamolde horren ondorioa da oraindik. Errespetuarekin, askatasunarekin eta tolerantziarekin talka egiten duen pentsamoldea.

Gure koadrila xelebrea ikastetxera bueltatu da! 

Bertan, guztion bizitzaren parte izan diren egoera eta doinuen bidez, une ahaztezinak biziberrituko dituzte. Ikusleen eskutik ikasitakoa desikasten saiatuko dira, ikasketa prozesu berri bat umoretik eraikitzeko asmoz. 

Denak gelara, txirrinak jo du eta!

OHARRA: Eguraldi txarra eginez gero, Lezo Herri Eskolako patioan egingo da.