2019KO URTARRILAK 28

Lezon, 2019ko urtarrilaren 28an, astelehena, goizeko 8:00ean hasi du Tokiko Gobernu Batzarrak BILKURA OHIKOA udaletxeko Gobernu Batzar aretoan, lehen deialdian, Jesus Maria Martiarena Jaca, Alkatearen, lehendakaritzapean, Maria Noemi Arberas Oses, Irlentz Ortega Ugalde, Miguel Ángel Sánchez Antúnez (EAJ-PNV udal taldea) eta Jose Angel Sanchez Gallardo (Eusko Sozialistak-Socialistas Vascos).

Idazkari gisa Xabier Loiola Aristi aritu da.

AKTA ONARTZEA / APROBACIÓN DE ACTA.

1. Egoki irudituz gero, 2019ko urtarrilaren 14an egindako bilkurako akta onartzea (2019ID210001)

Akta inolako aldaketarik gabe onartu da.

HIRIGINTZA, OBRA ETA ZERBITZUAK

2. Elias Salaberria Hiribideko espaloia berritzeko Obra kontratazioa: Lehen zertifikazioa eta ondorioz dagokion faktura onartzeko proposamena (2018H0100002).

2018ko azaroaren 8an K18/0009 kontratua sinatu zen Construcciones Echaide, S.A. enpresarekin Lezoko Elias Salaberria Hiribideko espaloia eraberritzeko obra gauzatzeko. Kontratu honen zenbatekoa 217.850,57 € takoa da.

2018ko abenduaren 31ean lanen zuzendaritza daraman A.E. (udal arkitektoak) eta I.E.k (udal arkitekto teknikoak) Elias Salaberria Hiribideko espaloia eraberritzeko obraren lehen obra ziurtapena sinatu zuten, eta lanen esleipenduna den Construcciones Echaide S.A. enpresak lehen ziurtapen horri dagozkion lanen faktura igorri du.

Obra zuzendariak lehen ziurtapena sinatu dutela ikusirik, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Aurkeztutako 43.005,34 eurotako (B.E.Z. barne) lehen zertifikazioa eta ondorioz dagokion faktura onartzea, aipaturiko Elias Salaberria Hiribideko espaloia eraberritzea izeneko proiektuaren obra lanei dagokiena. (A-384 eta D-623)

3. Lurzati baten salmenta eskaintzari erantzuna emateko proposamena. (2018H0380002).

I.O.H. jaunak, 2018ko urriaren 29an (sarrera kodea 2545) Lezoko Udal erregistroan aurkeztutako idatzian bere jabetzakoa den partzela baten salmenta eskaintzen dio Lezoko udalari, zehazki, Lezoko katastroaren 01-136 partzelaren %80a.

Eskaintzarekin batera partzelaren ziurtagiri bat aurkezten du, non jasotzen den partzelaren azalera guztira 8.880 m2-koa dela, baita kokapen planoa ere. Interesatuak adierazten duenez, mota desberdinetako zuhaitzez osatutako partzela da, ehuneko handi batean bertako haritzak direlarik, baita pago, gaztainondo, pinu eta platanondoak ere.

Aurkeztutako idatzian interesatuak 2,75 euro/m2-ko prezioa eskaintzen du. Kontuan izanda 8.880m2-ko partzelaren %80 dela eskaintzen dena, 19.536,00 eurotako prezioan eskaintzen du.

Ingurumeneko Udal teknikariak egindako txostena ikusirik, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: I.O.H.ek Udalari eskainitako 01-136 partzelaren %80a erostearen aldeko txostena egiten dut.

BI: interesatuak eskainitako 2,75 euro/m2-koa ez dagoela justifikatua

HIRU: Eusko Jaurlaritzako Landaren eta Itsasertzaren Garapena eta Europako Politikak departamentuaren 2018ko martxoaren txostena eta eskaintzen den partzelaren ezaugarriak kontuan hartuta, 0,45 euro/m2-tik beherako prezioa finkatzea 01-136 partzelaren erosketarako.

4. Interal S.A enpresak aurkeztutako jarduera espedientea Eusko Jaurlaritzara helarazteko proposamena behar diren neurri zuzentzaileak ezar ditzaten (2018H0050004).

INTERAL, S.A. (A-20031126) enpresak Urune Kalea 24 zenbakian (Sagasti 103 Poligonoa) elikagaiak biltegiratzeko tramitatzen ari garen jarduera espedientea aztertu ondoren eta hau gauzatu ahal izateko, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Aipatu jarduera espedientea Eusko Jaurlaritzako Lurralde Antolamendu eta Ingurumen Sailera bidaltzea, behar diren neurri zuzentzaileak ezar ditzaten.

5. Kale Nagusia 5 zenbakiko eraikinean igogailua jartzeko obra baimena emateko proposamena (2018H0030011).

2018ko abuztuaren 2an B.L.G.k, Kale Nagusiko 5eko jabekideen izenean, aipatu eraikinean igogailua jartzeko obra baimena eskatu zuen (erregistro sarrera zenbakia 1929). Horretarako I.B.B. arkitektoak sinatzen duen proiektua aurkezten du, Euskal Herriko Arkitektoen Elkargo Ofizialaren 2017ko martxoaren 27 bisatu zigilua daraman eta gauzatze materialaren aurrekontua 70.118,86 euro izanik.

Udal teknikariak egindako txostena ikusi ondoren, Hirigintza, Ingurumen, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: M.B.L.G.ri, Kale Nagusiko 5eko jabekideen izenean, aipatu eraikinean, Igogailua jartzeko obra baimena ematea, ondorengo baldintza hauekin:

• Eskailera buru guztietan larrialdietarako argiztapena eta su-itzalgailuak jartzea derrigorrezkoa izango da.
• Igogailuak makina gela ez daukanean, eta makinak igogailuaren eremu berean daudenean, kasu honetan bezala, igogailua eta erabilera unitate bat (etxebizitza) bereizten dituen eraikuntza elementuaren akustika murrizteko indizea RA, 60 dBA baino handiagoa izan beharko dela. Era berean, igogailuen trakzio sistemak eraikuntzaren egiturara lotzeko baldintzak ere bete beharko dira, dardarak eraikin osora barreia ez daitezen, batez ere abiatzean eta gelditzerakoan.
• Zoru, horma eta sabaien akaberak moldatu beharko dira, eskatzen zaien suarekiko erreakzioa mailarekin beteko ez balute.
• Eskailerara ematen duten arrisku berezi lokalak konpartimentatu beharko dira.
• Obra lanak burutzeko obra hondakinentzat kontenedorea jartzea beharrezkoa ikusten bada, lurzoru publikoko okupazioaren eskaera egin beharko da dagokion tasak ordaindu ondoren.
• Obra, enpresa batek baino gehiagok, edota hainbat langile autonomoek egiten badute, obra gauzatzeko fasean segurtasun eta osasun koordinatzaile bat izendatuko da.
• Obren edo instalazioen tamaina ez da adierazitakoa baina handiagoa izango, eta alde horretatik edozein neurri gainditzea hirigintzako arau-hauste zigorgarri gisa hartuko da.
• Obra baimena aurkeztutako memorian azaldutako lanak egiteko baimena da, honenbestez ezingo da eraikinaren egitura osatzen duen elementurik aldatu, baldin eta aurretik dagokion proiektua eta egituraren kalkulua eta justifikazioa aurkezten ez badira.
• Obrak hasi baino lehen beharrezkoak diren segurtasun neurriak hartuko dira, eta lanak dirauten bitartean langileen segurtasun eta osasuna bermatzeko indarrean dagoen araudia bete beharko da. Halaber, obra inguruan dabiltzan oinezkoen segurtasuna bermatzeko segurtasun neurriak hartuko dira.
• Obrak ezingo dira burutu 21:00 eta 8:00 ordu bitartean, ez eta igande eta jaiegunetan. Udaltzainak baimendutako ordutegi kanpoan burutzen ari diren lanak gelditu araziko dituzte.
• Udalak obrak ikuskatzeko aukera izango du, bai obrak egiterakoan bai ondoren, lizentzia honetan ezarritako baldintzak bete direla egiaztatzeko
• Lanak hiru hilabeteko epean hasi beharko dira gehienez eta euren amaiera ezingo da baimena jasotzen denetik bederatzi hilabete baino beranduago izan.
• Lizentziak beti jabetza eskubidea kontuan izan gabe, eta hirugarrenei kalterik eragin gabe ematen dira, hau da, obra lizentzia eskuratzeak ez ditu beste baimen batzuen beharra ordezkatzen, eragin behar diren elementuak jabego partekatu batekoak badira.

BI: Hondakinen kudeaketa egokirako, D112/2012 Dekretuko 5. artikuluko 2.en atalean jasotzen den moduan, bermea jarri beharko da, eta berme horren zenbatekoa hondakinak kudeatzeko azterlanean jasotako aurrekontuaren %120a izango da, hau da, 289,47 x 1,2 = 347,36 euro alegia. Obra amaieran, aipatu dekretuan ezartzen diren baldintzak bete direla ziurtatuko da dagokion agirien bidez, eta ezaugarri horiek ez betetzeak bermearen itzulpena baldintzatuko du.

HIRU: Lizentzia ematearen gaineko eskubidetan, 3.505,94 euro ordaindu beharko ditu.

6. Jaizkibel Hiribidea 35 zenbakiko eraikinean igogailua jartzeko obra baimena emateko proposamena (2018H0030012).

2018ko abuztuaren 8an Ofiserv S.L. enpresako B.S.k, Jaizkibel Hiribideko 35eko jabekideen izenean aipatu eraikinean igogailua jarri ahal izateko obra baimena eskatu zuen (sarrera erregistro zenbakia 1966). Horretarako, I.A.O. arkitektoak sinatzen duen proiektua aurkezten du, Euskal Herriko Arkitektoen Elkargo Ofizialaren 2018ko abuztuaren 6ko bisatu zigilua daramana, eta gauzatze materialaren aurrekontuan 165.641,50 euro izanik.

Aurretik, 2018ko urtarrilaren 2an, I.V.T.ek, Lezoko Jaizkibel Hiribideko 35eko jabekideen izenean, aipatu eraikinean irisgarritasuna bermatzeko lanen proposamena aurkeztu zuen, eta egitasmoak atzeko patioan eragina duenez, proposamenaren bideragarritasunaren inguruan informazio urbanistikoa eskatu zuen (erregistro sarrera zenbakia 8).

Laburbilduz, 2018-05-04an emandako D18/0506 dekretuan hartutako erabakiari atxikitzen zitzaion informazio urbanistikoan jakinarazi zitzaien atzeko patioaren okupazioa gehienez 0,98 metrora murriztu beharra zeukatela, alboko eraikinetako leihoei ahalik eta eraginik txikiena egiteko.

2018ko urriaren 8an, Jaizkibel Hiribideko 37ko jabekideak ordezkatzen dituen A.M.S. abokatuak idatzia aurkeztu zuen (erregistro sarrera zenbakia 2385). Bertan adierazten du ondoko eraikinean burutu nahi den igogailuak atzeko patioaren zati bat hartuko dutela badakiela, baina ez zaiela proiekturik erakutsi, eta bere ordezkatuen leihoei egin diezaieken eragina ezagutu nahi dutela legeak ezarritako gutxieneko distantziak betetzen ote diren ziurtatzeko.

Bere garaian Jaizkibel Hiribideko 35eko jabekideek eskatutako informazio urbanistikoa 37koei ere jakinaraztea aurreikusi bazen ere, azkenean ez zitzaien igorri, eta horregatik, A.M. abokatuari helarazi zitzaion bere ordezkatuei eman ziezaien. Era berean, adierazi zitzaion Jaizkibel Hiribideko 35eko jabekideek obra baimena oraindik ez zutela eskuratu, eta udal ordenantzan ezartzen den prozedurari jarraituz, proiektua 20 eguneko erakustaldi publikoan jarriko genuela, eta ondoko bizilagun guztiei jakinaraziko zitzaiela.

Proiektua jendaurrean erakutsi da gutxienez hogei (20) eguneko epean, 2018ko abenduaren 1etik 2019ko urtarrilaren 2ra arte, Gipuzkoako Aldizkari Ofizialean azaroaren 30ean erakustaldiaren iragarkia argitaratu ondoren. Horren berri Jaizkibel Hiribideko 35 eta 37, eta Kale Nagusiko 24 eta 26eko bizilagunei atarietan jarritako bandoaren bitartez jakinarazi zitzain. Epe horretan ez da erreklamazio edo iradoskizunik jaso.

Udal teknikariak egindako txostena ikusi ondoren, Hirigintza, Ingurumen, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Ofiserv S.L. enpresako B.S.ri, Jaizkibel Hiribideko 35eko jabekideen izenean, aipatu eraikinean, igogailua jartzeko obra baimena ematea, ondorengo baldintza hauekin:

• Eskailera buru guztietan larrialdietarako argiztapena eta su-itzalgailuak jartzea derrigorrezkoa izango da.
• Igogailuak makina gela ez daukanean, eta makinak igogailuaren eremu berean daudenean, kasu honetan bezala, igogailua eta erabilera unitate bat (etxebizitza) bereizten dituen eraikuntza elementuaren akustika murrizteko indizea RA, 60 dBA baino handiagoa izan beharko dela. Era berean, igogailuen trakzio sistemak eraikuntzaren egiturara lotzeko baldintzak ere bete beharko dira, dardarak eraikin osora barreia ez daitezen, batez ere abiatzean eta gelditzerakoan.
• Zoru, horma eta sabaien akaberak moldatu beharko dira, eskatzen zaien suarekiko erreakzioa mailarekin beteko ez balute.
• Eskailerara ematen duten arrisku berezi lokalak konpartimentatu beharko dira.
• Obra lanak burutzeko obra hondakinentzat kontenedorea jartzea beharrezkoa ikusten bada, lurzoru publikoko okupazioaren eskaera egin beharko da dagokion tasak ordaindu ondoren.
• Obra, enpresa batek baino gehiagok, edota hainbat langile autonomoek egiten badute, obra gauzatzeko fasean segurtasun eta osasun koordinatzaile bat izendatuko da.
• Obren edo instalazioen tamaina ez da adierazitakoa baina handiagoa izango, eta alde horretatik edozein neurri gainditzea hirigintzako arau-hauste zigorgarri gisa hartuko da.
• Obra baimena aurkeztutako memorian azaldutako lanak egiteko baimena da, honenbestez ezingo da eraikinaren egitura osatzen duen elementurik aldatu, baldin eta aurretik dagokion proiektua eta egituraren kalkulua eta justifikazioa aurkezten ez badira.
• Obrak hasi baino lehen beharrezkoak diren segurtasun neurriak hartuko dira, eta lanak dirauten bitartean langileen segurtasun eta osasuna bermatzeko indarrean dagoen araudia bete beharko da. Halaber, obra inguruan dabiltzan oinezkoen segurtasuna bermatzeko segurtasun neurriak hartuko dira.
• Obrak ezingo dira burutu 21:00 eta 8:00 ordu bitartean, ez eta igande eta jaiegunetan. Udaltzainak baimendutako ordutegi kanpoan burutzen ari diren lanak gelditu araziko dituzte.
• Udalak obrak ikuskatzeko aukera izango du, bai obrak egiterakoan bai ondoren, lizentzia honetan ezarritako baldintzak bete direla egiaztatzeko
• Lanak hiru hilabeteko epean hasi beharko dira gehienez eta euren amaiera ezingo da baimena jasotzen denetik bederatzi hilabete baino beranduago izan.
• Lizentziak beti jabetza eskubidea kontuan izan gabe, eta hirugarrenei kalterik eragin gabe ematen dira, hau da, obra lizentzia eskuratzeak ez ditu beste baimen batzuen beharra ordezkatzen, eragin behar diren elementuak jabego partekatu batekoak badira.

BI: Hondakinen kudeaketa egokirako, D112/2012 Dekretuko 5. artikuluko 2.en atalean jasotzen den moduan, bermea jarri beharko da, eta berme horren zenbatekoa hondakinak kudeatzeko azterlanean jasotako aurrekontuaren %120a izango da, hau da, 1.760,00 x 1,2 = 2.112,00 euro alegia. Obra amaieran, aipatu dekretuan ezartzen diren baldintzak bete direla ziurtatuko da dagokion agirien bidez, eta ezaugarri horiek ez betetzeak bermearen itzulpena baldintzatuko du.

HIRU: Lizentzia ematearen gaineko eskubidetan, 8.282,08 euro ordaindu beharko ditu.

7. Kale Nagusia 21 eraikina eraberritzeko (eraikinaren eraberritze energetikoa gauzatzeko) obra baimena emateko proposamena (2018H0030014).

2018ko azaroaren 6ean, Basa Arquitectura enpresak, Kale Nagusiko 21eko jabekideen izenean aipatu eraikinaren eraberritze energetikoa gauzatzeko obra baimena eskatu zuen (erregistro sarrera zenbakia 2586). Horretarako Basa Arquitectura enpresako M.P.G. eta I.R.M. arkitektoek sinatzen duten proiektua aurkezten dute, Euskal Herriko Arkitektoen Elkargo Ofizialaren 2018ko urriaren 29ko bisatu zigilua daramana, eta gauzatze materialaren aurrekontua 73.414,84 euro izanik.

Udal teknikariak egindako txostena ikusi ondoren, Hirigintza, Ingurumen, Hirigintza, Ingurumen, Obrak eta Zerbitzuetako Zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Basa Arquitecturari, Kale Nagusiko 21eko jabekideen izenean, aipatu eraikinaren eraberritze energetikoa gauzatzeko obra baimena ematea, ondorengo baldintza hauekin:

• Fatxada eraberritzeko erabiliko diren materialek, koloreek eta akaberek Lezoko Hirigune Historikoa Birgaitzeko Plan Bereziaren ordenantzen 36. artikuluan ezartzen diren baldintzak bete beharko dituzte. Era beran, arropa esekitzeko sokak eraikinaren atzeko aldean jarri beharko dira, eta ez orain bezala, Kale Nagusian.
• Arotzeriak aldatzea aurreikusten ez bada ere, era berean, arestian aipatu 36. artikuluan ezartzen diren baldintzak bete beharko dira hauek aldatzerakoan, eta zentzu honetan, aipatu nahi da pertsiana bilgarriak ez direla onartzen, alde zaharreko tipologia tradizionalak eskatzen direlako, leiho-ate modukoak. Arotzeriei dagokionez ere, gogorarazi nahi da, energetikoko itxitura guztiak hobetzen badira, eta arotzeriak ez badituzte isolamendu termikorako antzeko ezaugarriak, bertan sortzen diren zubi termikoen efektua areagotuko dela, eta ondorioz, kondentsazioa arazoak eman litezkeela, eremu isolatu batean sortuko diren zulo bezala funtzionatuko baitute.
• Obra baimena memoriak azaltzen dituen lanak egiteko da, honenbestez, ezingo da eraikinaren egitura osatzen duen elementurik aldatu, baldin eta aurretik dagokion proiektua eta egituraren kalkulua eta justifikazioa aurkezten ez badira. Zentzu honetan, eskailera eraberritzean egiturazko elementu bat aldatu behar dela ikusten bada, dagokion eranskina aurkeztu beharko da erabilitako elementuak eskakizunak betetzen dituela ziurtatuz.
• Obren edo instalazioen tamaina ez da adierazitakoa baina handiagoa izango, eta alde horretatik edozein neurri gainditzea hirigintzako arau-hauste zigorgarri gisa hartuko da. Obra egiterakoan sartu nahi den edozein aldaketa jakinarazi egin beharko da.
• Obrak burutzeko aldamioak jartzea aurreikusten da aurrekontuan, horregatik lanak hasi baino lehen, dagokion proiektua aurkeztu beharko da Udalean, eta aldamioak kokatzeko lurzoru publikoaren okupazioa behar izanez gero, behar den azalera zehaztu beharko da, okupazioari dagozkion tasak ordaindu beharko direlarik. Muntaketa lanen aurretik Udaltzainekin adostuko da kokalekua.
• Obra lanak burutzeko obra hondakinentzat edukiontzia jartzea beharrezkoa ikusten bada, lurzoru publikoko okupazioaren eskaera egin beharko da dagokion tasak ordaindu ondoren.
• Obra, enpresa batek baino gehiagok, edota hainbat langile autonomoek egiten badute, obra gauzatzeko fasean segurtasun eta osasun koordinatzaile bat izendatuko da.
• Obrak hasi baino lehen beharrezkoak diren segurtasun neurriak hartuko dira, eta lanak dirauten bitartean langileen segurtasun eta osasuna bermatzeko indarrean dagoen araudia bete beharko da. Halaber, obra inguruan dabiltzan oinezkoen segurtasuna bermatzeko segurtasun neurriak hartuko dira.
• Obrak ezingo dira burutu 21:00 eta 8:00 ordu bitartean, ez eta igande eta jaiegunetan. Udaltzainak baimendutako ordutegi kanpoan burutzen ari diren lanak gelditu araziko dituzte.
• Udalak obrak ikuskatzeko aukera izango du, bai obrak egiterakoan bai ondoren, lizentzia honetan ezarritako baldintzak bete direla egiaztatzeko
• Lanak hiru hilabeteko epean hasi beharko dira gehienez eta euren amaiera ezingo da baimena jasotzen denetik bederatzi hilabete baino beranduago izan.
• Lizentziak beti jabetza eskubidea kontuan izan gabe, eta hirugarrenei kalterik eragin gabe ematen dira, hau da, obra lizentzia eskuratzeak ez ditu beste baimen batzuen beharra ordezkatzen, eragin behar diren elementuak jabego partekatu batekoak badira.

BI: Hondakinen kudeaketa egokirako, D112/2012 Dekretuko 5. artikuluko 2.en atalean jasotzen den moduan, bermea jarri beharko da, eta berme horren zenbatekoa hondakinak kudeatzeko azterlanean jasotako aurrekontuaren %120a izango da, hau da, 1.054,35 x 1,2 = 1.265,22 euro alegia. Obra amaieran, aipatu dekretuan ezartzen diren baldintzak bete direla ziurtatuko da dagokion agirien bidez, eta ezaugarri horiek ez betetzeak bermearen itzulpena baldintzatuko du.

HIRU: Lizentzia ematearen gaineko eskubidetan, 1.835,37 euro ordaindu beharko ditu.

EUSKARA

8. Euskaraz Koop. Elkarteak 2018-2019 ikasturterako egindako diru laguntza eskaera ontzat jotzeko proposamena (2019KU080001).

2019ko aurrekontuetan, Euskaraz Koop. E. (AEK) jardueragatik 2018-2019 ekitaldia diruz laguntzea jaso zen. Esleipenerako espedientea aztertu ondoren, Alkatetzak proposaturik Tokiko Gobernu Batzar honek ondorengoa ERABAKI DU:

BAT: Euskaraz Koop. Elkartearen izenean, E.L.L. egindako eskaera ontzat jotzea.

BI: 2014-07-21ean Gobernu Batzordean onartutako aipatu erakundeak eta Lezoko Udalaren artean sinatutako Hitzarmenari dagokion 2018-2019 ikasturteko aurrekontua 15.00,00 €koa da. Beraz, aipatu ikasturterako dagokion dirulaguntza 15.000,00 eurokoa izango da eta 2140 (AD-13/2019) partidaren kargura egingo da.

HIRU: Ordainketa bi zatitan egingo da, proposamen honen onarpena jasota 10.500,00 (%70) eta behin ikasturtea amaituta eta zuriketa egin eta gero, beste 4.500,00 (%30), baldin eta balantzeak negatiboa izaten jarraitzen badu.

PERTSONALA

9. 2019. urterako Lezoko Unibertsitateko Udaleko lan eskaintza publikoa onartzeko proposamena (2019PE080001).

Udalbatzarrak 2018ko azaroaren 29an egindako osoko bilkuran, 2019. urteko lanpostuen zerrenda eta plantilla organikoa onartu zituen.

Egun hutsik dauden plazak kontuan harturik, Gobernu Talde honek premiazkoa jotzen du Modernizazioa eta Berrikuntza Teknikariaren lan postua lehen bai lehen betetzea.

Horiek horrela, 2019. urteko Lan Eskaintza Publikoa onartzea proposatzen da, hasera batean Modernizazioa eta Berrikuntza Teknikariaren plaza bakarrik barneratuz.

Dena den aurrerago lan eskaintza handitzeko aukera izango da.

Horiek kontuan izanik, Alkatetzak proposaturik Tokiko Gobernu Batzar honek ondorengoa ERABAKI DU:

BAT: Onartzea 2019. urterako Lezoko Unibertsitateko Udaleko Lan Eskaintza Publikoa.

Lan Eskaintza Publikoa, aurrekontuko dotazioa duen eta karrerako funtzionarioentzat jasoa den hurrengo plaza betetzeko da:

-Izena: Modernizazioa eta Berrikuntza Teknikaria.

- Postu kopurua: 1.

- Erregimena: Funtzionarioa.

- Sailkapen taldea: A1.

- Eskala: Administrazio Berezia.

- Azpieskala:Teknikoa.

- Klasea:Goi mailako teknikaria.

- Destino Osagarria: 21.

- Hizkuntza eskakizuna: 4.

- Derrigortasun data: 2019/01/01.

- Dedikazioa: %100

- Hornitzeko era: Oposizio lehiaketa.

BI: Onartutako Lan Eskaintza Publikoa, Gipuzkoako Aldizkari Ofizialean argitaratzea. Lan Eskaintza honen berri emango da baita Euskal Herriko Aldizkari Ofizialetan.

10. Udal honetan hutsik dagoen Modernizazioa eta Berrikuntza Teknikari plaza lehiaketa-oposaketa irekiaz betetzeko oinarriak eta deialdia onartzeko proposamena (2019PE090001).

Azterturik, udal teknikariek Modernizazioa eta Berrikuntza Teknikariaren plaza lehiaketa-oposaketa irekiaz betetzeko egindako oinarriak, Alkatetzak proposaturik Tokiko Gobernu Batzar honek ondorengoa ERABAKI DU:

BAT: 2019. urteko Lan Eskaintza Publikoan barneratua eta udal honetan hutsik dagoen Modernizazioa eta Berrikuntza Teknikari plaza, lehiaketa-oposaketa irekiaz betetzeko oinarriak onartzea eta deialdia egitea.

BI: Deialdi publikoaren oinarriak Gipuzkoako Aldizkari Ofizialean argitaratzea eta honen berri ematea Estatuko Aldizkari Ofizialean.

GIZARTE ZERBITZUAK

11. 2019rako Gizarte Larrialdietako Laguntza irizpideak onartzeko proposamena (2019GZ020001)

2019ko GLL/AES irizpideen espedientea aztertu ondoren, Gizarte Zerbitzuetako zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Gizarte Larrialdietarako Laguntza banatzeko, udal honetarako zehaztu diren irizpideak onartzea.

Hauek dira irizpideak:

• Gehienez bi kontzeptuengatik onartuko da laguntza. Hirugarren kontzeptu bat eman ahal izateko gizarte langileak beharrezko egoera bat dagoela baloratu beharko du, gizarte txostena bidez.
• Ondasun higikor modura 8.000€tik gorako aurrezkiak dituzten pertsonek ezin izango dute GLL/AES eskatu, baldin eta epe laburrean aurrezki horiek etxebizitza edo oinarrizko beharrak asetzeko behar izan, ulertzen delako bizikidetza unitatearen gastuei aurre egiteko biderik badutela.

• Kopuruak ondorengoak izango dira:
  
  DIRU KOPURUAK
  - Alokairua: Gehienez 3.000€/ urtean
  - Hipoteka: Gehienez 3.000€/ urtean
  - Mantenua: Gehienez 900€/urtean
  - Energia: Gehienez 900€/urtean
  

• Zorpetzeak: Gehienez 3.000€/urtean (gastu kontzeptu bakoitzaren gehienezko kopuruak kontutan hartuko dira)
  
• Altzariak eta elektragailuak: Gehienez 1.850€/urtean. (linea txuriko 2 aurrekontu aurkeztu beharko ditu, eta aurrekontu egokiena onartuko da)
  
• Etxebizitzako egokitzapenak: Gehienez 1.850€/urtean
  
• Oinarrizko beharrak: Gehienez 1.850€/urtean.
  
  ** Aho konponketak: eskatzaileak 2 aurrekontu eta haginlariak tratamenduari buruz sinatutako agiri bat aurkeztu beharko ditu
  
  Ez dira onartuko hortz-haginak ateratzea, oinarri estetikoa dituzten tratamenduak, inplanteak, ortodontziak, panoramikak ezta PADI programan sartzen diren gastuak ere.

12. V.M.F.L.ri famili eskuhartze programa luzatzeko proposamena (2018GZ310001).

V. M. F. L.ek familiak eskuhartze programa eskatzeko egin duen eskabidea eta gizarte langileak egindako gizarte txostena aztertu ondoren, Gizarte Zerbitzuetako zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Onartzea V. M. F. L.en parte hartzea, udalak eskaintzen duen familia eskuhartze programan apiriletik abendura bitarte.

BI: Lahar elkargoak gauzatuko du esku hartzea eta Udalak beregain hartuko du gastua, guztira 8.575,00€ (AD- 740).

13. N.M.M.ri famili eskuhartze programa luzatzeko proposamena (2018GZ310003).

N.M.M.-k familia eskuhartze programan parte hartzeko egin duen eskaera eta gizarte langileak egindako gizarte txostena aztertu ondoren, Gizarte Zerbitzuetako zinegotzi delegatuak proposaturik Tokiko Gobernu Batzar honek ondorengoa ERABAKI DU:

BAT: Onartzea N.M.M.ren eskaera udalak eskaintzen duen familia eskuhartze programarako 2019ko urtarriletik 2019ko abendura bitarte.

BI: Lahar elkargoak gauzatuko du esku hartzea eta Udalak beregain hartuko du gastua, guztira 3.297,00 € (AD-740).

ALKATETZA ETA DELEGATUAK

14. Alkatearen erabakien kontu ematea.

Azken Gobernu Batzarra egin zen ezkero 2019ko urtarrilaren 14az geroztik, hartutako erabakien berri eman du alkateak.

GALDE ESKEAK

15. Galde eskeak

Ez da izan galde eskaerarik.

Aktaren bukaera.

Alkate-lehendakariak, aztertzeko ziren gai guztiak aztertu ondoren, 8:45ean eman dio bukaera bilkurari. Idazkari naizen aldetik, akta 1244044tik 1244054ra zenbakiak dituzten orri ofizialetan jaso eta berrespena ematen diot alkatearen oniritziaz.