Antzerkia

18 antzerki testu jaso dira guztira, eta irailaren 26an, epai mahaiko kideak, LIERNI FRESNEDO (Lezoko aktoresa eta Orratx Antzerki taldeko zuzendaria), KEPA ERRASTI (aktore eta dramaturgoa) eta AGURTZANE INTXAURRAGA (zuzendaria eta dramaturgoa), bildu ondoren, elkarren artean lehiatuko diren 6 antzerki testuak aukeratu dituzte.

Aukeraketa egiterakoan kontuan hartutakoak hauxek izan dira:

Testuen kalitatea (hizkuntzaren erabilera, pertsonaien eta istorioen garapena, erritmoa); egileen arteko parekidetasuna (3 emakumezko, 3 gizonezko), euskararen presentzia (gutxienez 4), eta azkenik, adina (bik 35 urte baino gutxiagokoak izan behar dute).

Emaitza:

Egileak eta antzerki testuen izenburuak:

1.-”ERGA TIBO PUM” -XABI PAYA

2.-”1.13”-GARAZI URKOLA

3.-”UKONDOA”-OIER GUILLAN

4.-”BEHARREZ EGIN DUT”-HEGOA ALVAREZ

5.-”AMAREN ARROPA ZURIA”-IÑAKI CID

6.-”INTXAURRAK”-AINHOA MARIZKURRENA

URRIAREN 7AN IRAKURKETA DRAMATIZATUEN arteko LEHIA- KALE FESTA_

Sei antzerki testu laburrak URRIAREN 7an Lezon ospatuko den arte eszenikoen festan elkarren artean lehiatuko dira. Testu bakoitzaren IRAKURKETA DRAMATIZATUA egingo da Euskal herriko hiru zuzendari handi eta sei aktoreen eskutik.

Festan parte hartuko duten profesionalen zerrenda luzea da. Hau osatzeko kontutan hartu da Euskal Herri osoko profesionalen partaidetza, genero parekidetasuna eta gazte sortzaileen presentzia.

GARRANTITSUA: Testu irabazlea PUBLIKOAren bozkarekin erabakiko da.

Horretarako, irakurketa garaian publikoak ez du jakingo testuak zein egilearenak diren, ezta zein zuzendarik zuzendu dituen. Testu irabazlea aukeratutakoan, orduan bakarrik iragarriko dira denak.

Partaideak:

FESTAren aurkezle eta dinamizatzaileak:

MIREN GAZTAÑAGA XANTI AGIRREZABALA ZUZENDARIAK:

ANDER LIPUS MAIKA ETXEKOPAR OLATZ BEOBIDE

AKTOREAK:

ENERITZ ARTETXE MARYSE URRUTY KOLDO OLABERRI IDOIA TAPIA KIMETZ ETXABE RAQUEL SALINAS MUSIKARIAK

IDOIA HERNANDEZ (Hatxe) eta LA BRAVA DJ-a

Oharra: Publikoari bokatarekin hurbiltzeko eskatuko zaio, familian, koadrilan edo bakarka. Festa ziurtatuta dago!

Estrespean bizi den gizon batek, hiri zaratatsu eta iskanbilatsua mendian galdurik dagoen baserri baten ordez aldatzea erabakitzen du. Bertan, hainbeste behar duen bakea topatu nahi du baina baserria ez da berak uste bezain lasaia. Bere barnean izaki bitxi batzuk bizi dira eta ez dute haien etxea usteko inolako asmorik.Plast jaunaren kontra ari dira lehia bizian, izan ere, «Plast & Company»-ren jabeak haien etxea plastiko nazkagarriz bete du.

Nork dio neska bat ezin dela pirata izan? Ametsek argi dauka pirata izan nahi duela, eta, horregatik, ez du zalantzarik izango zorionaren giltza aurkitzeko abentura batean murgiltzeko, berak nahi duena lortzeko eta haur guztiek nahi dutena izan eta beraien ametsak lor ditzaten.

50 minutuko iraupena du ikuskizunak eta bost urtetik aurrerako haurrei zuzenduta dago.
Amets Pirata BIHAR taldearen ikuskizuna da. Taldea 1972an hasi zen lanean eta 1979tik txotxongiloen mundu zoragarrian dabil murgilduta.

Kanpora sartzen ikuskizuna sentimendu gordinenen eta umorearen arteko oreka bilatzen duen lehen pertsonan idatzitako istorioa da.

2013ko martxoaren 11n, Xabinek seropositiboa zela jakin zuen; egun hartan, dena aldatu zen. Hamar urteren ostean, Xabin eta birusaren arteko harremanaz hitz egiteko garaia iritsi da. Lan honetan bere elkarbizitzaren lekuko izango gara, azken hamarkadan gertatutako pasadizoak errepasatuko ditugu. Pilulak, estigma, lotsa, kontsultak, beldurra, errua, bakardadea, osasun mentala, terapia, pandemia... Nola eragin du birusaren etorrerak Xabinen eguneroko bizitzan?

• Testuaren egilea: Xabin Fernandez Zubeldia
• Zuzendaria: Aitziber Garmendia Mendizabal
• Aktoreak: Xabin Fernandez Zubeldia, Intza Alkain Ibarguren
• Ekoizpena: Txalo Produkzioak

Ondoren "Txalostean": publikoak konpainiako kideekin hitz egiteko aukera izango du.

Beatriz Egizabal pailazo eta aktore feministaren bakarrizketa umoretsua. Honelaxe dio protagonistak: “Haserre nago, sutan nago, irakiten nago… presio gehiegi eta zulo guztiak itxita mantentzeko hezi naute”. Sumendia lehertzear dago!

Aktore-lan ikaragarria, ideia baten alde bizitza eman zuten gizon-emakumeei omenaldia egin nahi dien obra batean; artea, oroimenaren lekukorik onena zela pentsatu baitzuten, eta beraz, zaindu, defendatu eta legatu beharreko zerbait zela. Bi une eta espazio desberdinetan aldi berean gertatzen den kontakizuna.

Valentzia 1939. Pradoko Museoko kontserbatzaile bati galdera egin zion teniente frankista batek, Valentziako Torres de Serranotik desagertu eta Madrilgo museotik ebakuatutako beste koadro askorekin batera ezkutuan zegoen margolan bat non zegoen jakiteko.

Valentziako probintzia 2009. Kazetari bat Valentzia inguruko herri bateko udaletxera doa alkatearekin elkarrizketatzera. Memoria historikoari buruzko gai bat jorratu nahi du.

Ondoren "Txalostean": publikoak konpainiako kideekin hitz egiteko aukera izango du.

Anonyme Popular edonor izan daiteke, eta, aldi berean, norbait da. Igor da. Inor. Bere izenean eta besteren abizenean arituz, nitasun garaikide ertzdun bat dakar hitzetara Igor Elortza bertsolariak, gutartasun lanbrotsu baten erdian. Bere buruaz beste, besteon munduaz mintzatuz, ispilu deseroso eta maitekor baten aurrez kokatzen gaitu guztiok. Hitzak jostari josiz jarri ditu bertsoak; noiz sakon, noiz arin. Norbanakoaz eta jendeaz ari da, maitasunaz eta desiraz, azaletik barrura eta kanpora garenaz, gizonez eta feminismoaz, euskaldunon iragan hurbilaz eta orainaldi urrunaz, eguneroko nahi eta ezinez. Garaiaz eta giroaz. Buruz beste bihotzez.

Bertsoen hitzaren eta ahotsaren jarrera bereizgarri berekoak dira Rafa Ruedarekin landu dituen doinuak eta soinuak ere. Rapa, trapa, popa, funkya, mundurako erritmoak… Bertso-kantaro aurkituko da sorpresaz entzulea, aldiro, aldiaren kontraesanetara ertz ezberdinetik hurbiltzeko.

Azpeitiko Kulturaz kooperatibako ikus-entzunezko narrazioen sortzaileekin osatzen da zuzeneko emanaldia, bertsoen hariari eta musikaren aireari paisaiak erantsiz; paisaia humanoak, urbanoak, mundanoak.

Ikus-entzunezko bertso jarriak dakartza, beraz, Anonyme Popular egitasmoak. Ni eta zu eta guaren arteko espazio labainkor horretan sartu bezala ez irteteko esperientzia eskaintzen digu, hitzez, doinuz eta irudiz.

Hitzak eta ahotsa: Igor Elortza
Doinua eta soinuak: Rafa Rueda
Ikus-entzunezkoa: Kulturaz koop-eko dapatistak

Ondoren "Txalostean": publikoak konpainiako kideekin hitz egiteko aukera izango du.

Porrotari buruzko obra. Kolonoen karabanak, hasteko leku hobe baten bila. Bere lekua bilatzen duen belaunaldi bat. Punka iritsi da. Duelua.

Westernaren isiltasun existentziala. Dagoeneko bera izan nahi ez duen ukatua. Ni naiz naizena. Euskal diaspora Idahon eta Nebraskan. Cowboy bat txistuka. Hiru pertsona 80ko hamarkadan hasi eta gaur, hemen, zure aurrean amaitzen den istorio bat kontatzen. Sioux indiarrak euskal folklorea defendatzen. "Se busca" dioen kartel bat. Saloon baten desalojoa. Beste okupazio bat. Clint Eastwoodek dio ez duela soldaduskara joan nahi. 1880 da. Bolbora eta goma 2. Nuklearrik ez, ez hemen ez inon ez. Urrearen sukarra eta ontziolen itxiera. 1980 da. 8.000 indiar eta cowboy Herrera de la Manchara joaten. 8.000 arnegari basamortua zeharkatzen eta muino batetik zaintzen dituen sheriff bat. Pentsamenduaren etsipenen eta borroka kolektiboei buruzko istorioa. Zaldia. Arrapaladan urruntzen den zaldi-taldea. Belaunaldi baten amaiera. Mucha oilicía poca diversión. Amerikako Estatu Batuen erreserbak. Punkaren gordelekuak. Biak erresistentzietara murriztuta. Zeruertza. Nire atzetik datorren jendea. Oraindik kolonizatzeko dagoen zelai zabal bat, nire atzean. Hoy. Es. El. Futuro. La Polla Recordsek abesten zuen moduan.

Fitxa

• Dramaturgia eta zuzendaria: Olatz Gorrotxategi
• Zuzendari laguntzailea: Marta Álvarez del Valle
• Ikus-entzunezkoak: Indi Costa
• Mugimendu eszenikoa: Maitane Zalduegi
• Aktoreak: Aritza Rodriguez, Olatz Gorrotxategi. Marta Álvarez del Valle
• Musika: Joseba B. Lenoir
• Foley-a: Alberto de la Hoz
• Jantziak: Lorena Montenegro
• Argiztapenaren diseinua: Paco Trujillo
• Argi teknikaria: Imanol García
• Banaketa: Solobe Art
• Babesa: Trantsizioak - Harrobia, Eusko Jaurlaritza
• Hizkuntza: euskara, gaztelania
• Iraupena: 90 minutu

Ondoren "Txalostean": publikoak konpainiako kideekin hitz egiteko aukera izango du.

Eguneroko errutinan, ezarritako ordenean eta harremanean babestutako bi ahizpa lasai asko bizi dira beren betiko etxebizitzan. Norbaitek atea jo du. Nor ote da? Badaezpada ere hobe ez irekitzea. Gutun bat ate azpitik agertzen da. Beraien bizitza aldatuko al da... ala ez!!!

Bigarren solairua

Bi lagun, Margarita eta Trinidad, urte amaiera ospatzeko elkartzen dira. Agian datorren urtea hobea izango da. Norbaitek atea jo du. Beraien laguna Nina ote da?

Jendartean gero eta ohikoago den zuhurtziak eta beldurrak zera sortzen dute: paranoia, zentzugabekeria eta absurdua, baita krudelkeria ere. Komedia beltz honek umorea eta gizakiaren alderik ilunenari buruzko gogoeta batzen ditu, dibertsioa salbatzeko dena justifikatzeko gai dena.

Fitxa artistikoa:

• Aktoreak: Edurne Agirrezabala, Araitz Larrea eta Amaia Herrero.
• Musikako teknikaria: Amaia Legorburu
• Argi-teknikaria: Txema Rivera
• Atrezzoa: Joxean Intziarte
• Zuzendaria: Lierni Fresnedo
• Kartela eta programa: Harira

Lehenengo solairuan:

Eguneroko errutinan, ezarritako ordenan eta harremanean babestutako bi ahizpa lasai asko bizi dira beren betiko etxebizitzan.Norbaitek atea jo du. Nor ote da? Badaezpada ere hobe ez irekitzea.Gutun bat ate azpitik agertzen da. Beraien BIZITZA aldatuko al da.... ala ez!!!

Bigarren solairuan:

Bi lagun, Margarita eta Trinidad, urte amaiera ospatzeko elkartzen dira. Agian datorren urtea hobea izango da. Norbaitek atea jo du. Beraien laguna Nina ote da? Jendartean gero eta ohikoago den zuhurtziak eta beldurrak zera sortzen dute: paranoia, zentzugabekeria eta absurdua, baita krudelkeria ere