Oarsoarrak

Kirola euskaraz bizitzeak hizkuntza-ohiturak sendotzen laguntzen duela nabarmendu dute eskualdeko udalek

Maiatzaren 11tik 22ra zabalik izango da 2026-2027 ikasturteko Eskola Kirolean izena emateko epea

Maiatzean Oarsoaldeko kaleak berriro ere pausoz beteko dira. Oiartzun, Lezo, Errenteria eta Pasaiako udalek herritarrak II. Mugiment Pausu Erronkan parte hartzera animatu dituzte, egunerokoan gehiago mugitu eta ohitura osasungarriak sustatzeko helburuarekin.

Eskualdeko gazteei euren gustuko erreferente euskaldunekin hitz egiteko eta egoteko aukera eskaintzea da Kuxkuxeroak egitasmoaren helburuetako bat. Saio hauek 12 eta 18 urte bitarteko gazteei zuzenduta daude, Kuadrillategin edo gazteei zuzendutako bestelako egitasmoetan parte hartzen duten Errenteria, Lezo, Oiartzun eta Pasaiako udalerrietako gazteentzat.

UDA 2026 Kirol Kanpaina lau udalek osatzen duten Eskualdeko Kirol Koordinazio Mahaiak antolatu eta bultzatu du aurreko urteetako arrakasta ikusita. Elkarlan honen helburuak, besteak beste, hauek izan dira: lau udalen baliabideak modu eraginkorragoan erabiltzea eta herritarrei aukera zabalagoa eskaintzea. Aurreko urteetan bezala, 16 urtetik gorakoentzat zuzendutako jarduerek ere izango dute lekua.

Eskuko telefonoarekiko mendekotasunaz eta ustekabean txertatzen dizkiguten bestelako mendekotasun edo joerei buruzko tailerrak egingo dituzte Oarsoaldeko euskaltegietako ikasleek datozen hiru asteetan. Maitane Ormazabal psikologo eta adituak emango ditu “Sakelako telefonoarekiko mendekotasuna" izeneko tailerrak apirilaren 22tik maiatzaren 7ra bitartean, Oarsoaldeko 6 euskaltegietan.

Eskualdeko frutategi eta barazki-dendetan euskararen presentzia sustatzeko lanketa aurkeztu dute udalek

Aurten ere errenta aitorpena euskaraz egiteko hautuak saria du. Parte hartu zozketan.

Joan zen ostiralean izan zen Agustinak Zentroan ENPATIKONOMIA jardunaldia, eta bertaratuek euskara gure bizimoduan, enpresetan eta gizartean errotzeko ideiak eta esperientziak partekatzeko aukera izan zuten. Enpatikonomiak ekonomia egiteko beste modu bat proposatzen du: enpresen jardueran pertsonak eta ingurunea kontuan hartzea, enpatiaz jardunez. Jardunaldian ikuspegi eta adibide ugari partekatu ziren norabide horretan.

 

Gazteak teknologia berrietan euskaraz ari daitezen bilatzen duen Asmazank! lehiaketa egingo dute aurten ere eskualdeko gazteek.

Ingurua eta ingurukoak kontuan hartzen dituen ekonomia inklusiboa da enpatikonomia eta ardatz hori hartuta, datorren martxoaren 13an, ostiralez, Oarsoaldea Garapen Agentziak antolatutako enpresei zuzendutako jardunaldia egingo da Errenteriako Agustinak Zentroan.

Joan zen otsailaren 8an Lezoko eta Pasaiako Kuadrillategiko eta Faktoriako gazteek irteera egin zuten Derioko Jumpyard jolas aretora. Eguraldi euritsuari aurre eginez, 117 gazte eta 15 hezitzaile goizeko 9:00etan abiatu ziren nor bere herri edo barrutitik.

2024-2025 ikasturtean, Oarsoaldeko eskola-kirolari lotutako desplazamenduen %45,18 modu jasangarrian egin ziren, hau da, ingurumena errespetatzen zuten 5.400 desplazamendu baino gehiago.

ZuBisualak Mintzagun tailer berriak otsailan Iñaki Martiarena “Mattin” ilustratzaile ezagunaren eskutik.

Oarsoaldeko kirol klubetan euskararen erabilera sustatzeko AKTIBATUZ! egitasmoak aurrera jarraitzen du, eta orain beste mugarri garrantzitsu baten atarian dago.

Abenduaren 15ean, Oiartzungo Elorsoro kiroldegian, komunitate bilera egin da, egitasmoaren lehen fasearen emaitza orokorrak, orain arteko ibilbidea eta hemendik aurrerakoak modu partekatuan aurkezteko.

Komunitate bileran proiektuan parte hartzen ari diren 8 kirol klubak, udaletako euskara eta kirol teknikariak eta politikariak eta egitasmoa gidatzen ari diren EMUN eta Soziolinguistika Klusterra egon dira.

Bileran orain arte egindako ibilbide osoaren azalpena eman da, diagnostiko faseko emaitza orokorrak aurkeztu dira, balorazio partekatua egiteko tartea izan da eta aurrera begirakoei buruz ere hitz egin da.

Gabonetan opariak ederragoak euskaraz. Gure eskualdean, Olentzero eta Mari Domingi guztiak poztuko dira jakitean Oarsoaldeko Euskara Batzordeak 0 urtetik 16 urtera bitarteko haur eta gazteentzat prestatutako Euskarazko Produktuen Katalogo berria plazaratu dela jakiteaz, ideia mordoa gabon hauetan euskaraz oparitzeko, maitasunez eta arduraz.

Edozein otordurentzako egoki eta goxo gertatuko den pintxo hotz sorta bat prestatzen ikasiko dute Carlos Nuez sukaldariarekin Oarsoaldeko euskaltegietako ikasleek datozen bi asteetan. “Mikro-sukaldaritza" izeneko tailerrak egingo dituzte azaroaren 17tik abenduaren 10era bitartean, Oarsoaldeko 6 euskaltegietan.

Aurtengo Mintzagun saria Jon Martijaren "Iturralde" film laburrak irabazi du

Oarsoaldeko Euskara Batzordeak 2010az geroztik banatzen duen Oarsoarrak Euskararen Saria hiru ostalaritza-espazio maitatu eta erroturi emango die aurten: Errenteriako Arkaitza tabernari, eta Oiartzungo Biok Janariak eta Gure Txoko jatetxeei.

Eskualdeko gimnasio eta soinketa zentroetan euskararen presentzia sustatzeko aurtengo kanpaina amaitzeko, botila tolesgarri berrerabilgarriak banatu dira.