Lezon, 2001eko uztailaren 16ean, goizeko 10:45 orduetan hasi du Gobernu Batzordeak BILKURA EZ OHIKOA Gobernu Batzordearen Gelan, lehen deialdian Aitor Sarasola Salaberria alkatearen lehendakaritzapean, Mikel Mitxelena Iza eta Inmaculada Muñoz Martinez zinegotziak bertan direlarik.
Idazkari gisa Xabier Loiola Aristi aritu da.
AKTAREN ONARPENA
1.- Egoki irudituz gero, 2001eko ekainaren 21an egindako bilkurako akta onartzea.
Aho batez onartu da, 2001eko ekainaren 21ean egindako bilkurako akta.
ALKATETZA
2.- Alkatearen erabakien eta adierazpenen berri ematea.
108. Dekretuaren berri eman da, zeinaren bidez Arrizabal Elkartea, S.L.. enpresari premiazko prozeduraz kalea garbitzeko makinaren hornidura 14.599.992 pezetetan esleitu zitzaion. Baldintzak 2001eko maiatzaren 24ko Gobernu Batzordeak onartu zituen. Gobernu Batzordeak esleipen dekretua berretsi du.
HIRIGINTZA ETA ZERBITZUAK
3.- Naturgasi obra lizentzia ematea gas naturalaren banaketa hodiak jartzeko obraren 2. faserako (Donibane, Agustina Lizarazu, Aralar, Auñamendi, Larrun eta Urdaburu kaleetan).
Lezoko Udalerrian gas naturala eramateko Sociedad de Gas de Euskadi, S.A. (Naturgas) enpresak aurkezturiko proiektua aztertuta eta Udal teknikoak egindako txostena ikusita, Alkatetzaren proposamenez, Gobernu Batzordeak hauxe ERABAKI DU:
BAT: Naturgas enpresari 2. faserako gas-hartuneko lanak egiteko baimena ematea. Aipatutako 2. faseak honako kale hauek barne hartzen ditu: Donibane, Agustina Lizarazu, Aralar, Auñamendi, Larrun, Urdaburu, hurrengo ataletan zehazten diren baldintzen arabera.
1.- Lanak ez dira hasiko aurtengo irailaren 17a baino lehen eta 5 hilabeteren buruan bukatu beharko dira, epe hori lanen hasieratik zenbatuta.
2.- Lanak hasi baino lehen, hauek behar bezala bukatuko diren berme gisa, enpresak aurrekontuaren zenbatekoaren diru kopuru bera eman beharko dio Udalari.
3.- Lanak hasi baino lehen, Udal zerbitzu teknikoekin batera lanen zuinketa egingo da Udalari aurkezteko.
4.- Halaber, lanen plangintza eta orokorrean hartu beharreko seguritate-neurriak aurkeztu beharko ditu. Orobat, Udal azpiegituretan gerta daitezkeen matxura eta edozein eraginen kasuan hartu beharrekoak aurkeztuko ditu. Halako lanetan arriskuen prebentziorako hartu beharreko neurriak hartuko ditu enpresak eta Udalari jakinaraziko dio astebete lehenago zein kaletan arituko den.
5.- Ur, argi-indar eta abarren Udal instalazioetan gertaturiko edozein haustura ahalik eta azkarren zuzendu beharko ditu enpresak.
6.- Lanak EUSKALTEL komunikazio enpresak egin beharreko kanalizazioen mende egongo dira, 1. fasearen antzera. Euskaltel-eko kutxeten kokapena, zenbakia eta tipologia adierazten duen planoa aurkeztu beharko du.
7.- Lezoko Udalarentzat kanalizazioa egitea bete beharreko baldintza da ere, 1. fasean egin zen baldintza berberetan.
BIGARRENA: Baimena emateko eskubideak direla kausa, lanak hasi baino lehen 532.000 pzta. ordaindu beharko ditu eta lan handiaren tasa 50.000 pezetetan dagoenez, guztira 582.000 pzta. ordaindu beharko ditu. Kitapen hau behin-behinekoa da. Beraz, Naturgas enpresak lanen azken kitapena aurkezten duenean behin-betikoa egingo da.
4.- Jose Antonio Echeveste Echeverriari obra lizentzia ematea, Txatxamendi kaleko 22.ean, (Ipintza Industrialdea) sotoa egiteko.
Jose Antonio Etxebeste Etxeberriaren izenean, Purificación Ferreira Sánchezek aurkezturiko exekuzio proiektua azterturik, Txatxamendi kalea, 22an (Ipintza Industrialdea) kokatua dagoen "Nave 1? deritzan pabiloi industrialean eraiki nahi den sotoaren obra-baimena emateko eskaria hain zuen, eta teknikari aholkulariak emandako txostena ikusirik, Gobernu Batzordeak zera ERABAKI DU:
BAT: Txatxamendi kalea, 22an (Ipintza Industrialdea) kokatua dagoen "Nave 1? deritzan pabiloi industrialean, Jose Antonio Etxebeste Etxeberriari soto bat eraikitzeko lizentzia ematea eraikinaren obra legeztatzeko ondoko puntuen arabera:
357.216 pezeta ordaindu behar ditu, sotoko %10aren irabazi-asmoko aprobetxamenduaren modura eta 143.214 pezeta eraikinen gaineko zergarengatik.
BI: Lanak behar duen Udal baimenik gabe egin duenez, zigor espedienteari hasiera ematea onartu da, instrukzio-egile Xabier Loiola Aristi eta idazkari Maite Hualde Abaitua izendatuz.
HIRU: Pabilioiaren lehen mailako okupazio lizentzia eskuratzeko, aurkeztu beharreko dokumentazioa egiteke gelditu da. Aipatu lizentzia hau ez da emango arestian aipatutako zerga guztien eta zigor espedientetik atera daitezkeenen kitapena eman arte.
5.- Purificacion Ferreira Sanchezi obra lizentzia ematea, Txatxamendi kaleko 24-26.ean sotoa egiteko.
Purificación Ferreira Sánchezek aurkezturiko exekuzio proiektua azterturik, Txatxamendi kalea, 24-26an (Ipintza Industrialdea) kokatua dagoen "Nave 2? deritzan pabiloi industrialean eraiki nahi den sotoaren obra-baimena emateko eskaria hain zuen, eta teknikari aholkulariak emandako txostena ikusirik, Gobernu Batzordeak zera ERABAKI DU:
BAT: Txatxamendi kalea, 24-26an (Ipintza Industrialdea) kokatua dagoen "Nave 2? deritzan pabiloi industrialean, Purificación Ferreira Sánchezi soto bat eraikitzeko lizentzia ematea eraikinaren obra legeztatzeko ondoko puntuen arabera:
1.- Obra-baimena behin-behinekoa da, Eusko Jaurlaritzaren Osasuna eta Ingurugiro departamenduek ezarriko duten neurri zuzentzaileen egokitzapenek baldintzatua baitago. Izan ere, pabiloiaren jarduera gogaikarriak, osasungaitz, kaltegarri eta arriskutsuen arautegiaren espedientea aldi berean tramitatzen ari baita.
2.- 358.783 pezeta ordaindu behar ditu, sotoko %10aren irabazi-asmoko aprobetxamenduaren modura eta 143.843 pezeta eraikinen gaineko zergarengatik.
BI: Lanak behar duen Udal baimenik gabe egin duenez, zigor espedienteari hasiera ematea onartu da, instrukzio-egile Xabier Loiola Aristi eta idazkari Maite Hualde Abaitua izendatuz.
HIRU: Pabilioiaren lehenengo okupaziorako baimena ez da emango arestian aipatutako zerga guztien eta zigor espedientetik sortu daitezkeenen kitapena egin dela ziurtatu arte.
6.- Flujoma, S.L.ri obra lizentzia ematea, Irurtzun kalea 79 (Sagasti Industrialdea) gas propanoa gordetzeko lurpeko depositoa egiteko.
José Gaztelumendik, Flujoma, SLren ordezkari gisa, aurkeztu duen proiektua ikusirik, Irurtzun kaleko 79.ean (Sagasti Industrialdea) dagoen enpresaren kanpoko aldean gas propanoa gordetzeko jarri duen lurpeko depositoa legez
onartzeko obra lizentzia eskatu baitu, eta udal teknikariak emandako txostena ikusirik, Gobernu Batzordeak zera ERABAKI DU:
BAT: José Gaztelumendiri, Flujoma, SLren ordezkari gisa, lizentzia ematea, Irurtzun kaleko 79.ean (Sagasti Industrialdea) dagoen enpresaren kanpoko aldean gas propanoa gordetzeko jarri duen lurpeko depositoa legeztatzeko betiere Udalak ezarritako neurri zuzentzaileak betetzekotan (neurri horiek jakinarazpenarekin batera bidaltiko zaizkio).
BI:Obrak buruturik, ziurtagiri tekniko bisatua aurkeztu behar du eta bertan, Udalak ezarritako neurri zuzentzaileak obra horietan bete direla seinalatu.
HIRU: Lizentzia ematearen gaineko eskubideengatik 40.000pta ordaindu behar ditu.
7.- Arantza Etxezurieta Sarasolari obra lizentzia ematea, Gaintza baserria moldatzeko.
Arantza Etxezurieta Sarasolak aurkeztutako exekuzio-proiektua azterturik, Gaintzurizketan (Goikoa bailara) dagoen Gaintza baserria moldatzeko obra lizentzia eskatzen baitu hartan nekazal etxea jardueran aritzeko xedez, eta udal teknikariak emandako txostena ikusirik, Gobernu Batzordeak zera ERABAKI DU:
BAT: Arantza Etxezurieta Sarasolari obra lizentzia ematea Gaintzurizketan (Goikoa bailara) dagoen Gaintza baserria moldatzeko, hartan nekazal etxea jardueran aritzeko, baldintza hauekin:
BI: Obrak amaitu ondoren, nekazal etxea jarduera irekitzeko lizentzia eskatu behar du eta, eskaera horrekin batera, honako dokumentazio hau aurkeztu:
1.- Obra amaierako ziurtagiri teknikoa, bisatua, proiektuan eta eranskinean azaltzen diren neurriak obra horietan bete direla esanez.
2.- Material ezberdinetan suteen kontra emadako tratamenduen egiaztagiriak.
3.- Jarduera Ekonomikoen gaineko Zergan alta eman izanaren kopia.
HIRU: Lizentzia ematearen gaineko eskubideak 381.067.-pta dira eta jarduera irekitzeko lizentziaren gaineko tasa 71.070.-pta. Beraz, guztira, 452.137.- pezeta ordaindu behar du.
8.- Urtira, S.L.ri lizentzia ematea Txatxamendi kaleko 28-30.ean dagoen pabilioia lehenengoz okupatzeko.
Amaya Arzallus Iturrizak, Urtira, S.L.ren ordezkari gisa, Txatxamendi kaleko 28-30.ean (Ipintza Industrialdea) dagoen pabilioi industriala lehenengoz okupatzeko lizentzia eskatu du. Horri buruz udal teknikariak egin duen txostena ikusirik, Gobernu Batzordeak zera ERABAKI DU:
BAT: Amaya Arzallus Iturrizari, Urtira, S.L.ren ordezkari gisa, lizentzia ematea Txatxamendi kaleko, 28-30.ean (Ipintza Industrialdea) dagoen pabilioi industriala lehenengoz okupatzeko.
BI: Obra berriaren eskrituraren arabera, obraren aurrekontu osoa hasierakoa baino altuagoa denez, eraikuntzen gaineko zergaren kitapen osagarria egin behar da. Kitapen hori 148.341.- pezetakoa da eta lehenengoz okupatzeko lizentziaren gaineko tasa 43.750 pta. Honenbestez, guztira 192.091.- pezeta ordaindu behar ditu.
HIRU: Dokumentazioaren kopia bat Gipuzkoako Foru Aldundiko Ogasun eta Finantza Departamentura bidaltzea.
9.- Txatxamendi kaleko 24-26.ean dagoen pabilioia egokitzeko Escudos Kala Internacional, S.L.k aurkeztutako jarduera espedientearen aldeko txostena ematea.
Santiago Estevas Guilmain Rodriguezek, Escudos Kala Internacional, S.L.ren ordezkari gisa, eskatuta tramitzen ari den jarduera espedientea azterturik, Txatxamendi kaleko 24-26.ean (Ipintza-Industrialdea) pabilioia egokitzeko lizentzia eskatzen baitu, hartan kontrol sistemetako piezen (zerrail elektronikoak, e.a.) muntaia eta biltegia jardueran lan egiteko eta udal teknikariak emandako txostena ikusirik, Gobernu Batzordeak zera ERABAKI DU:
BAT: Santiago Estevas Guilmain Rodriguezek, Escudos Kala Internacional, S.L.ren ordezkari gisa, aurkeztu duen jarduera espedienteari aldeko txostena ematea, Txatxamendi kaleko 24-26.ean (Ipintza-Industrialdea), pabilioia egokitzeko lizentzia eskatzen baitu, hartan kontrol sistemetako piezen (zerrail elektronikoak, e.a.) muntaia eta biltegia jardueran lan egiteko xedez.
BI: Espediente osoa Eusko Jaurlaritzako Lurralde Antolamendu, Etxebizitza eta Ingurugiro Sailera bidaltzea, behar diren neurri zuzentzaileak ezar ditzaten.
10.- Aizkorri kaleko 4ko Orquidea Tabernaren jarduera espedienteari aldeko txostena ematea.
Jesús Erice Eliokk eskaturik, tramitatzen ari den espedientea azterturik, Aizkorri kaleko 4.ean atzeko aldean, dagoen Orquidea taberna egokitzeko lizentzia eskatzen baitu, hartan taberna ihardueran lan egiteko, eta udal teknikariak emandako txostena ikusirik, Gobernu Batzordeak zera ERABAKI DU:
BAT: Jesús Erice Eliok, aurkeztutako espedientearen alde informatzea Aizkorri kaleko 4.ean atzeko aldean, dagoen Orquidea taberna egokitzeko lizentzia eskatzen baitu, hartan taberna ihardueran lan egiteko.
BI: Espediente osoa Gipuzkoako Foru Aldundiko Nekazaritza eta Ingurugiro Sailera bidaltzea, behar diren neurri zuzentzaileak ezar ditzaten.
11.- Udalaren lokal eta instalazioen garbikuntza zerbitzuko kontratuaren luzapena.
Limpiezas Elurra SLek aurkeztutako aurrekontua ikusirik, 2001-2002 epean Udalaren lokal eta instalazioen garbikuntza zerbitzua burutzeko mantentze-kontratuaren luzapena (bosgarrena) eskatzen baitu. Horiek horrela Gobernu Batzordeak zera ERABAKI DU:
BAT:Onartzea Limpiezas Elurra SLren mantentze-kontratuaren luzapena (bosgarrena). Kontratua udalaren lokal eta instalazioen garbikuntza zerbitzua burutzeko da, 2002ko ekainaren 6a bitarte iraungo du eta prezioa 1.978.246 pta (BEZ barne) hileko, espedientean ageri den bezala.
12.- Udalerriko kale garbiketa zerbitzuaren kontratua.
Alkateak Udalerriko kale garbiketaren zerbitzuaren kontratazioa esleitzea proposatu du. Honetarako Gureak taldeko Galant Garbitasuna, S.L. enpresarekin egindako hitzarmena aurkeztu du. Enpresaren helburua minusbaliatuak heztea eta suspertzea da, hauek gizarteratu eta lan-txertatu nahian.
Hitzarmena udalerrirako onuragarria delakoan, onartzea proposatu da.
Hauexek dira proposatutako akordioak:
BAT: Lezoko Udalerriaren kale-garbiketa egiteko zerbitzuaren hitzarmen-eredua onartzea.
BI: Galant Garbitasuna, S.L. enpresak Lezoko kale-garbiketa zerbitzua egiteko aurkezturiko lan-plana onartzea.
HIRU: Galant Garbitasuna, S.L. enpresari kale-garbiketa zerbitzuaren kudeaketa esleitzea. Hitzarmena urtebeterako izango da.. Hitzarmenean eta planean jasotako baldintzen araberakoa izango da eta prezioa 8.037.000 pezetakoa (gehi BEZ) izango da.
Hitzarmenaren hasierako data abuztuaren 20a, astelehena, izango da. Ordurako esleipendun enpresak behin-betiko bermea eta gainontzeko agiriak eman beharko ditu eta hitzarmena izenpetu.
Zerbitzua hasi baino lehen kale-garbiketarako makinaren oinarrizko erabilera eta mantentze ikastaroa egin beharko da. Udalak erosi berri duen Kale-garbiketarako makina prest egotea zerbitzua hasteko ezinbesteko baldintza da.
LAU: Hitzarmena gauzatzeko behar diren agiri guztiak izenpetzeko ahalmena Alkateari eman.
Idazkariak ohartarazi du proposatu den kontrataziorako ez direla errespetatu publikotasunaren eta lehiaren printzipioak (Herri Administrazioen Kontratu Legearen 11. art.), Udalbatzari dagokiola Udal Zerbitzuak kudeatzeko era onartzea (Toki Araubidearen Oinarrien Legearen 22.2.f. art.), ez dagoela behar bezala egiaztatua esleipendun enpresaren gaitasuna, beste udalerri batzuetan antzeko zerbitzuak egiten dituela onartzen duen arren, eta udal aurrekontuan kreditu nahikorik ez dagoela hitzarmenaren ondorio diren ordainketak egiteko. Honenbestez, proposaturiko hitzarmena erabat deuseza dela dio (Estatuko Hitzarmenen Erregelamendu Orokorraren 41.c. art., 3410/1975 Dekretua).
Alkateak esan du 2001. urteko Udal aurrekontuekin batera datorren kudeaketa planak jasotzen duela herriko kale-garbiketa zerbitzua egiteko enpresa batekin hitzarmena egitea eta aipatutako dokumentua Udalbatzak onartu duela. Gaia Zerbitzuetako Batzorde Informatiboak jorratu duela dio ere. Esleipendun enpresaren gaitasuna enpresak berak aurkeztutako memorian egiazta daitekeela dio eta bere izaera soziala, laguntzarako joera eta irabazi-asmorik gabeko enpresa izatea izan direla enpresa honi zuzenean esleitzeko animatu dituen arrazoiak. Aurrekontuan kreditu nahikorik ez badago ere, egin behar den kreditu aldaketa batek arazo hau konponduko duela dio.
Kontrataziorako deialdi publikoa datorren urtean egingo dela dio, kontratu hau bukatzerakoan, ordurako kontratu honen eskarmentua izango delarik.
Gobernu Batzordeak aho batez onartu du Alkateak egindako proposamena.
FAKTURAK
13.- Altzate Igerilekuko obren 9. ziurtagiriari dagokion faktura onartzea.
Gobernu Batzordeak onartu du UTE Piscinas Lezok Altamirako igerileku eta aldageletan egiten ari den obrengatik aurkeztutako faktura, exekuzio lanak, 9. ziurtagiria: 9.792.978.- pezeta, BEZ barne (0-99-834-2001 ref.).
KULTURA
14.- Dirulaguntza Murixka Euskal Dantza Taldeari, 2001 San Juanak ekitaldiagatik.
Hezkuntza, Euskara, Kultura eta Kiroletako Batzorde lehendakariaren proposatuta, Gobernu Batzordeak onartu du 50.000 pezetako dirulaguntza ematea Murixka Euskal Dantza Taldeari 2001eko San Juan ekitaldiagatik antolatzeagatik (AD-471).
KIROLAK
15.- Altzate Igerilekurako altzarien erosketa.
Kirol teknikariak txostena egin ondoren, Gobernu Batzordeak egun eraikitzen ari diren Altzate Igerilekuak zenbait materialez hornitzeko esleipenok egitea erabaki du. Esleipenak espedientean datoz zehaztuta:
- Ineqsport, (1. atala), aldageletako aulkiak eta esekitokiak ..........1.151.880.-pzta.
(AD 490).
- Garbiko, (1. atala), lurreko sare-begiak...............................................439.186.-pzta.
(AD 491).
- Ineqsport, (2. atala), armairuak eta bereizteko manparak ...........2.796.168.-pzta.
(AD 492).
- Kirola Aukera, S.L., (4. atala), kortxo-ilarak eta tinkatzaileak...........438.811.-pzta.
(AD 493).
- Argysan (5. atala), fotometroa, erlojua, botikina, zutabeak,............411.795.-pzta.
(AD 494).
- Argysan (6. atala), eserlekuak, biratze-panelak,.............................1.933.558.-pzta.
(AD 495).
16.- Allerruko Futbol Taldeari dirulaguntza.
Hezkuntza, Euskara, Kultura eta Kiroletako Batzorde lehendakariaren proposatuta, Gobernu Batzordeak onartu du 800.000 pezetako dirulaguntza ematea Allerruko Futbol Taldeari 2001-2002 denboraldiko gastuen aurrerapen bezala (AD 481).
17.- Allerruko Txirrindularitza sekzioari dirulaguntza.
Hezkuntza, Euskara, Kultura eta Kiroletako Batzorde lehendakariaren proposatuta, Gobernu Batzordeak onartu du 490.000 pezetako dirulaguntza ematea Allerruko Txirrindularitza Sekzioari ?Euskaldun? Trofeoaren antolaketagatik (AD 482).
GALDE ESKEAK.
Alkateak dio hurrengo Gobernu Batzordea abuztuaren 2an egingo dela.
Aktaren bukaera.
Alkate-lehendakariak, aztertzeko ziren gai guztiak aztertu ondoren, 12:25 orduetan eman dio buru bilkurari. Idazkari naizen aldetik, akta 309.471etik 309.479.era zenbakiak dituzten orri ofizialetan jaso eta sendespena ematen diot, nik eta bilkuran izan diren zinegotziek izenpetu dugun akta honi.