Ikus-entzunezko emanaldia

Lourdes Iriondo Ez dok hamairuko kidearen eta Euskal Herriak emandako artista handiaren obran oinarritutako ikuskizuna. Lan honen bitartez, Lourdesen kantak eta Hego haizearen ipuinak (1973) berriz ere plazara ekarri nahi izan dituzte egileek, haren irudi sinbolikoekin jolastuz, musikarekin amestuz, eta Lourdesek utzitako ondarea berreskuratuz. 

1979an, Three Mile Islandeko (Harrisburg, AEB) istripu nuklearraren ondotik, eta Ingurumenaren Nazioarteko Egunaren ospakizunekin bat eginez, -ekainaren 3an-, nazioarte mailako mugimendu antinuklearrak hainbat mobilizazio antolatu zituen. Gurean, mobilizazioa Tuteran burutzea erabaki zen. Izan ere, euskal kostaldean programatutako hiru zentral nuklearrez gain (Lemoiz, Ea-Ispaster eta Deba), Arguedasen laugarren bat gehiago eraikitzeko proiektua bait zegoen, Tutera alboan, alegia. Deialdi hartan, era berean, Bardeetako tiro- eremua desegitea ere aldarrikatu zen.

Gladys del Estal Ferreño Tuterara joan zen baina ez zen itzuli. Guardia Zibil baten tiroak bizitza kendu zion manifestaldi baketsu eta baimendu hartan. Dokumental honek asmo bikoitza du: batetik, 23 urteko gazte hau zein zen eta gertakariok nola jazo ziren ezagutarazi nahi du; eta bestetik, Euskal Herrian eta mundu zabalean zentral nuklearren ezarpenaren kontra 70ko eta 80ko hamarkadetan gauzatutako erresistentzia prozesua ulertzen lagundu.

Baina dokumentalak deskribatzen duen errealitatean, Gladys ez zen izan bortizki hil zen pertsona bakarra. Gazte ekologistaren heriotzaren aurretiazko eta ondorengo gertakariak jaso ditu filmeak eta garaiko euskal gizartearen gehiengoa erakarri zuen mugimendu soziala irudikatu du.

Europa Transit autobusak Europako hamar hiritara egingo du bidaia. Hiri horiek gerrak eta gatazkak bizi izan dituztenak dira; zehazki, honako hauek: Ceuta, Belfast, Dresden, Wroclaw, Kaliningrado, Pristina, Sarajevo, Plovdiv, Istanbul eta Pafos.
Helburua da europar nortasunari buruzko mosaiko digital bat lortzea, Europa plural baten hainbat nortasun-ikuskera agerian jartzeko. Datozen urteetan ere osatu ahal izango da mosaikoa. Urtarrilaren 22ko goizean, autobusa Donostian zehar ibiliko da, eta 12:00etatik 15:00ak arte (ordu horretan abiatuko da), Alderdi Ederren aparkatuta egongo da, herritarrek ikus dezaten.

Lionel Frost ikertzaileak mitoak eta munstroak ditu ikergai, eta izaki arraro eta maitagarri bat aurkituko du, bere espezieko azkena, eta Mr. Link izena jarriko dio. Frostekin batera, Mr. Linkek bidaia zoragarri bezain dibertigarri bati ekingo dio duela asko galdutako bere lehengusu Yetiak aurkitzeko asmoz. Horretarako, Adelina Fortnight abenturazale adoretsuaren laguntza izango dute, beronek baitauka Yetien kokagunea adierazten duen mapa bakarra. Hirurek, elkar hartuta, arrisku ugari gainditu beharko dituzte helmugara iristeko. 

Fitxa

• Jatorrizko izenburua: Missing Link
• Estreinaldi-urtea: 2019
• Generoa: Animazioa, abenturak, komedia
• Herrialdea: Ameriketako Estatu Batuak
• Iraupena: 95 minutu
• Kalifikazioa: Publiko guztientzat egokia
• Zuzendaria eta gidoigilea: Chris Butler
• Musika: Carter Burwell
• Produkzio-etxeak: Laika Entertainment, Annapurna Pictures
• Ekoizpena: Arianne Sutner, Travis Knight
• Banaketa: Michèle Abitbol-Lasry, Séverine Lajarrige

Charlie txikia Playmobil-eko munduan imatumagikoan bat-batean desagertzen denean, haren arreba Marlak bere bizitzako bidaia hasiko du hura etxera ekartzeko.

Mundu sinestezinetan barrendua hala eta ezinezko erronkak gainditzen dituela, Marla-k Del sukaldari berritsua bezalako lagun berri eta dibertigarriak aurkituko ditu, Rex Dasher itxura oneko agente sekretu karismatikoa, bihotza baino ez den errobota, amabitxi xelebre bat eta askoz ere pertsonaia gehiago.

Laure, 10 urteko neskatila, beste auzo batera joango da bizitzera gurasoekin eta ahizpa txikiarekin batera. Auzoan lagun berriak egingo ditu eta joko eta barre algaraz igaroko du uda. Laurek, hala ere, sekretu bat du: bere burua Mickäel mutiltzat aurkezten du. Lisa, taldeko neska bat, harekin maiteminduko da Mickäel dela pentsatuz, eta horrek egoera korapilatsuak eragingo ditu.

Fitxa

• Estreinaldi-urtea: 2011 (Filmazpit katalogoan 2019tik)
• Zuzendaria eta gidoigilea: Céline Sciamma
• Aktoreak: Cheyenne Lainé, Jeanne Disson, Malonn Lévana, Mathieu Demy, Noah Véro, Ryan Boubekri, Sophie Cattani, Yohan Véro, Zoé Heran
• Herrialdea: Frantzia
• Jatorrizko hizkuntza: Frantsesa
• Gaia: Sexua aukeratzeko eskubidea
• Iraupena: 84 minutu

Iñaki Otxoa de Olza Seguin alpinistaren testigantza bizia jasotzen duen dokumentala da hau. Ez du bere heriotza kontatzen, bere bizitza baizik. Eta artxiboko materialetik abiatuta egiten du, askotariko iturrietatik berreskuratuta. Aitak bere hitzaldiak grabatu zituen zintak, lagunen argazkiak, irudi zaharrak, familian filmatutako zortzi milimetroko filmak. Material horretatik erreskatatutako Iñakiren ahotsak Nafarroarekin, bere familiarekin eta mendiarekin duen harremanaz hitz egiten digu. Eta, mendiarekin duen harremanaren bidez, ahaleginaz, naturaz, adiskidetasunaz, zoriontasunaz eta heriotzaz hitz egiten digu. Iñakiren ahotsak, bere aurkezpenetan beti bezala, gure kontzientzia akomodatu egiten du, benetakoari begiak irekitzen dizkio eta bizitza esnatzera bultzatzen gaitu.

Patrizio Etxebeste (Ramon Agirre) alkatetza uztera behartuta ikusten da "osasun arazoengatik". Udaleko agintea ez galtzeko asmoz, Maria Luisa (Elena Irureta) bere emaztea herriko lehen emakumezko alkatea izendatzen du. Maria Luisak oso serio helduko dio lan berriari eta udaletxeko funtzionamendua goitik behera aldatuko du, Patriziorekin duen harremana eta etxeko giroa hankaz gora jarriz.