Lezon, mila bederatziehun eta laurogeita hamahiruko maiatzaren hamazazpian, hemeretzi orduetan bildu da, Udaletxeko Biltzar Areto Nagusian, Udal Plenoa, egun honetarako deitutako urgentziazko batzarraldi berezia ospatzeko xedez, lehen deiari erantzunez, Aitor Sarasola Salaberria Alkate J.ren lehendakaritzapean eta ondorengo zinegotzi hauek bertan direla: Josu Mirena Pontesta Garmendia J.,Jemma Arrillaga Albisu A., Karmele Legorburu Irazu A., Jose M. Boto Sancho J., Jose Antonio Dozagarat Andueza J., Martzial Zabaleta Salaberria J., Pello Garbizu Azkue J., Jose Luis Agirretxe Mitxelena J., Mikel Mitxelena Iza J, Iñake Urrestarazu Azurmendi A., Jose Varela Pampin J. eta Jesu Mª Martiarena.
Idazkari gisa, Miren Bruño Azpiroz A. behin behineko funtzionaria aritu da.
Lehendakaritzak batzarraldia ireki eta publiko deklaraturik eta honi hasiera eman ahal izateko beharrezkoa den quoruma badagoela Idazkaritzak egiaztatu ondoren, Aztergai Zerrendan sartutako gaiak tratatzeari ekin zaio.
0. - Landuko diren gaien urgentzia berrestea.
Alkateak plenoaren urgentziazko izaerari buruz esan du, beharrezkoa dela Udaletxeko Organuak eratzea, Delegatuak izendatzea eta Gobernu Batzordeko partaideak izendatzea. Beste alde dio gaia ez dela batere konplexua eta bi egun izan direla dokumentazioa aztertzeko.
Urrestarazu Ak hartu du hitza esateko ulertzen duela plenoa berezia izatearena baino ez urgentziazkoa, ez duela ulertzen zergaitik ez den 24 ordu beranduago egin.
Alkateak, horri erantzunez dio dokumentazioa ostiral arratsaldean banatu zela, eta aztertzeko hiru egun izan direla, eta batez ere honekin lortu nahi dena Delegatuak izendatzea dela. Horretaz gain Mankomunitate mailan zenbait bilera deituta daudela eta urgentea ikusten duela Udaletxeko ordezkariak izendatzea bilera horietara joan ahal izateko.
Boto Jk dio, interbentzio gehienak itzuli ez badira ere ez dela legezkoa Idazkaritzako txostena orain Plenoan aurkeztea.
Idazkaritzatik erantzuten da esanez, txostena orain aurkeztu bada hala eskatua izan delako dela.
Boto Jk dio, txostena lehenagotik egin behar zela, eta ezinezkoa dela Pleno bat aurkeztea nahiz eta oso urgentea izan inongo txosten juridikorik gabe.
Bruño Ak dio Idazkaritzak informatzeko obligazioa duela Alkateak hala eskatzen duenean edo aztertu behar diren gaiek quorum berezi baten beharra exijitzen dutenean.
Boto Jk esan du, txosten juridikorik gabeko plenoa aurkeztu zaiela eta dokumentazioa hain nahasia dagoela ezen ezin bait da jakin lehenengo puntua 4. dokumentuan, 6.ean, 5.ean, ... dagoen.
Alkateak erantzun du esanez gaur aurkezten den dokumentazioa, 1991eko Uztailean aurkeztu zenaren antzekoa dela eta orduan ere ez zela aurkeztu orain hemen eskatzen den txosten juridikoaren antzekorik.
Idazkaritzak adierazi du orduan txostena bazegoela. Han informatzen zela batzordeen eraketaz, ordainketez, eta abar eta harrez geroztik legedia ez dela aldatu.
Urrestarazu Ak dio orduko lehenbiziko deialdia bertan behera utzi zela dokumentazioa osaturik ez zegoelako eta Dekretuetan hainbat akats zeudelako. Penagarria dela bi urte geroago haren kopia txar bat gertatzea, zeren orduan gaizki bazegoen orain okerrago bait dago.
Boto Jk galdetu du nola jakingo duten zein jarrera hartu, egin nahi dena zer den ez badakite. Ez dela inongo batzorderik egin zer egin behar den jakin ahal izateko; nola esan bai ala ez, zertan oinarriturik?.
Alkateak dio, maiatzaren 20a baino lehen erantzun bat eman beharra dagoela, ez al den hori Aholku Batzordeetan erabaki zena
Boto J. bertan izanik. Esan du ere 20rako erantzunik ez badago Plan Partzialak aurrera segitzen duela.
Boto Jk dio nahikoa dela Idazkaritzatik erantzun bat ematearekin zein dokumentazio falta den esanez.
Mitxelelena Jk hartu hitza esateko arazoa garbi dagoela, eta ulertu nahi duenak ulertuko duela, beste gauza bat dela bakoitzaren borondatea eta bakoitzaren jarrera horren aurrean.
Martiarena Jk eskuhartu du esanez Alkatearen sinadura maiatzaren 13koa dela eta Kontuhartzailetzako eta Idazkaritzako txostenak maiatzaren 14ean daudela sinatuta.
Idazkariak erantzun du esanez Plenoa ostiralean egiteko prestatua zegoela, bainan ostegunean fotokopiagailua hondatu egin zela; gerora ikusi zela Plan Partzialaren gaiari 20rako erantzun bat eman beharra zegoela, beraz, pleno berri bat ez egitearren, aipatutako gaia aztergai zerrendan sartzea erabaki zen.
Garbizu Jk hitza hartu du esateko 24 ordu atzeratzearekin ez dela ezer gertatuko, ez dela aski Delegazioak eta abar sortu behar direla esatea.
Alkateak dio urgentziari buruzko balorazio subjetibo hori Udaletxe honetan egin diren pleno urgente guztiei zaiela aplikagarri eta azkeneko puntuak, hots, 2. Sektoreko Plan Partzialari buruzkoak, hainbat kezka sortarazten dituela ikusirik proposatu du urgentzia berresteari ekitea.
Boto Jk dio jakin nahiko lukeela zer den orain onetsiko dena.
Alkateak erantzun du esanez lehenbizi urgentziazko izaeraren berrespena bozkatuko dela eta gero, azken puntura iristean, emango direla behar diren azalpenak.
Urrestarazu Aren ustez, azken puntuak ez du beharrezkoa Plenoaren erabakirik. Dokumentazioa falta baldin bada Idazkaritzak eskatu beharko bait du eta ez Plenoak.
Idazkariak explikatzen du kasu hauetan hiru hilabeteko epea egoten dela erantzun bat emateko, txostenean dokumentazioa falta dela jartzen duela eta hiru hilabetetan ez bada erantzunik ematen Komunitate Autonomoko legediaren arabera subrogazioa ematen dela.
Urrestarazu Ak esan du, hilabete bat baino gehiago pasa dela gai hau aztertu zen ezkeroztik, orduan garbi gelditu zela dokumentazioa falta zela, badakila promotoreak audienzia eskubidea daukala bainan hori bideratzea Alkateari dagokiola eta ez plenoari.
Idazkariak erantzun du esanez, ongi emana lehen plenoak eman zuela eta orain ere berari dagokiola ematea.
Alkateak galdetu du ea prozedurak ezer aldatzen duen, hau da, erabakia Alkatearen edo plenoaren eskuan usteak aldaketarik dakarren ala, gauzak ostopatzeko asmoz, formetan soilik ari garen. Era berean eskatu du behingoz gaiari heltzea eta aurrerantzean egingo diren interbentzioak arrazoituak izatea eta ez "ilea hartzeko modukoak".
Urrestarazu Ak dio berak ile asko duela eta inori "ilea hartzera" ez dela etorri; pleno hau konbokatzeko inongo arrazoirik ez dagoela, erabaki hau gaur edo bihar hartzea berdin delako.
Martiarena Jk esan du, 2. Sektoreko Plan Partzialari buruz Angel Mugica Puelles Jk aurkeztutako eskaria otsailaren 19koa dela eta orain arte ez dela ezer erabaki.
Alkateak berriro proposatu du urgentziazko izaera bozkatzea, inork eragozpenik ez badu bederen, eta puntu horretara iristean gaia eztabaidatzea.
Botua emateari ekin zaio eta urgentziazko izaera berretsi egin da, Sarasola, Legorburu, Pontesta, Mitxelena, Arrillaga, Agirretxe eta Dozagarat J/A.en aldeko botuez eta Urrestarazu, Garbizu, Martiarena, Zabaleta, Boto eta Varela J/A.en aurkakoez.
1. - Alkatetzaren proposamena, 1991ko uztailaren 18an, irailaren 25ean, 1993ko otsailaren 17an eta martxoaren 31ean izandako batzarraldietako akordioen indargabetzeari buruz.
Urrestarazu Ak hitza hartu du esateko, bera maiatzaren 6a ezkeroztik ez dela Alkate eta ea zertarako behar den akordio berri bat bere Alkate izaera indargabetzeko. Eta hori dela, hain zuzen ere, sartu duten idatzian galdetzen dutena.
Idazkariak erantzun du esanez egindako txostenean argi azaltzen dela Iñake Urrestarazu Ak korporaziokide izaten jarraitzen duenez, bere karguan iharduteagatik dagozkion ordainketak jasotzen jarraitzeko eskubidea duela, beti ere dedikazio esklusiboz aritzen den bitartean. Beraz, zera ondorioztatzen da, ordainketa horiek jasotzeari uzteko kontrako erabakia hartu behar dela.
Urrestarazu Ak dio proposamenaren bigarren zatian zera aipatzen dela Industrialdeako izendapenak indargabetu egin direla bainan ez dela ezer aipatzen Oarsoaldea eta Elkarkidetzakoei buruz. Esan du ere Industrialdeako karguak pertsonalak direla eta bost urtetarako.
Idazkaritzatik erantzun da Lezoko Industrialdeako Idazkariarekin kontsultatu dutela eta honek esan diela Alkatea automatikoki bihurtzen dela Industrialdeako Lehendakari eta bokala izendatu egin behar dela.
Urrestarazu Ak dio berak ez duela inongo interesik ordezkari gisa jarraitzeko eta orain Alkate denari aipatu ziola berarekin hitz egin nahi zuela gai honi eta beste batzuri buruz eta ez duela oztoporik Junta konbokatu, bere kargua utzi eta bakantea betetzeko, beti ere prozedura bati jarraituz. Hala ere Industrialdeari buruzko dokumentazio gutxi dagoela Udaletxean.
Garbizu Jk hitza hartu du esateko normala dela Urrestarazu A. egon beharrean Alkatea egotea, bainan nork konbokatuko du Junta Urrestarazu Ari. kargua kentzen bazaio?.
Dozagarat Jk dio bera kargutik kentzeko Plenoaren prozedura erabili bazen, egoki iruditzen zaiola orain ere prozedura bera erabiltzea.
Alkate Jk proposatu du, aztergai zerrendako lehenengo puntuari dagokionean, Industrialdearen puntua mahai gainean uztea eta bigarren puntua bere osotasunean bozkatzeari ekitea. Beraz, bozkatzeari ekin zaio eta, gehiengo absolutuz, Sarasola, Pontesta, Agirretxe, Mitxelena, Legorburu, Arrillaga eta Dozagarat J/A.en aldeko botuez eta Urrestarazu, Garbizu, Zabaleta, Martiarena, Boto eta Varela J/A.en aurkakoez, honako hau onetsi da:
Iñake Urrestarazu Azurmendi korporaziokideak Alkate gisa, dedikazio esklusiboz, iharduteari buruzko erabakia indargabetzea, aurtengo maiatzaren 6ra atzeraeraginez.
Jesus Mª Martiarena J.ren alde 7 Poligonoko Konpentsazio Juntan egindako izendapena indargabetzea.
Pello Garbizu Azkue J.ren alde Ibaiondo Amankomunitatean ordezkari izateko egindako izendapena indargabetzea.
Jose Varela Pampin J.ren alde San Markos eta Añarbeko Amankomunitatetan ordezkari izateko egindako izendapena indargabetzea.
Marcial Zabaleta Salaberria J.ren alde Behemendi Batzordean ordezkari izateko egindako izendapena indargabetzea.
2. - Osoko Bilkurak eta aldizkakotasuna.
Alkateak, gai honi dagokionean, plenoak hilabeteroko lehenengo asteazkenean, arratsaldeko 7etan, egitea proposatu du.
Varela Jk galdetu du Gobernu Batzordeak goizeko 8,30etan egin ezkero eta publikoak izango badira ea nor etorriko den.
Alkateak erantzun du harritzen diola Varela J. Gobernu Batzordeen ordutegiez arduratua egoteak, Varelak berak onartutako Gobernu Batzordeko batzarraldiak itxiak zirenean. Jarraitu du esaten Plenoak hilabetean behin egiten direnez garrantzitsua iruditzen zaiela arratsaldez egitea; Gobernu Batzordeak astero egingo direnez goizez egitea erabaki dutela.
Beste interbentziorik ez dagoenez proposamena bozketara jarri da eta gehiengo absolutuz onetsi da ohizko osoko bilkurak hileroko 3. asteazkenean, 11 orduak eta 30 minutuetan, egiteari buruzko erabakia indargabetzea, Sarasola, Pontesta, Legorburu, Arrillaga, Mitxelena, Agirretxe eta Dozagarat J/A.en aldeko botuez eta Urrestarazu, Garbizu, Zabaleta, Martiarena, Boto eta Varela J/A.en kontrakoez.
3. - Batzorde Informatibo Iraunkorren sorrera eta osaketa.
Alkateak proposamenaren azalpena egin du esanez Gobernu Talde berriaren asmoa dela Udaletxearen funtzionamendua batzordeen inguruan egituratzea eta horretarako 8 batzorde sortzea proposatzen dela.
Urrestarazu Ak galdetu du ea zergaitik 6 batzordetako idazkariak dagoeneko izendatuta dauden eta Kultura eta Ingurugiro batzordeetakoak ez.
Alkateak erantzun du kasu batzutan argi ikusten dela zein udal teknikariri dagokion idazkari izatea bainan aipatu beste bi kasuetan aukera zabalagoa dela eta, hasiera batez, batzordeko lehendakaria izango dela idazkari lanak egingo dituena, gerora beharrik balego teknikariren bat hartuko delarik.
Boto Jk dio, zinegotzi ez direnak batzordeetara joan daitezkeela esatera iristeko, ulertzen zailak diren burutapenak egiten direla txostenean eta legeak argi eta garbi esaten duela beti ere pertsona jakin batzuei entzungo zaiela.
Idazkariak esan du, bera proposamena interpretatzera mugatu dela eta elkarteetako ordezkariak joateko aukera aipatzen duela, horientzat interesgarriak diren gaiak aztertuko direnean deia zabalduko zaielarik.
Alkateak dio legearen arabera jendeak parte har dezakeela eta Alkatetzaren ikuspegitik interesgarria ikusten dela aipatu parte hartzea, gaien inguruan izan daitezkeen eritzi ezberdinak jaso asmoz eta erabakiak hartu behar diren orduan elementu gehiago eduki ahal izateko.
Ondoren bozketa egin da eta gehiengo absulutuz, Sarasola, Pontesta, Arrillaga, Legorburu, Mitxelena, Agirretxe eta Dozagarat J/A.en aldeko botuez eta Urrestarazu, Garbizu, Zabaleta, Martiarena, Boto eta Varela J/A.en aurkakoez honako hau onetsi da:
Hurrengo Batzorde Informatibo Iraunkorrak sortuko dira:
1 - Hirigintza.
2 - Gobernu eta Barne Arazoetarakoa.
3 - Finantzak eta Hazienda.
4 - Ingurugiroa.
5 - Zerbitzuak.
6 - Gizarte Ongizatea.
7 - Euskara.
8 - Hezkuntza eta Kultura.
Bilerak publikoak izango dira eta bertako lehendakariak bileren egutegia eman beharko du ezagutzera; hasiera batez, ekaineko bigarren astetik aurrera, hamabostero izango direlarik.
Batzorde bakoitzaren lehendakariak bileretako aktak zein aztergai zerrendak banatuko dizkie zinegotzi guztiei eta horrela eskatzen duten erakunde edo talde antolatuei.
Bilerei dagokien dokumentazioa eskuratu ahal izango du Udal bulegoetan idatziz hala eskatzen duen edozeinek.
Batzorde Informatiboen betekizunak dira:
a.- Aurrez diktamena eman, Osoko Bilkuraren erabakira jarri behar diren bere alorreko gaiei buruz.
b.- Batzordeko lehendakariak proposatutako gaiei buruz informatu eta beroiek eztabaidatu.
c.- Dagokion alorreko gobernu eta gestio lanak kontrolatu, Batzordeko lehendakariari galderak zuzenduz.
d.- Dagokion arloaren ihardunbideak eztabaidatu.
1) Hirigintzako Batzorde Informatiboa.
Hurrengo gaiez informatzea dagokio:
- Hirigintzaren plangintza eta gestioa.
- Etxebizitza politika.
- Obra lizentziak (aurrekontua 500.000 peztatik gorakodenean).
- Hiri-ondare artistikoaren kontserbazioa.
- Berdegune, kirol-leku eta parkeen antolakuntza.
- Industrialdeen birgaikuntza eta finkapena.
- Industri ihardueren kontrola.
- Bide antolakuntza.
- Nekazal gunearen antolamendua (baserriak, mendiak eta bideak).
2) Gobernu eta Barne Batzordea Informatiboa.
Hurrengo gai hauetaz informatzea dagokio:
- Pertsonalgoa ( Langileak hautatzeko oinarriak, enplegua sustatzeko hitzarmenak, langileen ordezkapenen egutegia, soldata aurrerapenak, baimenak, eszedentziak,..)
- Trafikoa.
- Zentsua-Errolda.
- Estatistikak.
- Udal dependentzia eta Instalazioen kontrola.
- Zaintza.
- Taxiak.
- Zehapenak.
- Udal Inbentarioa.
3) Finantzak eta Hazienda Batzorde Informatiboa.
Berari dagokio urteko egoera eta kontuen azterketa eta txosten ematea, non jasoko diren urtealdi bakoitzean zehar egindako aurrekontuzko eragiketa guztiak, independiente eta laguntzaileak, ondarezkoak eta diruzaintzakoak, Hazienda Lokalak Erregulatzen dituen Abenduaren 28ko 39/88 Legean xedatutakoari jarraiki, gure kasuan, Udalaren aurrekontuak berak osatzen dituenak.
Berari dagokio, beraz, udal aurrekontua aztertzea. Zergak, gastuak, zordunketa, maileguak eta kredituak.
4) Ingurunea Batzorde Informatiboa.
Gai hauetaz informatuko du:
- Kutxadura eta ingurugunea.
- Mendiak basotzea eta kontserbatzea.
- Parke eta jardinen kotserbazioa.
- Kirol-tokien kontserbazioa.
5) Zerbitzutako Batzorde Informatiboa.
Gai hauen azterketaz arduratuko da:
- Desinfekzioa eta arratoi-hilketa.
- Urak.
- Estolderia.
- Argiteria.
- Kanposantua.
- Merkatua.
- Zabor bilketa eta orohar garbiketa zerbitzuak.
- San Markos eta Añarbeko Mankomunitateak.
6) Gizarte Ongizate eta Osasun Batzorde Informatiboa.
Batzorde hau gai hauetaz arduratuko da:
- Jubilatuen egoitza.
- Prebentziozko eskola-medikuntza.
- Zaharren egoitza.
- Anbulategia.
- Benefizentzia.
- Drogamenpekotasuna.
- Sanitatea.
- Sanitate-Ikuskaritza.
- Haurtzaindegia.
7) Euskara Batzorde Informatiboa.
Aipatu Batzordeak hurrengo gai hauetaz informatuko du:
- Sentsibilizazio kanpainak.
- Ikerketa soziolinguistikoa.
- Euskalduntzea.
8) Kultura eta Hezkuntza Batzorde Informatiboa.
Hurrengo gai hauetaz informatzea dagokio:
- Irakaskuntza: Eskolaurrea, O.H.O., eta abar...
- Liburutegia.
- Musika.
- Folklorea.
- Kultur ekintzak.
- Kirolak.
- Jaiak.
- Entitateak (Subentzioak).
Aipatutako Batzorde Informatiboen osakera:
Udalen Antolakuntza, Iharduera eta Erregimen Juridikoari buruzko araudiaren 125.a artikuluan ezarritakoari jarraiki, lehen aipatutako Batzorde Informatiboen lehendakaritza ondoren aipatzen diren korporaziokideengan delegatzen dut:
1 - Hirigintza Batzordea:(ez da delegatu) Aitor Sarasola J.
2 - Gobernu eta Barne Batzordea: Mikel Mitxelena J.
3 - Finantzak eta Hazienda Batzordea: (ez da delegatu) Aitor Sarasola J.
4 - Ingurugiroa Batzordea: (ez da delegatu) Aitor Sarasola J.
5 - Zerbitzutako Batzordea: Josu Pontesta J.
6 - Gizarte Ongizatea Batzordea: Gemma Arrillaga A.
7 - Euskara Batzordea: Jose Luis Agirretxe J.
8 - Hezkuntza eta Kultura Batzordea: Karmele Legorburu A.
Ordezkaritza duen talde politiko bakoitzak bere ordezkari titularra eta horren ordezkoa izendatzeari ekingo dio. Beraz, ordezkariak izendatzea dagokie ondorengo taldeei:
- P.N.V. (1)
- P.S.O.E.(1)
- E.A. (1)
- E.U.E. (1)
- Independentea:J.A.Dozagarat J.
Guztiak ahots eta botuez, diktamenak bozkatzeko botu ponderatuaren sistema erabiliko delarik.
Erakunde edo talde antolatu bakoitzak bere ordezkaria izendatu ahal izango du.
Lezoko edozein biztanlek bertan parte hartu ahal izango du aplikagarria den legediak ezartzen duen bezala.
Azkenik aipatu, dagokion batzorde informatiboan, idazkari gisa, izaera iraunkorraz, ondokoak arituko direla:
1 - Hirigintza: Udal Arkitektoa.
2 - Gobernu eta barne batzordea : Udal Idazkaria.
3 - Finantzak eta Hazienda: Udaletxeko Kontuhartzailea.
4 - Zerbitzuak: Udal Aparejadorea.
5 - Gizarte Ongizatea: Gizarte Laguntzailea.
6 - Euskara: Euskara dinamizatzailea.
Era berean erabaki da Batzorde Informatiboetako dokumentazioa zinegotzi guztiei bidaltzea.
4. - Organo Kolegiatuetan korporazioaren ordezkariak izendatzea, Plenoaren konpetentzia denean.
Alkateak proposatu du puntu hau bozkatzea Industrialdeari buruzko atala kanpo utziaz.
Beste interbentziorik ez dagoenez bozketari ekin zaio eta gehiengo absulutuz, Sarasola, Pontesta, Legorburu, Arrillaga, Mitxelena, Agirretxe eta Dozagarat J/A.en aldeko botuez eta Urrestarazu, Garbizu, Zabaleta, Martiarena, Boto eta Varela J/A.en aurkakoez, onartu da Organu Kolegiatuetan Korporazioaren ordezkari honako hauek izendatzea:
1.- 7.D poligonoko Konpentsazio Junta; Aitor Sarasola Salaberria J.
2.- Añarbeko Mankomunitatea; Josu Pontesta Garmendia J.
3.- San Markoseko Mankomunitatea; Josu Pontesta Garmendia J.
4.- Ibai-Ondoko Mankomunitatea; Karmele Legorburu Irazu A.
5.- Behemendi; Josu Pontesta Garmendia J.
5. - Alkatetzaren proposamena, Alkatearen ordainketei buruz.
Urrestarazu Ak hitza hartu du, esateko kezkagarria iruditzen zaiola Alkateari 13. maila jartzea Udaltzainen Kaboak, Euskara Dinamizatzaileak edo musika akademiako zuzendariak maila altuagoa dutenean.
Alkateak erantzun du maila berak aukeratu duela, Herri Batusunako taldekideekin batera, eta azken finean bere soldata izango dela hori.
Varela Jk dio proposamenean Alkatetzaren ordainketak aipatzen direla bainan bidalitako panfletoetan ez direla inon azaltzen ez gobernu taldekideenak ezta oposizioko zinegotzienak. Era berean dio, legediaren arabera Alkateak hori baino askoz gehiago kobratu behar duela.
Alkateak esan du hemen erabaki nahi dena Alkatearen ordainsaria dela soilik, besteak lehen bezala jarraitzen dutelarik.
Bozketari ekin zaio eta gehiengo absolutuz, Sarasola, Pontesta, Arrillaga, Legorburu, Agirretxe, Mitxelena eta Dozagarat J/A.en aldeko botuez eta Urrestarazu, Martiarena, Zabaleta, Garbizu, Boto eta Varela J/A.en aurkakoez, hitzez hitz honela dion proposamena onetsi du:
1.- Aitor Sarasola Salaberria Alkate J.k erabateko dedikazioz beteko ditu bere karguari dagozkion betekizunak, urtean 2.975.588 peztako ordainsaria izango du (ARCEPAFEko 13. maila).
2.- Aitor Sarasola J.ri bere lanpostuan dagokion exzedentzia ematen zaion unetik ekarriko ditu ondorioak aipatu erabateko dedikazioaren ezagupenak.
3.- Gizarte Segurantzako Lurralde Diruzaintza Orokorraren aurrean, Aitor Sarasola Salaberria J. korporaziokidearen afiliazioa eta alta eskatuko dira, udalak beregain hartuko dituelarik Gizarte Segurantzako Erregimen Orokorreko Arauek enpresei, beren zerbitzura dauden langileei dagokionean, ezartzen dizkien betebeharrak.
4.- Udalbatzak beregain hartuko du dagokion enpresa-kuotaren ordainketa.
Bozketaren ondotik Boto Jk hitza hartu du esateko harritzen dela Dozagarat Jk orain proposamen honi baiezkoa ematea, hau da korporaziokideek lehen kobratzen zutena kobratzearen alde egotea.
Dozagarat Jk dio hemen onartu dena Alkatearen soldata dela eta ez korporaziokideena. Aurrekontua dekretu bidez onetsi zela eta dekretu bidez aldatu behar dela eta bitartean Delegatuek ezarritakoa kobratuko dutela.
Varela Jk dio Agirretxe eta Mitxelena J. ez zeudela eta eskatu du aktan behar bezala jasorik gera dadila aurrekontua dekretuz ala plenuan onartuak izan diren.
Idazkariak argitu du aurrekontua hastapenez plenoak onartu zuela; ondoren jendaurrean azaldu zela eta izan ziren erreklamazioak dekretuz ebatzi zirela.
Alkateak esan du badagoela aprobazioari buruzko dekretu bat eta zenbaitek presa haundia izan zutela soldata (650.000 pezta) aurrekontuak berak publikatu aurretik kobratzeko.
El Sr. Boto dice que no sabe quién ha cobrado ese dinero, que él no ha cobrado nada desde primeros de año. Añade además que por culpa de Herri Batasuna, o por culpa de la Secretario o de no sabe quién estuvieron 9 meses para poder tomar posesión de un concejal lo mismo que Eusko Alkartasuna estuvo 6 meses.
Secretaría responde que el expediente está a disposición del Sr. Boto y que en él aparecen todos los trámites que se realizaron.
6. - Eskumenen delegazioari eta Gobernu Batzordekideen izendapenari buruzko 25, 27, 28, 29, 30, 31 eta 32 Alkatetza Dekretuen berri ematea.
Alkateak adierazi du beste alderdiekin elkarrizketatu direla eta elkarrizketek jarraitzen dutela eta Herri Batasunaren asmoa dela beste alderdiak ere Gobernu Batzordean eta gainerako batzordeetan parte har dezatela.
Boto Jk galdetu du elkarrizketa horiek alderdiekin izan diren edo pertsona jakin batzuekin.
Alkateak erantzun du ez dela deialdi formalik egin, bainan P.S.O.E. alderdiko zinegotzi batekin hitz egin zuela, hala ere oraindik prozesua irikia dagoela eta P.S.O.E.k nahi badu deialdi formal bat egingo ziola.
El Sr. Boto dice que él no pide que se realice una convocatoria formal, simplemente que se aclare y que conste en acta que no se ha realizado ninguna convocatoria formal.
El Sr. Varela manifiesta que Herri Batasuna puede convocar a los partidos que le interesan, que si a ellos no se les ha convocado es porque no les interesa y que no hay que darle más vueltas a la cosa, " !Ahí va la hostia!".
El Sr. Boto quiere que conste en acta que no ha habido convocatoria formal y se ha hecho a ciertos partidos.
7. - Lezoko Planeamenduko Arau Subsidiarioetako 2. Sektoreko Plan Partzialari dagokion espedientearen tramitazioa etetea onartzeko proposamena.
Alkateak puntu honi dagokionean dio badirudiela adostasunik ez dagoela hala ere egoki ikusi duela gai hau plenora ekartzea batetik gaiak berak duen garrantziagatik eta bestetik maiatzaren 20rako erantzun bat eman behar delako.
Jarraitu du esanez hemen egiten den planteamenduak gaia aztertzeko konpromezua eskatzen duela alderdien aldetik, proposatzen dena zera dela, hain zuzen, 2. Sektoreko Plan Partzialaren tramitazioa bertan behera uztea eta Udaletxe bezala gaia sakonago aztertzea, ikusirik Aholku Batzordeetan adostasun batetara ez ginela iristen eta Gobernu Batzordeak berak ere Plan Partzialari buruzko beste estudio bat eskatu zuela.
Martiarena Jk esan du Dozagarat Jk lurrekin zenbait aldaketa egin nahi zituela (Pacto de Irurzun) Sector 1 zabaldu, futbol zelaia egin eta bereak libre utzi industrial egiteko eta hori horrela gertatu zela biak goizeko bederatzietan joan ziren egun batean "cuando éramos amigos, ya me entiendes". Jarraitu du esaten ezin duela inondik ere onartu tailer industrialak etxeen aldamenean egitea "no cuadra". Era berean galdetu du zergaitik gai hau lehenago ez den plenora ekarri.
Alkateak planteatu du gai hau Hirigintza Batzordean aztertzea, promotoreak dokumentazioa osatzen duen bitartean.
Garbizu Jk dio Plan Partzial bat badagoela, arauak hor daudela eta horrekin bat datorren ekimen bat aurkeztua izan dela, beraz ez duela ulertzen zergaitik prozesua atzeratu nahi den. Alkateak dio kezkak argitzeko egokiena gaia Hirigintza batzordean aztertzea dela eta ez duela inongo arazorik batzorde hori hurrengo astean egiteko.
El Sr. Boto afirma que se ha llegado a este punto por que el asunto se ha dilatado, que además Herri Batasuna se comprometió a dar una alternativa y que aunque se ha dicho que Lopene no tiene nada que ver con ésto, que a su parecer sí lo tiene porque en el mismo sitio que los planos del Sector 2 están los de Lopene y que la misma jugada es la del Sector 2 que la de Lopene.
Continúa diciendo que ellos lucharán para que Lopene no sea industrial, para que en el Sector 2 no se haga un maremagnum o una construcción similar a la de Urdaburu y para que no se utilice ésto para hacer virguerías o pagar cosas.
Alkateak dio gai aztertu beharra badago ere aurretik erantzun bat eman behar dela.
El Sr. Varela afirma que en la anterior legislatura, estando Mikel Arrizabalaga de Alcalde y él en la Comisión de Urbanismo, Alcaldía dijo "de Orbegozo para abajo ningún polígono industrial".
Interbentzioak behin amaiturik, proposamena bozkatzeari ekin zaio eta gehiengo absolutuz onartu da, Sarasola, Legorburu, Arrillaga, Mitxelena, Agirretxe eta Dozagarat J./A.en aldeko botuez eta Urrestarazu, Garbizu, Zabaleta, Martiarena, Boto eta Varela J./A.en kontrakoez.
Aktaren amaiera.
Eta beste aztergairik ez dagoenez, Alkatetza Lehendakaritzak hogei orduak eta berrogeitamabost minutuetan bukatutzat eman du batzarraldia, bertan diren zinegotzi guztiek sinatzen duten akta hau jasorik eta nik, behin-behineko Idazkari gisa, hau guztia ziurtatuz.