Antzerkia

Ikuskizun honen ardatz nagusia, Gurrutxaga Real Sociedad futbol taldeko jokalari zeneko garaia da. Futbolisto baten konfidentziak, bere lehen bakarrizketako zenbait pasarte berreskuratzeaz gain, denbora hartako beste hainbat bizipen eta anekdota ere izango ditu hizpide. Horrez gain, jendaurrean lehenengoz, goi-mailako futbolari zenetik lehen pertsonan pairatzea tokatu zaion Asaldura Obsesibo-Konpultsiboaz (gazteleraz TOC, Trastorno Obsesivo-Compulsivo) ere hitz egingo du.

Makinak iritsi dira gure artera... eta hemen geratzeko, gainera. Telebistak, sare sozialak, "makinita" arruntak, denon eskuetan daude, baita gure seme-alaba txikien eskuetan ere. Ikasi behar dugu makinekin gozatzen, baina menpean erori gabe. Hori baita Joni, istorio honetako protagonistari gertatzen zaiona. Umorearen, bertsoen eta txotxongiloen laguntzarekin, eta denon parte-hartzeari esker, lor dezakegu.

Berlin 1933. Hiru lagunen istorioa: Martin eta Elsa (zine alemaniarrean lanean diharduen bikote ezkonberria) eta Leo, jatorri judua duen antzezlea.

30eko hamarkadako garai zoriontsu hartan bizi dira hirurak pozik. UFA estudioetako zinea, antzerkia eta Berlineko kabaretak… Baina nazismoak boterea hartzen duenean, egoera eten eta gainbehera etorriko da. Amtzezlanak 1933 eta 1946 urteen arteko lau aldi jakinetara eramango gaitu eta garai horietan izandako gertakerek pertsonaia hauengan zer eragin zuen ezagutuko dugu. Gau batean euren arteko harremana betiko aldatuko duen zerbait gertatuko da.

Historiaren edozein garaitan gutako edonork izan lezakeen dilema, konpontzeko zaila. Zenbait sari eta izendapen jaso ditu 2017ko Max sarien bi kategoriatan.

• Egilea: Chema Cardeña
• Zuzendaria: Chema Cardeña
• Antzezleak: Iria Márquez, Chema Cardeña, Juan Carlos Garés.

Gaixotasun mental bat diagnostikatuta duen pertsona bat bere buruaz beste egiteko gertu dago. Flashbacken bidez, pertsonaia honen bizitzara bidaiatuko dugu, bere gaitzaren prozesua islatuz: ukapena, onarpena, beldurra, buruargitasuna, umorea, errebeldia.

Berarekin batera barre eta negar egingo dugu, zuzeneko eta grabatutako eszenen arteko joko batean, PERFORMANCE-aren hurbileko lengoaia teatral bat erabiliz. Bidaia emozional eta surrealista bat, berriro ere hasierako eszenara eramango gaituena: protagonistaren suizidioaren aurreko unera.

Bere buruaz beste egingo du ala ez? Galdera hau ebatzi gabe geratuko da. Ez gara inor hau epaitzeko. Bere erabakia da. Gurea entzutea da.

Fikzioa egiazko testigantzaz zipriztindua dago, batzuk zuzenean ikusiko ditugu eta besteak grabazioen bidez. Hauek tramarekin bat egingo dute, etenik sortu gabe. Bide bakarrarekin: aniztasun mentala duten pertsona hauen izaera aldarrikatuz: pertsonak dira gaixoa izan aurretik.

Bideo-promo: https://www.youtube.com/watch?v=K0Dqj-U5DBs

Nanu, Granu eta Kanuto txango berri bat egiteko prestatzen ari dira. Arratsalde honetan, mendi tontor gainera igo behar dute, baina aldapeko sagarraren adarraren puntan aurkituko dute loretxo bat eta… TXIST! Baxuago abestu!!

Bideo-promoa: https://www.youtube.com/watch?v=K2YzP82xp8o

cartel_losers_5.jpgcartel_losers_4.jpgManuel eta Sara adinean aurrera doaz -ia berrogei-, eta gizakiok tenore horretara ailegatuta, gizarteak markatutako baldintzetatik ez dute bat bera ere betetzen: umerik ez, bikoterik ere ez eta diruz urri, etxebizitza bat erosteko aukerarik gabe... Horregatik, euren buruak galtzailetzat dituzte. Eta aldatzeko esperantza handirik gabe, ia-ia etsiak jota, pozik bizitzeko merezimendurik izango ez balute bezala.

Bizipozak, ordea, ez du mugarik eta areago, ez du zer ikusirik ondasun materialekin edo gizarteak markatzen dituen usadio eta arauen menpe bizitzearekin. Gu geu gara gure bizitzak nolakoa beharko duen erabaki behar dugunak. Geure beldur eta mugak gainditzeko gai izanez gero behintzat.

Manuelek eta Sarak bakarti bizitzeari utzi nahi diote. Goibel antzean bizi dira, baina pozik bizi nahi dute.

Lortuko al dute...

• Zuzendaria: Begoña Bilbao 
• Antzezleak: Aitziber Garmendia, Jon Plazaola

Xabier Lizasok, familiari zuzendutako emankizun didaktiko berri bat eskainiko du, oraingoan bidelagun izango du Aukeran dantza taldeko dantzari bat. Musika, dantza eta antzerkia uztartzen dituen emanaldi bat da. Haurrei, kantuak eta koreografiak ikasi ondoren oholtzara igo eta benetako artista izatera jolasteko aukera eskainiko zaie arte eszenikoen bidez.

Nori zuzendua: Familiei (3-12 urte).

Partaideak: Xabier Lizaso eta Olatz Oribe dantzaria.

Lekua: Antzokia, kultur etxe, eskola, antzoki...

Iraupena: 120 min.

Juan Mari sukaldaria da eta bi seme alaba ditu: Hansel eta Gretel. Bere jatetxea oso arrakastatsua da mundu osoko errezeta liburuak desagertzen diren arte. Momentu hortatik aurrera inork ez du sukaldatzen asmatuko eta guztiak Amonioburgeterietara joango dira janari bila. Jendeak Amonioburgerrak jaten dituen einean umeak desagertzen joango dira. Bankua, Juan Mariren jatetxea enbargatzeko zorian dago. Hansel eta Gretelek bankuko nagusiarekin hitz egin nahi dute  hori saiesteko baina bankura iristeko “baso sorgindua” zeharkatu beharko dute. Bertan karameluzko sagarrak ematen dituen zuhaitz bat topatuko dute. Bat jan ondoren zuhaitzak irentsi egingo ditu. Anai arrebak abentura ikaragarri batean murgilduko dira… Deskubrituko al dute nork lapurtu dituen errezeta liburuak? Eta jakingo al dute non dauden desagertutako haur guztiak? Erantzuna antzokian…

Izenburua: Hansel eta Gretel.

Egileak: Hermanos Grimm.

Bertsioa: Anartz Zuazua.

Aktoreak: Kepa Errasti, Libe Aranburu y Asier Oruesagasti.

Jantziak: Ikerne Gimenez.

Eszenografia: Toño Nart.

Argi Diseinua: Pedro Yagüe.

Zuzendaria: Anartz Zuazua.

Magia ikuskizuna (euskaraz eta gaztelaniaz).

Paul seme bakarra da, bere etxeko erregea alegia. Irati arrebaren jaiotzaren ondorioz, maitatua izateari uzteko beldur handia izango du, eta horrek familiaren egonkortasuna mehatxatuko du.

Paul, gurasoak, arreba Irati, amona, Paulen irakaslea, eta Richi (Paulen hartz-peluxea, bere kontzientziaren alter ego) igaroko dira antzeztokitik, familiako ikuskizuna eratuz. Haurrek zein helduek, guztiek hainbat egoera eta pertsonaiatan ikusi ahal izango dute bere burua.