2005.eko Ekainaren 30ekoa

Lezoko Udaletxeko Biltzar Areto Nagusian, 2005eko ekainaren 30ean, 8:30etan eratu da OSOKO UDALBATZA EZOHIKOA egiteko xedez, lehen deialdian, Kepa Garbizu Azkue alkatearen lehendakaritzapean eta ondorengo zinegotzi hauek bertan direla: Iñake Urrestarazu Azurmendi (EA taldea), Mikel Antxon Arrizabalaga Brusin (PSE taldea), Jesus Maria Martiarena Jaka (EAJ taldea), Aroia Goienetxea Egibar (EAJ taldea), Aitor Mimendia Artuzamonoa (EAJ taldea), Enrique Figueroa Laboa (EAJ taldea), Noemí Arberas Osés (EAJ taldea), Isabel Lopez Aulestia (IU-EB taldea) eta Maria Luz Anglada González (PP taldea).

Ez da bilkurara etorri Ainhoa Villanua Ayuela (PSE taldea).

Bertan da eta egintzaren fede eman du udal idazkaria den Xabier Loiolak.

Patxi Apalategi aritu da itzultzaile lanetan.

1.- Egoki irudituz gero, 2005eko apirilaren 6ko akta onartzea.

Akta ahobatez onartu da inolako zuzenketarik gabe.

2.- Diktamena: Energia berreskuratuz Txingudi eskualdeko hiritar hondakin solidoen Errausketa Plantaren proiektuaren ingurune-eraginaren Azterlanari alegazioak.

Alkateak aurkeztu dio osoko bilkurari Hirigintza, Obra eta Zerbitzuetako Batzordeak ekainaren 16an onartutako diktamena. Honela dio diktamenak hitzez hitz:

?Lezoko Udalak Energia berreskuratuz Txingudi eskualdeko hiritar hondakin solidoen Errausketa Plantaren proiektuaren ingurune-eraginaren Azterlanari Alegazioak aurkeztea proposatzen da.

Horretarako espedientean dagoen alegazio txostena aurkezten da honetan oinarrituriko alegazioak aurkezteko asmoz.

Bestalde Txingudirako erraustegia jartzeari dagokionez, ondorengo hau seinalatu beharra dago:

Erraustegia jartzeko aurreikusitako kokagunea Jaizkibel menditik (Natura 2000 Sarean sartzeko espazioen proposamenean jasorik dagoen eskualdea) oso hurbil aurkitzen dela ikusirik, beharrezkotzat jotzen da planta hori aipatutako natur gunetik nahikoa urrunduriko beste tokiren batean kokatzeko aukera aztertzea, aipatutako mendiko ingurune-baliabideak zaintzeko helburuz, zeren, bestela, erremediorik gabe hondaturik gerta baitaitezke.

Erraustegiaren azken kokagunea edozein delarik ere, beharrezkoa izango da ingurugiroaren gaineko eraginen kontra aplikatzen diren babes eta zuzenketa neurriak eraginkorrak izatea, azken finean, jarduera berri horrek sor ditzakeen ondorio negatibo posibleetatik ingurunea eta biztanleak babesteko helburuz, bai instalazioak eraikitzen diren bitartean baita erraustegi horren esplotazio-denboran barrena ere.

Beharrezkoa izango da ezarriko diren neurri babesle eta zuzentzaileen eraginkortasuna aldian-aldian egiaztatzea, eragin kaltegarriak prebenitzeko, ahalik eta gehien murrizteko eta ezabatzeko, eta horrela, beraz, haien eraginkortasunaren kontrol eta jarraipen sistemak ezarri beharko dira eta, aldi berean, neurri babesle-zuzentzaile horien eraginkortasunaren kontrolerako eta jarraipenerako sistemek (adibidez, atmosferaren kutsadura edota zarata neurtzeko aparailuek) mantenimendu-plan egokia izan beharko dute, egiten diren kontroletan lortutako emaitzak onak direla bermatzeraino.

Neurri babesle eta zuzentzaileak nahikoa eraginkorrak ez direla detektatuko balitz, alegia, diseinatu zituzteneko helburuak betetzea bermatzen ez badute, beharrezkoa izango da haiek berriro definitzea edo beste neurri babesle edo zuzentzaile batzuk aplikatzea, beren eraginkortasunerako dagozkien kontrol neurriekin batera.

Arestian adierazitakoa kontuan izanda,

Hirigintza, Obra eta Zerbitzuetako batzordeak 2005ko ekainaren 16an egindako batzarraldian Kepa Garbizu (EAJ), Iñake Urrestarazuren (EA), Maria Luz Anglada (P.P) eta Mikel Antxon Arrizabalaga (PSE-EE) aldeko botoarekin

DIKTAMENATZEN DU:

BAT: Energia berreskuratuz Txingudi eskualdeko hiritar hondakin solidoen Errausketa Plantaren proiektuaren ingurune-eraginaren Azterlanari Alegazioak aurkeztea?.

Diktamena aho-batez onartu da, hau da, osoko bilkuran diren hamar zinegotzien aldeko botoarekin.

Jendartetik Aitor Sarasola aritu da Lezoren Alde Plataformaren izenean. Haren esanetan, alegazioa korporazioren aurpegi zuritze hutsa da, ez baita duela urtebete eta lau hilabete errausketaren inguruko eskatutako batzorderik osatu ezta informerik egin; alegazioa iruzur bat omen da gobernu taldea errausketaren alde dagoelako, eta burla bat sentsibilitate ekologikoa duten herritarrekiko zeren, Jaizkibel hartzen baitu aitzakiatzat mozioak inguru horretarako proiektu suntsitzaileen alde dagoelako gobernu taldea: Gaintxurizketako okupazioa eta superportua.

Jendartetik ere Raul Giraldés aritu da Gazte Herri Elkartearen izenean, alegazio hori pauso bat omen da, baina eskasa, ingurugiro aldetik aztertzen duelako gaia eta ez proiektuak dituen gabezien aldetik, hala nola errausketak dituen alternatibak ez aztertzea edota alegazioak aipamenik ez egitea errauskailu horrek lezoarren osasunean izan ditzakeen eragin kaltegarriez, mediku talde batek esandakoari jaramonik egin gabe. Horregatik EIA delako berri bat egitea eskatzen diote Eusko Jaurlaritzari. Testu bat irakurri du eta plenoak hurrengo bilera batean aztertzea eskatu du.

3.- Diktamena: Euskal Herria Plazan lurrazpiko aparkalekuak egiteko Aurreproiektuaren eta Bideragarritasun Azterketaren onarpena.

Alkateak aurkeztu dio osoko bilkurari Hirigintza, Obra eta Zerbitzuetako Batzordeak ekainaren 16an onartutako diktamena. Honela dio diktamenak hitzez hitz:

?Lezoko Udalak, udalerrian dagoen aparkaleku arazoa arintzeko asmotan Euskal Herria Plazako lurrazpikoan autoen aparkaleku bat sortzeko asmoa du.

Eraikuntza hau eta aparkalekuen ustiaketa obra publikoaren emakida sistemaren bidez gauzatu nahi denez, obra publiko hau eraiki eta emakida bidez ustiatzeko erabakia hartu baino lehen derrigorrezkoa da Administrazio Publikoetako Kontratu Legearen 227 eta 228 artikuluek xedatzen duena kontuan izanda, aurreproiektu bat eta bideragarritasun azterketa egitea.

Hirigintza, Obra eta Zerbitzuetako batzordeak 2005ko ekainaren 16an egindako batzarraldian Kepa Garbizu (EAJ), Iñake Urrestarazuren (EA), Maria Luz Anglada (P.P) eta Mikel Antxon Arrizabalaga (PSE-EE) aldeko botoarekin

DIKTAMENATZEN DU:

BAT: Euskal Herria plazako lurrazpiko aparkalekuen Bideragarritasun Azterketa eta Aurreproiektua onartzea

BI: Euskal Herria plazako lurrazpiko aparkalekuen Bideragarritasun Azterketa eta Aurreproiektua hilabetez jendaurrean edukitzea, Gipuzkoako Aldizkari Ofizialean iragarkian argitaratu eta hurrengo egunetik hasita?.

Diktamena aho-batez onartu da.

Jendartetik Aitor Sarasolak esan du aurkeztutako bideragarritasun estudioak gabezia asko dituela, ez kontrasterik ez beste alternatibarik ikertzen ez duelako, nahiz eta indarrean dagoen planeamenduak alternatiba horiek eman. Gehiegikeria deritzo diru publikoetatik 700.000 euro gastatzeari, zertarako eta garajeak egiteko.

4.- Diktamena: Altxortegi-eragiketa bat ituntzeko, gehienez urtebeteko eperako.

Ogasun eta Kontu Batzordeko zinegotzi delegatuak aurkeztu dio osoko bilkurari Ogasun eta Kontu Batzordeak ekainaren 16an onartutako diktamena. Honela dio diktamenak hitzez hitz:

?Batzordeko lehendakariak aurkeztu du diktamen proposamena altxortegi-eragiketa bat ituntzeko, gehienez urtebeteko eperako, diruzaintzako behar iragankorrak betetzeko, Gipuzkoako Toki Ogasunak arautzen dituen uztailaren 5eko 11/1989 Foru Arauaren eta Gipuzkoako Lurralde Historikoko Toki Entitateen aurrekontuei buruzko, abenduaren 19ko, 21/2003 Foru Arauaren ildotik.

Diktamen proposamenak badu aginduzko bere txostena udal kontu-hartzaileak egina.

- Proposamenaren xedea altxortegi-eragiketa bat ituntzea da, ezaugarri hauekin:

• Eragiketaren zenbatekoa: 1.000.000 euro
• Entitate finantzaria: La Caixa.
• Epea: 12 hilabete.
• Xedea: Altxortegi-behar iragankorrak betetzea.
• Interesak: hiru hilero.
• Amortizazioa: bukaeran.
• Interes tipoa:

1. Lehen epemugan: Tipo finkoa %2,50
2. Eragiketaren gainerakoa: Hiruhileko Euribor + % 0,20.
3. Erabili den kopuruaren heinean kobratzen da.

- Irekidura komisioa: % 0,10.

Aroia Goienetxea (EAJ-PNV), Kepa Garbizu (EAJ-PNV), Mikel Antxon Arrizabalaga (PSE) eta Mª Luz Anglada (PP) zinegotzien aldeko botoekin eta Isabel Lopez Aulestiaren (EB-IU) abstentzioarekin, Ogasun Batzordeak Diktamenatu du osoko bilkurak onar dezan:

BAT: Altxortegi eragiketa ituntzeko proposamena onartzea goian seinalaturiko zehazpenen arabera.?

Diktamena aho-batez onartu da.

5.- Proposamena: San Markoseko Mankomunitatean Korporazioaren ordezkariak izendatzea.

Alkateak proposaturik, eta Aitor Ocerin zinegotzi ohiak zituen ordezkaritzetarako beste zinegotziren bat izendatzeko, Osoko Bilkurak aldeko zortzi botorekin eta aurkako birekin, Mikel Antton Arrizabalagak eta Mari Luz Angladarenak emanak, ondorengo ERABAKI hauek hartu ditu:

Alkateak proposaturik, Osoko Bilkurak ondorengo ERABAKIAK hartu ditu:

?Toki Entitateen Antolakuntza, Funtzionamendu eta Erregimen juridikoaren Arautegiko 38. Artikuluan finkatzen dena aplikatuz, Udalbatzari proposatzen diot ondorengo izendapen hauek egitea, organo kolegiatuetan bere ordezkari izan daitezen:

ERABAKI PROPOSAMENA

ORGANOA	Titularra / Ordezkoa	ZINEGOTZIA
San Markoseko Mankomunitatea	1. titularra	Enrique Figueroa Laboa
	1. ordezkoa	Aitor Mimendia Artuzamunoa
	2. titularra	Iñake Urrestarazu Azurmendi
	2. ordezkoa	Noemi Arberas Oses

Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.

· Horretarako, hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan Osoko Bilkurara jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.

· Horretarako, bi hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.?

6.- Proposamena: Añarbeko Uren Partzuergoan Korporazioaren ordezkariak izendatzea.

Alkateak proposaturik, eta Aitor Ocerin zinegotzi ohiak zituen ordezkaritzetarako beste zinegotziren bat izendatzeko, Osoko Bilkurak aldeko zortzi botorekin eta aurkako birekin, Mikel Antton Arrizabalagak eta Mari Luz Angladarenak emanak, ondorengo ERABAKI hauek hartu ditu:

?Toki Entitateen Antolakuntza, Funtzionamendu eta Erregimen juridikoaren Arautegiko 38. Artikuluan finkatzen dena aplikatuz, Udalbatzari proposatzen diot ondorengo izendapen hauek egitea, organo kolegiatuetan bere ordezkari izan daitezen:

ERABAKI PROPOSAMENA

ORGANOA	Titularra / Ordezkoa	ZINEGOTZIA
Añarbeko Uren Partzuergoa	Titularra	Jesús Mª Martiarena Jaca
	Ordezkoa	Iñake Urrestarazu Azurmendi

Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.

· Horretarako, hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan Osoko Bilkurara jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.

· Horretarako, bi hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.?

7.- Proposamena: San Markoseko hondakindegia ixtea.

Alkateak erabaki-proposamena aurkeztu die gainontzeko zinegotziei. Diktaminatu gabe dagoenez, gaurko bilkura honetan erabaki ahal izateko haren urgentzia berresteko eskatu dio alkateak osoko bilkurari. Premiaren alde bederatzi boto izan dira eta abstentzio bat Isabel Lopez Aulestiarena. Urgentzia onarturik alkateak proposamena irakurri du. Honela dio proposamenak:

?San Markosko hondakindegia 1970 ezkero martxan dago. Horrela, hondakindegi horrek beti eragin izan dizkio Oarsoaldeko biztanleriari hainbat gogaipen. Gainera, inguru horretako narriaduran eragin duen aldagai bat gehiago izan da. Izan ere, beti jaurti dituen ? usain txarrak baino gehiago- jasanezinek, lixibazio-jarioek, gas-sorketek, etab.ek eragin dute errenteriarren eta inguruko herritarren bizi-kalitatea hein handi baten hondatzen, eta halaxe jarraitzen duten orain ere, besteak beste, azpiegitura hau jende asko bizi den lekuetatik hurbil dagoelako.

Era berean, gure ustez, garrantzitsua da hondakindegi horren bizi-iraupena, 2006 amaieran ixtea pentsatzen zen baino haratago ez luzatzea, hots, San Markos Mankomunitateko Hiri Hondakin Solidoen Kudeaketarako Plan Integralean adierazi bezala, eta aipatu Plan hori gauzatzerakoan herritarrek parte hartzeko prozesuan banatu zen dokumentuan adierazi bezala.

Gure aburuz, San Markosko hondakindegiaren bizia luzatzeak errenteriarrok merezi ez dugun zigorra emango digu, izan ere, Mankomunitateko gainontzeko herriekiko eta bertan botatzen duten gainontzeko herriekiko elkartasun-printzipioa soberan bete dugula uste baitugu. Bestalde, kontuan hartu behar dugu Europako jarraibideek azpiegitura mota hauek ixtea beharrarazten duela, are gehiago Gipuzkoako hiri-hondakin bakarra izanik.

Horregatik guztiarengatik, Udal honetako alderdi politikoek, Udal honetako ordezkariak Udalbatzak berak izendatuak direla kontuan izanik, dagokion ondorioetarako, ondoko erabakiak hartzeko proposamena egiten dute:

ERABAKI PROPOSAMENA

BAT: Exijitzea San Markosko hondakindegia ixtea 2006 urte-amaieran, San Markos Mankomunitateko Hiri Hondakin Solidoen Kudeaketarako Plan Integralean aurreikusi eta erabaki bezala, eta eskatzea San Markos Mankomunitateko gainontzeko udaletako udalbatzei erabaki honekin bat egin dezaten.

BI: Erabaki hau San Markos Mankomunitateko Batzordera bidaltzea.

HIRU: Erabakiaren aurkako errekurtsoak:

a) Auzitara jo aurretik, eskatzaileak, hala nahi izanez gero, erabakia berraztertzeko errekurtsoa aurkez dezake 30/1992 Legearen arabera.

· Horretarako, hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan Osoko Bilkurara jo behar da.

b) Bestela, administrazioarekiko auzi-errekurtsoa aurkez dezake zuzen-zuzenean.

· Horretarako, bi hilabeteko epea dauka, erabaki honen jakinarazpena jaso eta biharamunetik hasita.

· Errekurtsoa aurkeztekotan, EAEko Auzitegi Nagusiko administrazioarekiko auzitarako Donostiako epaitegira jo behar da.?

Isabel Lopez Aulestiaren hitzetan, proposamenak ez omen dio zaborraren kudeaketari alternatibarik ematen, nahiz eta zabortegia ixtea proposatu. Beldur da ez ote den atzeko ateren bat irekitzen ari beste aukeraren bati.

Proposamena bozkatu da eta alde bederatzi zinegotzik egin dute eta abstentzio bat izan da, Isabel Lopez Aulestiarena.

8.- Mozioa: Saharako lurralde okupatuetan egunotan izandako gertakarien inguruan.

Honela dio mozioak:

?Azken egunotan gauza larriak ari dira gertatzen Mendebaldeko Saharako lurralde okupatuetan: bortizki zanpatzen dituzte saharauien manifestazio baketsuak eta areagotu egin dituzte herritar horien giza eskubideen urraketak. Marokoko Gobernuak, urraketa horien arduradunak, ez dio utzi hainbat ordezkaritzari Aaiun-en sartzen. Horiek horrela, adierazten dugu:

1.- Indar guztiz kondenatzen dugu nola manifestazio baketsuen zanpaketa bortitza, hala saharauien giza eskubideen urraketa areagotzea, Marokoko armadak eta poliziak burutu dituztenak.

2.- Saharauien eta Mendebaldeko Saharako gainerako herritarren giza eskubide guzti-guztiak errespetatzea exijitzen dugu eta Marokoko Gobernuari eskubide horiek ziurtatzea eskatzen diogu.

3.- Harridura eta protesta azaldu nahi dugu Gobernu horrek baimenik eman ez dielako Espainiako elkartasun erakundeen hainbat ordezkaritzari Mendebaldeko Sahara bisitatzeko.

4.- Espainiako Gobernuari eskatzen diogu hertsa dezala Marokoko Gobernua eta exijitu diezaiola mendebaldeko Saharan bizi diren saharauien eskubideak babesteko eta har dezala bere gain nazioartean gidaritza Afrikako azken deskolonizazio-prosezua modu justu batez ebazteko.

5.- Berretsi egiten ditugu azken urteotan egin izan diren Adierazpenak: Saharauien autodeterminazio eskubidearen aldekoa, nazioarteko legalitatea eta Nazio Batuen ebazpenak betetzearen aldekoa, Baker Planean aurreikusitako erreferenduma egitearen aldekoa eta Tindoufeko errefuxiatuen kanpamenduetara behar adinako giza-laguntza bidaltzearen aldekoa. Alde horretatik, geure egiten ditugu joan den martxoren 11n eta 12an Balear uharteetako Parlamentuan egindako \"BAKEA ETA ASKATASUNA SAHARAN\" taldearteko parlamentarioen IX. Biltzarrean onetsitako Azken Ebazpena eta Legebiltzarren arteko hitzarmena.

6.- Eta azkenik, begi onez ikusten dugu laster instituzioetatik, Kongresua eta Senatua barne, eta baita ere Estatuko herrietako gizarte zibiletik okupaturiko lurraldeetara egin nahi diren behaketa misioak.

Adierazpen hau bidaliko zaio EUDELi, \"Bakea eta Askatasuna Saharan\" Eusko legebiltzarreko taldeartekoari, Euskal Autonomi Elkartean Frente polisarioaren ordezkaria denari, \"Federación estatal de Instituciones Solidarias con el Pueblo Saharaui (FEDISSAH)\" delakoari, Espainiar Estatuko Gobernuaren Presidenteari, Espainiar Estatuko Kanpo Arazoetako Ministroari eta baita ere Marokoko Erreinuaren enbaxadari?.

Mozioa ahobatez onartu da.

9.- Mozioa: Auschwitzeko sarraski-esparrua liberatzearen 60. urteurrena dela eta, Holokaustoaren Memoriaren eta Gizateriaren kontrako Krimenen Prebentzioaren Egun Ofizial gisa urtarrilaren 27a ezartzea.

Honela dio mozioak:

?Lezoko Udaleko PSE-EE Udal Taldeak ondorengo MOZIO hau aurkeztu du Auschwitzko sarraski-esparrua liberatzearen 60. urteurrena dela eta, Holokaustoaren Memoriaren eta Gizateriaren kontrako Krimenen Prebentzioaren Egun Ofizial gisa urtarrilaren 27a ezartzeari buruz, Udalbatzak eztabaidatu eta onar dezan.

ARRAZOIEN AZALPENA

2004ko abenduaren 10eko Ministro Kontseiluak akordioa hartu zuen Holokaustoaren Memoriaren eta Gizateriaren kontrako Krimenen Prebentzioaren Egun Ofizial gisa urtarrilaren 27a ezartzeko. Hautaturiko data horrek duela 60 urte Auschwitzko sarraski-esparrua liberatu izana oroitzen du, tamalez beste zenbaitekin batera (Mathausen, Dachau, Buchenwald?) gizakiak burutu dezakeen gaiztakeria lotsagarrienaren sinbolo izaki. Sarraski-esparru haietan, judu herriarekin batera, 10.000 espainiar baino gehiagok pairatu zuten eta han hil ziren, Gerra Zibilaren ondoren ezarritako Diktaduratik iheska joan eta Frantzian bizi zirela soldadu alemaniarrek harrapatu eta gero. Era berean pairatu zuten beste milaka europarrek eta beste herrialde batzuetakoek ere, beren sinesteak, arraza edo ideiak zirela medio.

Urtarrilaren 27ko data horrek balio izango du nazien holokaustoan sarraskitutako sei milioi juduak ohoratzeko eta, halaber, deportazioa jasan eta nazien esparruetan hil ziren 10.000 baino gehiago espainiarrak ohoratzeko. Data horrek gogoratuko digu Gizateriaren historia osoan zehar santa sekula, dudarik gabe, Gobernu batek egindako krimenik handiena, gainerakoak beldurrez eta izuz konplize eta isilik zirela.

Isiltasun hori inoiz beste behin hain ozen nabarmen ez dadin, ahanzturak konplize bihur ez gaitzan, nazien sarraski-esparruetako historia zorigaiztoko arrisku-seinale gisa ulertu beharko genuke guztiok, inork ez zuen pentsatzen halakorik Europan gerta zitekeenik; baina gertatu egin zen.

Hasieran minusbaliatuak sarraskitu zituzten, ?anormalak? alegia? gero juduak (lau milioi t?erdi eta sei milioi bitarte), errusiarrak (lau milioi baino gehiago), poloniarrak, jugoslaviarrak, txekiarrak, greziarrak, marokoarrak, algeriarrak, frantsesak, italiarrak, espainiarrak, ingelesak, austriarrak e.a. Hainbat talde erlijioso (protestanteak, katolikoak, Jehovaren testiguak?), homosexualak, preso arruntak, partisanoak eta brigadistak, eta ijito-etniako gizatalde handiak.

Nazien holokausto izugarri hartan sei milioi judu hil ziren eta, haiekin batera, milaka espainiar. Bizirik atera ziren guztiek zin egin zuten munduari aditzera emango ziotela esparru haietan bizi izandako laztura guztia, Gizateriak krimen hura ahantz ez zezan eta sekula berriz halakorik egin ez zezan.

Espainiarren kasuan zeregin hori zenbait hamarkadatan zehar are neketsuagoa izan zen, zeren haietariko gehienek ez baitzuten beren herrialdera itzultzerik izan.

Haienganako konpromiso bat daukagu, funtsezko exijentzia demokratiko bat, Gizateriaren kontrako krimenik handiena pairatu zuten gizon eta emakume haien Oroitzapena ohoratzea, gu geu beti erne egotea, eta ez ahanztea, horrelakorik berriz sekula gerta ez dadin.

Hori guztia dela eta:

AKORDIOAK

Lezoko Udalbatzak

BAT: Bat egiten du Estatu Gobernuaren erabakiarekin, Holokaustoaren Memoriaren eta Gizateriaren kontrako Krimenen Prebentzioaren Egun Ofizial gisa urtarrilaren 27a ezartzeko.

BI: Instituzioei eskatzen die, data horretan halaber oroitzapenean izan daitezela beti, eta era berezian, nazien sarraski-esparruetan sofritu eta hil ziren 10.000 baino gehiago espainiar haiek, beren ideiengatik deportatuak, jazarriak eta erbesteratuak izan ziren guztia?.

Mozioak aldeko bederatzi boto jaso ditu eta abstentzio bat, Mari Luz Angladarena.

10.- Alkatearen, Organo Kolegiatuetako udal-ordezkarien eta Delegatuen txostenak.

Alkateak azken osoko bilkuraz geroztik Oarsoaldean, Portuan, San Markosen eta Euskal Fondoan izandako bileren gai zerrenden kopiak banatu dizkie zinegotzi guztiei.

11.- Galde-eskeak.

11.1.- Mikel Antxon Arrizabalagak hirigintzako batzorde berezi bat deitzea eskatu dio alkateari, azpiegitura erraldoiei buruz azken aldean prentsan agertu denaren inguruan azalpenak jasotzeko (intermodalak, kanpoko portua,...).

Jendartetik Aitor Sarasolak dio ez direla soilik prentsa kontuak, batzorde interinstituzioanalaren dokumentuetan jasotako erabakiak baizik.

11.2.- Aitor Sarasolak galdetu dio alkateari ea zertan den N-1 errepidearen inguruko proiektua, ea, esan bezala, ekainean jarri behar den jendaurrean eta ea bideratu duen Aldundira Lezoren Aldek jendaurreko epea luzatzeko egindako eskaera.

Alkateak dio Aldundiak ez duela oraindik onarpenik eman eta luzapen eskaeraren berri hitzez emana dagoela.

11.3.- Iker Salaberriak galdetu du ea zertan diren Lezoren Aldek aurkeztutako lau mozioak.

Alkateak dio ez direla osoko bilkurara ekarri hau osatzen duten talde politikoetarik batek berak ere ez dituelako babestu edo gai zerrendan sartzeko eskatu.

Aitor Sarasolak dio alkateak baduela gai zerrendan sartzeko ahalmenik eta ez egitea beto politikoa dela.

Alkatearen jarreraren alde azaldu dira Isabel Lopez Aulestia eta Mikel Antxon Arrizabalaga, presio horiek onartu ezinak direla esanez. Isabel Lopezek esaten die nork bere buruari galdetu beharko diola ea zergatik talde politiko bakar batek ere ez dituen aurkezten.

Aitor Sarasolak dio ea zergatik eskatzen zaien beste taldeei eskatzen ez zaiena. Beraiek mozioak eztabaidatzea nahi omen dute, ez omen dute aurrez haiek babestea eta onartzea eskatzen. Baina eztabaida bera ukatzea beto politikoa omen da.

11.4.- Mari Luz Angladak bat-bateko itzulpena izatea eskatu du, esan ostekoarekin ezin baitu eztabaidetan parte hartu.

Aktaren amaiera.

Beste aztergairik geratzen ez denez, alkate-lehendakariak 9:15 orduetan eman dio buru bilkurari. Eta nik, idazkari naizen aldetik, akta 310.892.etik 310.901.era arteko zenbakiak dituzten orri ofizialetan jaso eta horren guztiaren fede ematen dut, eta bilkuran izan diren zinegotzi guztiek izenpetu egin dute akta hau.