ERNE!!!!!
“ANTROAN INTRO” BERTAN BEHERA!!!
Orratx! Kultur Elkarteak eta Udalak iragarri nahi dute irailaren 10ean antzeztu behar zen “Antroan Intro” obra bertan behera gelditu dela, hau da, ez da emanaldirik egongo. Arrazoia: aktore baten istripu larria.
Dagoeneko 20 urtetik gora igaro dira Pedrin Divina Pedrea bilakatuta agertu zenetik, bere auzokide guztien aurrean. Dena perfektua zatekeen, edo ia, bere aita Pedro, betiko sindikalista sutsua, bertan agertu izan ez balitz. Baina, ez dago ikusi nahi ez duena baino itsuagorik; eta Pedrok, beti egon nahi izan du itsu edo "bizimodu normal" bat izan. Eta, noski, ez Pedrin eta are gutxiago Divina Pedrea ez ziren "normaltasun" haren parte.
Maleta bat, mila pezeta eta "zu jada ez zara nire semea" nahikoa izan ziren bi pertsonaren arteko bizitza harremana eteteko. Bien arteko haustura eta, harrezkeroztik, haien bizitzan iltzatuta geratu den konpondu gabeko gaia.
Baina patuaren asmoek ez dute ahaidetasunaz ulertzen eta aita-semeak une xelebre batek jarriko ditu berriz ere aurrez aurre. Izan ere, egoitza batetik ihesi joan den aitaren bizitza Alzheimerrak menperatzen duen bitartean, Drag Queen ogibide profesionalak semearena definitzen baitu. Bien amesgaizto edo tortura une, biek jada imajinatu dutena gertatzear dago. Berriz ere auzoa lekuko eta "Drag Queen Pasarela" programa amaieraren atarian.
Kaleko komedia emozionala da Bidearen amaieran; publiko guztientzat eta umorez, endreduz eta sentimenduz betea.
Hautagai batek kanpaina hasi baino hamabost egun lehenago beldur eszeniko agerraldi bat jasatzen du.
Bere alderdia “ coach” batekin harremanetan jartzen da berreskuratzen saiatzeko.
Honela ba ikuslegoak meeting bat simulatuko duen saio terapeutiko batean parte hartuko dugu.
Bowak, nomada, sustraiez eta ametsez umezurtz, egun batean botila bat aurkitu zuen itsasertzean. Barruan mezu bat aurkitu zuen, eta zerbaitek bilaketa bat bultzatu zuen hartzailearengana. Bidea hain izan zen aberatsa, ia obsesio bihurtu zen.
Itxaronaldiak eta bilaketa-kilometroak, botila baten kristal distiratsuan sartuta nabigatu zuten ehunka mezu helarazteko.
Mezu batek leku honetara ekarri du, eta itsasora mezu bat bidali zuen norbait topatzea espero du.
Pertsona hori ez da agertuko, baina zerbait berezia du leku honek, zerbait familiarra, etxe bateko beroa bezain arraroa berarentzat.
Eta mezu berri bat irakurriko du. Itsasoak idatzia, agure jakintsu hori, bere balentrien lekuko eta bere absentzien jakitun. Itsasoak gidatu ditu bere urratsak haraino, toki horretan aurkituko dute Bowaren hegoek lurra sustraiak ainguratzeko.
Ikuskizuna pertsonaiaren egoera emozional ezberdinetatik igarotzen da, diziplina anitzeko zirkuko lengoaian oinarritzen direnak: magia efektuak, modu akzidentalean sortzen direnak, espazio horren berezitasuna indartuz. Botilei buruzko ikerketa bat garatzea: manipulazioa, orekak eta objektuaren desmitifikazioa, pertsonaia, eszenografia edo euskarri-elementu hutsa eginez. Aireko akrobazia, karga teknikokoa, baina modu organiko eta koherentean garatua eta, jakina, umorea eta poesia zeharkako elementu gisa.
Pertsonaia obsesibo eta zorrotza.
Izaki bakarra bere espeziean. Bere kontroletik kanpo geratzen diren kaxa amaigabeez inguraturik aurkitzen da eta haiekin jolastuz bere munduari itxura ematen dio.
Kaos honetatik, irria berpizten den unibertso bat agertzen da, erokeria humoretsu bat sortu eta izaki berri batean bilakatzen da.
Txotxongiloekin kontzertu antzeztua familientzat.
KONTUKANTARI 2k oroitzapenean ditugun abestiak erritmo desberdinetan eskaintzen dizkigu, helduek ahaztu ez ditzaten eta txikiek ikas ditzaten. Lehenengo Kontukantariarekin hiru urtez biratu ondoren, errepertorioa berritu nahi izan dugu txotxongilo eta musika bertsio berrien agerpenarekin.
Oraingoan Nanu, Granu eta Kanuto arituko dira Haurtxo polita, Axuri beltza, Aldapeko, Ikusi mendizaleak, Loretxo bat, Baratze bat, Kolpe kolpeka, Guk euskaraz, Furra furra eta Arratsalde honetan
Iraupena: 50 min.
Bizitza tonbola bat da, eta guk zurea hankaz gora jarriko dugu. Ez zaigu inporta nor zaren, zer zaren, ezta sikiera zer izan nahi duzun.
Utzi tonbola honi zuregatik erabakitzen.
Tonbola ikuskizunak kaleko kabareta eraikiko du. Egoera absurdoetan oinarrituko du bere umorea eta munduan zehar mugek banatuta edota muga baten baitan bizi den jendearen errealitateari erreparatuko dio. Irabazlearen pozak dantzarekin eta zuzeneko kantu eta musikarekin hornituko ditu eta galtzaileen minak gorputzetik eraiki.
Tonbola herrira iritsi da eta harekin batera datoz tonbolaria, haren emaztea eta haien zerbitzariak. Iritsi dira "Ilusio sortzaileak!"
"Bizita tonbola bat da" ideia abiapuntu hartuta hasi ginen Tonbola eraikitzen. Nork esango zigun orduan kontzeptu horren egiak gaur horren krudel eragingo zigunik? Europaz hitz egin nahi genuen. Europako muga eta territorioez. Hitz egin nahi genuen askatasunaz, giza mugimenduez, migrazioaz, enpatiaz, solidaritateaz… Nork esango zigun orduan, hitz horien egia kolokan gera zitekeenik? Europako muga guztiak gaindituko dituen kabaret poetikoa. Umorea eta salaketa. Absurdoa eta errealitate gordina. Koktel "esplosiboa".
Gizakiak! Animaliak! Landareak! Unibertsoa! BIZITZA! Zer eta nolakoa da? Zer suposatzen da egin behar dugula? Eta, nola? Galdera guzti hauen eta gehiagoren erantzunen bila bazabiltza zatoz gurera, gurekin! Come on! Ondo baino hobeto azalduko dizkizugu gauzak…
Iritsi da epaiketaren eguna. Koloreak ez dira ados jarri eta azkenean epaile baten aurrean, beraien artean gizakientzako gogokoena den kolorea zein den erabakiko dute. Honetarako bakoitzak bere arrazoiak dauzka, oso potenteak diren arrazoiak… Lortuko al dute ados jartzea?
Jakin badakigu ez gaudela betiko, eta mundua bera ere ez; izan ere, guztia, noizbait, betiko desagertu egingo da, baina une hori ez dakigu norbaitek ikusi ahal izango duen. Izaki mikroskopiko bat gai izan da, mundu osoa kaiola batean sartzeko. Eta hortxe gaude, beldurtuta, nazkatuta, akituta… noiz aterako zain.
Baina gizakiok aspaldi ikasi dugu gure gorputzaren mugetatik at hegan egiten, eta horretan gero eta iaioagoak izan gaitezen, ikasteko, garatzeko, lantzeko eta abar, guneak sortu ditugu, gure irudimena aske senti dadin, benetako arnas-gune bilakatuz.
Horietako azken arnas-gunea da “Antro” taberna, hiriko zulorik ilunena, txokorik galduena. Gure hirian geratzen den azken “plaza” irikia… eta gaur ere, gauero bezala, zure zain dago, ANTROAN INTRO egiteko, sartu, sortu, azaldu, aurkeztu, erotu… nahi duzuena egiteko aukera izango duzue.
Tamalez, gure azken gotorlekuak gaur du, nonbait, bere azken eguna. Zer gertatuko da? Nora joango gara? Zer egingo dugu?... Zer egin eztarriak ixilduta, gure besoak, hankak… gorputzak ezin mugiturik, hitzak paperean idatzi gabe… Zer egin?
FITXA TEKNIKOA
Aktoreak: Mertxe Larrea, Begoña Azpiazu, Joseba Salaberria, Amaia Herrero, Araitz Larrea, Edurne Agirrezabala
Zuzendaria: Lierni Fresnedo
Zuzendari laguntzailea: Pello Elvira
Laguntzaileak: Begoña Amunarriz, Patxi Larrea
Testua, eszenografia eta jantziak: Orratx Antzerki Taldea
Diseinu grafikoa et argazkiak: Harira
Produkzioa: Orratx Antzerki Taldea