2006.eko Uztailaren 14ekoa

Lezoko Udaletxeko Biltzar Areto Nagusian, 2006ko utzailaren 14ean, 8:30etan, eratu da OSOKO UDALBATZA, EZOHIKOA egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusín (PSE taldea), Jesus Maria Martiarena Jaka (EAJ taldea), Aitor Mimendia Artuzamonoa (EAJ taldea), Enrique Figueroa Laboa (EAJ taldea), Noemí Arberas Osés (EAJ taldea), Maria Luz Anglada González (PP taldea), Isabel López Aulestia (IU-EB taldea) eta Ainhoa Villanúa Ayuela (PSE taldea).

Ez da bilkurara etorri Aroia Goienetxea Egibar (EAJ taldea).

Bertan da eta egintzaren fede eman du udal idazkaria den Pedro Etxarrik.

Patxi Apalategi aritu da itzultzaile lanetan.

1.- Alkatearen D06/00530. dekretua berrestea, idazkariaren ordezkapena 2006ko uztailaren 6tik 14 bitarte egiteari buruzkoa.

Aho-batez berretsi da idazkariaren ordezkapena 2006ko uztailaren 6tik 14 bitarte, biak barne, jasotzen duen alkatearen dekretua.

2.- 2005eko Kontu Orokorraren onarpenaren berri ematea.

Idazkariak eman du 2005eko Kontu Orokorraren espedientearen berri, bertan ondasun publikoen inbentarioa dagoelarik, 2005/12/31ra eguneraturik.

Gogorarazi du, espediente hori jendearen ezagutzarako ipinirik egon dela araututako epean, eta inolako erreklamaziorik ez dela aurkeztu.

3.- Diruzaintza-eragiketa bat ituntzeko luzapena onartzeko diktamena, gehienez urtebeteko eperako.

Alkateak Ogasun eta Kontuetako Batzordeak onartutako diktamena onartzea proposatu dio osoko bilkurari. Honela dio diktamenak:

?Batzordeko lehendakariak aurkeztu du diktamen proposamena altxortegi-eragiketa bat ituntzeko, gehienez urtebeteko eperako, diruzaintzako behar iragankorrak betetzeko, Gipuzkoako Toki Ogasunak arautzen dituen uztailaren 5eko 11/1989 Foru Arauaren eta Gipuzkoako Lurralde Historikoko Toki Entitateen aurrekontuei buruzko, abenduaren 19ko, 21/2003 Foru Arauaren ildotik.

Diktamen proposamenak badu aginduzko bere txostena udal kontu-hartzaileak egina.

Proposamenaren xedea altxortegi-eragiketa bat ituntzea da, ezaugarri hauekin:

- Eragiketaren zenbatekoa: 1.000.000 euro

- Entitate finantzaria: La Caixa.

- Epea: 12 hilabete.

- Xedea: Altxortegi-behar iragankorrak betetzea.

- Interesak: hiru hilero. (Hiruhileroko naturalak).

- Amortizazioa: bukaeran.

- Interes tipoa:

1. Hiruhileko euribor + % 0,20.

2. Erabili den kopuruaren heinean kobratzen da.

- Irekidura komisioa: % 0,10.

Aroia Goienetxea (EAJ-PNV), Kepa Garbizu (EAJ-PNV), Iñake Urrestarazu (EA), Mikel Antxon Arrizabalaga (PSE) eta Mª Luz Anglada (PP) zinegotzien aldeko botoekin, Ogasun Batzordeak diktaminatu du osoko bilkurak onar dezan:

BAT: Altxortegi eragiketa ituntzeko proposamena onartzea goian seinalaturiko zehazpenen arabera.?

Jendartetik Aitor Sarasolak hartu du hitza eta esan du plan ekonomiko finantzari zabalagoa egin beharra dagoela.

Diruzaintzaren irtenbide iragankor bat dela ulertzen da.

2005eko aurrekontuak jada bistan lagatzen zituen gabezia horiek eta horrela egiaztatu da likidazioan. Eraikuntzen gaineko zergarengatiko sarrerak ez dira izan uste izan zirenak, eta horiek erabili dira makilaje-lana egiteko eta horrela aurrekontuak koadratzeko.

Aurten ere oraindik ez da onartu aurrekontua.

Seinalatu dute ezen, Diputazioaren aldetik, iruzurra eta kolaborazioa dagoela 2003 eta 2004ko maileguen onarpenerakoan 2005. urtean igorritako plan finantzaria onartzean.

Mailegu horiek amortizaziorako bi urteko gabeziarekin onartu ziren zeren eta Udalaren sarrera arruntak ez baitira nahikoa maileguen karga finantzatzeko.

Udalaren finantza-egoerari ez zaio irtenbiderik ematen eta planifikazio finantzaria falta da.

Diktamena aho batez onartu da.

Aktaren amaiera.

Beste aztergairik geratzen ez denez, alkate-lehendakariak 9:30etan eman dio buru bilkurari. Eta nik, idazkari naizen aldetik, akta .etik .ra arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.