Antzerkia

Paul seme bakarra da, bere etxeko erregea alegia. Irati arrebaren jaiotzaren ondorioz, maitatua izateari uzteko beldur handia izango du, eta horrek familiaren egonkortasuna mehatxatuko du.

Paul, gurasoak, arreba Irati, amona, Paulen irakaslea, eta Richi (Paulen hartz-peluxea, bere kontzientziaren alter ego) igaroko dira antzeztokitik, familiako ikuskizuna eratuz. Haurrek zein helduek, guztiek hainbat egoera eta pertsonaiatan ikusi ahal izango dute bere burua.

Joxemielek Tartalo jentilaren kondaira fantastikoa kontatuko digu bere txoko magikotik. Tartalo mendian bizi den artzain erraldoia da, begibakarra. Gazta egilea da eta berak gordetzen du hain estimatua den gaztaren sekretua. Matilde, artzai ausarta, gaztaren sekretua zein den jakitera abiatuko da.

“Tartalo”' antzerkia,  bideo-animazioa, interakzioa eta musika biltzen duen ikuskizun multimedia da.

Fitxa teknikoa

Egilea: Logela Multimedia

Zuzendaria: Imanol Garaizabal

Aktoreen zuzendaria: Saioa Iribarren

Gidoia eta testua: Edorta Barruetabeña

Aktoreak: Gaizka Chamizo eta Eneritz Garcia

Musika: Ander Garaizabal

Jantziak eta atrezzoa: Ainara Barrainkua eta Ander Zaldua

Bideoak: Basque Films eta Imanol Garaizabal

Soinu-proba. Azken kontzertua Gaztetxean. Gaztetxea ixtera doa. Gazteak heldu zaizkigu eta ez dago inor lekukoa hartzeko prest. Taldearen azken kontzertua ere bada. Seme-alabek, lanek, nekeak, gain hartu dute. Soinu-proba Aurrera doan heinean, taldekideen eta euren inguruko ume eta gazteen bultzada, galdera eta pasioen argazki musikala, zuzeneko bideoklipa, izango dugu zentzuen aurrean. Desioaren arrazionalizazioa,  erabakitze-ezintasuna, harri orri ar, gorputza eta aurpegiaren gainerakusketa obszenoa, tabuak, fantasia, proiekzio eta ensoñazioak, generoa eta zenbakia. Rap, trap eta rocka. Gu eta eurak. Analogikoa eta digitala. Pornoa eta Afrodita. Askatasun sexuala ala neoliberalismo sexuala? Ase ezintasuna. Eta guztia zeharkatzen, blai egiten, Musika.

Izango da antzerkia, izango da Musika, izango da barre-algara, mina, pasioa, haragia, odola. Izango da rock and rolla.

2016ko Tolosako Nazioarteko Txotxongilo Jaialdian haurrentzako ikuskizun onenaren saria. Oilar bat ezin mugiturik dago hiriko eraikin bateko teilatuan. Beheko bizilaguna jakin-minez dago, oilarraren kantuak behiarena dirudi eta. Horren zergatia galdetuko dio oilarrari, eta hortxe hasiko zaigu istorio zelebrea...

Cottondarra, iraultza industrialean eta mende hasierako emakumeen ehungintzako grebatan oinarritutako istorio dugu.  Cottontarrek –amak eta hiru alabak– beren herria atzean utzi eta hirian bizitza berri bati ekitera doaz, baina gertakari batek beraien bizitzak eta gainontzeko emakumeenak behin betiko aldatuko ditu.

Nork garbitzen ditu hoteletako milaka maindireak?

ITALINO hotelaren azken sotoan garbitegia dago. Bertan, pertsonaia bakarti batek arropa garbitu, lisatu eta lurrindu egiten du. Bakarrik bizi da, izara artean amets egiten du eta bakardadea ezkutatzen du makinekin hitz eginez eta bere itzalarekin jolastuz.

Lío en la granja antzezlanaren bi protagonistak, Piñote eta Calabacín, herrira itzuli dira, eta sabanan bete-betean harrapatu dituen gatazka azalduko digute. Hara joan dira lehoi bat modu misteriotsuan desagertu dela entzun dutelako. Beren ikerketa-lanetan, hainbati eskatuko diote laguntza: jirafari, tximinoari, elefanteari, krokodiloari…

Burbuja xaboi burbuila komedia zoroa da eta ikuslea da protagonista nagusia. Abentura ugari biziko ditugu eta heldu eta haurren magia esnatuko dugu. Burbuila batek mila hitzek baino gehiago balio duelako, hemen aurkezten dizkizuegu xarmaz eta umorez beterik, forma guztietan. Gogoratu xaboi-ponpak desagertu arren, haien edertasuna eta magia betiko gorde ditzakegula.

Aner gizarte distopiko batean bizi da, non dantzatzea debekatuta dagoen. Anerri izugarri gustatzen zaio dantza egitea eta horrek arazo larriak sortzen dizkio. Kaskarot Anerren “alter egoa” da. Bere ingenio eta zentzuaren bidez, Anerri erakutsiko dio bere egoerari buelta ematen eta arauen aurrean bere adierazpen askatasuna lehenesten.

Andreak, bere bikote bizimodu aspergarriarekin amaitzeko, zirt edo zart, gizona pozointzea erabaki du. Ekintza gordintze aldera, egin nahi duena aitortuko dio eta giltzapeturik dagoen etxe barruan azken orduak pasatzeko prest dago andrea. Baina, jakina... Aurreikusitako plana hankaz gora joango zaio. Lehertzeko moduko komedia da eta etengabeko ustegabez hornituta.