Lezon, mila bederatziehun eta laurogeita hamahiruko apirilaren hogeitabatean, hamaika orduak eta hogeita hamar minutuetan bildu da, Udaletxeko Biltzar Areto Nagusian, Udal Plenoa, egun honetarako deitutako batzarraldi arrunta ospatzeko xedez, lehen deiari erantzunez, Iñake Urrestarazu Azurmendi Alkate A.ren lehendakaritzapean eta ondorengo zinegotzi hauek bertan direla: Josu Mirena Pontesta Garmendia J., Aitor Sarasola Salaberria J., Gemma Arrillaga Albisu A., Karmele Legorburu Irazu A., Jose M. Boto Sancho J., Jesus Martiarena Jaka J., Jose Antonio Dozagarat Andueza J., Martzial Zabaleta Salaberria J., Jose Varela Pampin J., Pello Garbizu Azkue J., Jose Luis Agirretxe Mitxelena J. eta Mikel Mitxelena Iza J.
Idazkari gisa, Miren Bruño Azpiroz A. behin behineko funtzionaria aritu da.
Lehendakaritzak batzarraldia ireki eta publiko deklaraturik eta honi hasiera eman ahal izateko beharrezkoa den quoruma badagoela Idazkaritzak egiaztatu ondoren, Aztergai Zerrendan sartutako gaiak tratatzeari ekin zaio.
1. - 1.993.ko martxoaren 31ean ospaturiko batzarraldiko akta irakurri eta, egoki iruditzen bada, baiestea.
Gehiengo absolutuz onartu da, bertan dauden zinegotzi guztien aldeko botuez (bertan izan ez zelako Pello Garbizu J. abstenitu egin delarik) joan den martxoaren 31ean ospaturiko batzarraldiko akta, ondorengo zuzenketak eginez:
Erderazko aktan, 3a. puntuan gehitu behar da Oarso Aldea S.A. Sozietatea eratzeko batzorde informatibo bereziaren osaketa:
- Alkate-Lehendakaria: Iñake Urrestarazu Azurmendi A.
- Herri Batasunatik: Sarasola J. eta ordezkoa Legorburu A.
- Hirigintzako ordezkaria: Martiarena J. eta ordezkoa Zabaleta J.
- Bi teknikari: Idazkaria (Miren Bruño Azpiroz A.)
Kontuhartzailea (Pedro Etxarri J.)
Batzorde hau automatikoki iraungiko da xedetzat duen gaiaz informatu edo diktamena eman ondoren.
Beste aldetik, konstarazi da, Boto Jk eskatzen duela 3. b eta c puntuan aipatzen ez diren ordezkoak (E.A.J./P.N.V. eta P.S.O.E.renak hain zuzen) jartzea, zeren eta H.B.eko ordezkoak aipatzen bait dira soilik.
Beraz, akta honela gelditzen da:
3. puntuan b) atalean "............ Gizarte Ongizaterako ordezkaria: Varela J., ordezkoa Boto J....".
3. puntuan c) atalean "............ E.A.J./P.N.V.tik Martiarena J., ordezkoa Zabaleta J.", "P.S.O.E.tik Boto J.,ordezkoa Varela J".
2. - Elkarkidetza Pentsio Planaren kontrolerako batzordean Ordezkari Politikoa izendatzeko proposamena.
Udal Administrazioko funtzionariak Gizarte Segurantzaren Erregimen Orokorrean sartu eta MUNPAL desagertaraztea ezartzen duen Errege Dekretua azterturik.
Era berean, Elkarkidetza Pentsio Planaren helburua dena, hau da, Udal Administrazioko funtzionarientzat MUNPALek finkatzen zituen pentsioak osatzea, desagertzen dela ikusirik.
Aipatu Pentsio Fondorako diru ekarpenak Udaletxe honen gain izan direla (%60) kontutan hartuz, egoki ikusten da ordezkari politiko bat izendatzea Plan horren kontrolerako Batzordean, bertan, Udaletxe honek izendatutako ordezkari politikoaz gain, bertako bi funtzionarik ere parte hartuko luketelarik, partaide horien betekizun nagusia, ospatuko diren batzordeetan hitzez eta botuz esku hartzea delarik.
Bestalde, aipatutako batzordearen betekizun nagusia litzateke Pentsio Fondo horren kapitalaz egingo denaren jarraipena egin eta kontrola eramatea.
Guzti hori ikusirik , eta Aholku Batzordeak horrela proposatuta, Udalbatzak, gehiengo soilaz, Urrestarazu, Boto, Varela, Martiarena, Garbizu eta Zabaleta J/A.en aldeko botuez, eta Sarasola, Legorburu, Pontesta, Agirretxe, Arrillaga, Mitxelena eta Dozagarat J/A.en abstentzioez erabaki du Udalaren ordezkari gisa batzorde horretan Iñake Urrestarazu Azurmendi A. izendatzea.
Beste aldetik konstarazi da, Legorburu A.ren interbentzioa, bere taldearen botua arrazoituz hau diolarik, hots, ez zaiola egokia iruditzen, Gobernu Taldearen gaur egungo egoera ikusita, proposamen hau momentu honetan bozkatzea.
3. - Musika Akademiako langile den Beatziz Mitxelenak, egindako aurretiazko erreklamazioari dagokion ebazpen proposamena.
Beatriz Mitxelena Ibarguen Ak aurkeztutako erreklamazioa azterturik, non, finkoa egitea hala nola aintzinatasun plusa eta lanaldiaren kontsolidazioa eskatzen duen, eta Idazkaritzak emandako txostena ikusi ondoren.
Udalbatzaren osoko bilkurak, Aholku Batzordearen proposamenaz ahobatez erabaki du ondorengoa:
1. - Finkoa egitekoaren eskaera (5a. puntua) ezestea, aipatzen dituen gorabeheretatik bat ere ez delako ematen, aipatuz, gainera, horrela eman izan balira ere, finko izateko eskubiderik ez zuela bereganatuko, enpresa publikoa berdintasun, merezimendu, gaitasun eta objetibotasun printzipioei atxekirik bait dago.
2. - XI. ARCEPAFEren 73. artikuluan finkatzen den aintzinatasun plusa ezin dela gauzatu, beharrezkoak diren baldintzak betetzen ez direlako.
3. - Enpresa honekin izenpetutako obra kontratuan finkatutako lanaldia, alde bien askatasun eta adostasunez hitzartzen dela, eta inongo loturarik gabe, baldintzei dagokienean, lehendik izenpetuta egon daitezkeen beste kontratuekiko, ezin direlarik beraz aintzakotzat hartu 5c eta d ataletako eskaerak.
4. - Udal Aparejadorea den Joseba Eizagirre Jk egindako eskariari buruzko ebazpen proposamena (sarrera erregistroko 841 zduna).
Udaletxe honetako langilea den Joseba Eizagirre Manzisidor Jk aurkeztutako erreklamazioa azterturik, non, eskatzen duen Arkitektu eta Aparejadore - Zerbitzuburu lanpostuen balorazioei dagozkien ordainketa aldeak ordainduak izan dakizkiola, 1.987ko urtarrilaren 1etik hasita Arkitektua sartu zen arte, hau da 1.992ko apririlaren 21erarte.
1.990eko irailaren 11ko eta urriaren 2ko Udalbatzaren osoko bilkuraren erabakiak ikusirik, non, urrenez urren lanpostuen balorazioa eta adskripzioa onartzen zen, Eizagirre Manzisidor Jari Aparejadore - Zerbitzuburu gisa 18. maila ezartzen zitzaiolarik.
Ikusirik baita aipatu langileak 1.990eko irailaren 11ko eta urriaren 2ko erabakien aurka jarritako birjarpen errekurtsoa, non, Aparejadore- Zerbitzuburu lanpostuari egiten zitzaion balorazioa berrikustea eskatzen zuen, ez bait zen kontutan hartu Arkitektu lanposturik ez zegoenez, Sail horren ardura bere gain zegoela.
Era berean ikusirik 1.991eko urtarrilaren 31ko Udalbatzaren osoko bilkuraren erabakia, non, aipatu errekurtsoari buruzko ebazpena eman eta Joseba Eizagirre Manzisidor J. langileari 18. mailaren ordez 20.a ezartzea erabakitzen zen, 1.987ko urtarrilaren 1eko atzeraeraginezko ondorioetarako.
Udalbatzaren osoko bilkurak, Aholku Batzordearen proposamenaz, gehiengo absolutuz, Urrestarazu, Dozagarat, Garbizu, Sarasola, Pontesta, Arrillaga, Legorburu, Mitxelena, Agirretxe, Boto eta Varela J/A.en aldeko botuez eta Martiarena eta Zabaleta J.en aurkakoez, erabaki du ondorengoa:
Joseba Eizagirre Manzisidor Jk egindako eskaera ezestea, lehen aipatutako dokumentazioan jasorik dagoen bezala Arkitektu gisa izan zitzakeen betekizunak 2 maila gehiagoz baloratuak izan zirela bait deritzo.
5. - Alkatetzaren 16. Dekretuaren berrespen proposamena.
Ahobatez berretsi da Alkatetzaren 16. Dekretua, Lurralde-Antolakuntzarako Jarraibideen Aurretxostenari, oharpenak, galderak eta alternatibak aurkezteari buruzkoa.
6. - Oarso Aldea S.A. Merkatal Sozietatearen eraketari buruzko memoria hastapenez onesteko proposamena.
Garapenerako agentzia bat sortzeari buruz egindako memoria hastapenez onartzeko proposamena azterturik (aipatu zerbitzua gestionatuko duen Sozietate Anonimoaren estatutuekin batera); Udalbatzak, gehiengo absolutuz, bertan dauden zinegotzi guztien aldeko botuez, Dozagarat J.ren abstentzioa ezik, ondorengo hau erabaki du:
1. - Garapenerako agentzia bat sortzeari buruz egindako memoria hastapenez onartzea.
2. - 30 egun naturaleko epe batez, jendaurreko erakustaldian jartzea, interesa duten partikularrek eta entitateek dagozkion oharpenak egin ditzaten; alegaziorik ez balego, automatikoki behin betiko onartutzat hartuko delarik.
7. - Alkatetzaren eta Ordezkarien txostenak.
Alkate Ak jakinarazi du zentsura mozioa tratatzeko batzarraldi berezia, datorren asteazkenean, maiatzak bost, egingo dela.
Beste aldetik, Boto Jk, Joannes Etxeberri Ikastetxean izandako hondamenen berri eman du, eta horri buruz esan du, badirudiela horrelako gauzak ondo pasatzeko egiten direla. Esan du ere, haurrentzat oso arriskutsua dela kristal guztiak txikituta egotea.
8. - Galde eskeak.
Sarasola Jk galdetu dio Alkate Ari ea zer gertatzen den Aurrekontuari egindako erreklamazioekin.
Alkate Ak erantzun dio, datorren 23an bukatzen dela erantzuna emateko epea, eta badaukala erantzuteko asmoa.
Aktaren amaiera.
Eta beste aztergairik ez dagoenez, Alkate-Lehendakariak, hamabi orduetan, bukatutzat eman du batzarraldia, nirekin batera bertan diren zinegotzi guztiek sinatzen duten akta hau jasorik, eta nik, Idazkari gisa, hau guztia ziurtatuz.